عرض للطباعة
اخواني
انا من مواليد 1399 يعني عجوز عمري 32
ممكن ادرس ولا مستحيل بحكم عمري
ومتخرجه بكالوريس 1425تربيه فنيه
ابي ادرس ماجستير في اي شي المهم يكون مفيد لي بعد الدراسه وله مستقبل
وسمعت ان الطالب ممكن يراسل الجامعه في الخارج
واذا قبلته على حسابه يروح ويرسل للدوله عشان يكون مبتعث
انا مره ودي بس ماني عارفه كيف الطريقه ابدا
زوجي بيجي معي مرافق
لو انقبلت بس تكفون كيف الطريقه
ملاحظه اختكم ماتدبر شي في اللغه بس ودها تدرس انقلش لو قبلوها
تكفون دبروني
وفيه بعد سؤال وش معنى إركاب ؟؟؟؟
ان شاءالله تلقي احد يفيدك ولاتقولي عجووز العلم من المهد الى اللحد
والله يحقق اللي في بالك ودعواتك ربي يتمم موضوعي
أختي .. ايه الالتحااق ماله عمر معين ..
بالنسبة لمراسلاتك وماتدبرين شي .. تقدرين تروحين مكتب قبول بالمنطقة اللي انتي فيها
وتحاولين تستفرين منه قدر المستطااع .. والالتحااق تساهيل ان شاءالله
ويجيب لك قبول لغة وجامعة .. الافضل اذا انتي تبين تلتحقين لاتسافرين الا وقبول الجامعة معااك
يسااعد اكثر .. ويلتحق زوجك معك ..
وبالنسبة للغة لاتشلين هم بتدرسين سنة كاملة وبتتعلمين ان شاءالله ..
بالتوفيق لك يارب
من جد الدراسة مالها سن معينة
ومدام عندك الارادة والطموح ليش لا
ابدآي راسلي معاهد اللغة ومره سهل التقديم عليهم ونفس الشي الجامعة
وفيه مواضيع تساعدك شلون آو عن طريق مكاتب
والله ييسر لك
بالله شوفي هذا الفيديو.
وقارني.
YouTube - ‫قصة نجاح أم و إبنتها - مثال حي للمرأة في برنامج الإبتعاث‬‎
اعاننا الله واياك .
منتيب عجوز و تبي تمشي امورك بإذن الله, ادعي ربك و الله ما يخلي الي يدعيه, ابد
معنى إركاب يعني امر اركاب وهو بإختصار تذكرة بعد ضمك للبعثة
لا بإذن الله أمورك طيبة ، راح تطلعين اربع شهور لغة على حسابك وبعدها تنضمين للبعثة وتكملين مرحلة اللغة وبعدها تدرسين ماجستير وكل بيتسر بتدبير الله تعالى.. ولا لها شغل في عمرك.
أمر الاركاب يعني يعطونك تذكرة و تسافرين على حساب الوزارة للبلد اللي راح تبتعثين له ، لكن للاسف هذا ماينطبق عليكي لأنك ماانتي مبتعثة على حساب الوزارة . واذا انضميتي ان شاء الله راح تاخذين امر اركاب كل تسع شهور عشان ترجعين للسعودية في الاجازات..
المهم هل عندكم مبلغ بمشيك انتي وزوجك الين تنضمين؟ يعني لازم تحسبين حساب نفرين لمدة اقل 5 شهور وبعدها اذا انضميتي فخلاص ماعندك مشكلة.
كم معدلك في البكالوريوس؟ وهل عندك توصيات جاهزة؟