استفسار امريكا شيكا بيكا

السلام عليكم ورحمة الله و بركاته
و كل سنه و الكل طيب بمناسبة عيد الاضحى المبارك
و على مسألة البعثه و الله دحين صارت الامور مرة ميسر(الحمدلله) و على مسألة انو اخوكي يدرس على حساب الدولة اعتقد انو لو البعثة لكي بس انتي اللي دراستك على حساب الدوله مو مرافقك
و الله يوفقك , و يوفقنا جميعا (لاتنسونا من دعائكم )

وعليكم السلام والرحمه والاكرام
ازا تبغى تخلي اخوك يدرس على حساب الدوله
خليه يطلع فيزا f1 بس لازم لمن يقدم على المعهد يجيب ضمان مالي او شهاده بنكيه انو عندو حساب 30 الف دولار تقريبا
وازا ما عندو خليه يتسلفها من احد ويعمل الشهاده ويعدين يرجعلو هيا
لانو لو اخد فيزا f2 ماراح يدرس الا دوام جزئي وهما راح يجمعولو الاربعه الساعات حقت دوامو الجزئي في يومين في الاسبوع
والله هادي هيا معلوماتي
والله يوفق الجميع

شكرا ياسومي وكل سنة وانتي طيبة ياعسل
بس ياليت توضح لي اش يعني فيزا f2 وكيف دوام جزئي وكيف يجمعوا الساعات
وطيب كيف اقدر اخذ f1اوf2(اش اسوي)
الله معاكي

أولاً أعتذر لصاحب الموضوع عن طرح مشكلتي لعد تمكني من فتح موضوع جديد

ثانياً موضوعي هو في التساؤلات التالية

لا مافي مشكلة يا dr.sattam (الناس لبعضها )
انا مااقدر افيدك لاني لسا ماقدمت على البعثة
ان شاء الاخوان راح يفيدونك
والله يسهل امورك
ولاتنسى بكرة تدعيلي في يوم عرفة
في امان الله

الاخت لايف بالنسبة لتساؤلك نعم يستطيع المرافق الدراسة على حساب الدولة (لغة وجامعة).
وأفضل طريقة هي ان يطلب اخيك القبول من معهد لغة (نفس معهدك او مدينتك) وعشان يعطيه المعهد القبول لازم يكون في حسابه الشخصي او حساب الوالد مايقارب ال30 الف دولار ويذهب للبنك ويطلب منهم ضمان بنكي (يقولهم ابغى ضمان بنكي عشان الدراسة في الخارج وهم يعرفونها). وبعد ماياخذ القبول يقدم على فيزا F1 الي هي فيزة طالب ولما توصلون واشنطن باذن الله وتصلحون اوراقكم يطلب من الملحقية ضمان مالي عشان يقدمه للمعهد ويدفعون الرسوم بدلا منكم.

بالتوفيق

شكرااااااااااا ياsaraha ياربي يسعدك
بس انا ابغاه يدرس في الجامعة موفي معهد ينفع
وكل سنة وانت طيبة والجميع

يا عسل ليف ون
تعرفي انو انا زيك من المرحله السادسه بس سار عندي تكدس معلومات زياده
المهم فيزا f2 يعني فيزة مرافق
والمرافق مالو حقوق زي المبتعث في الدراسه وازا اخدتي الموعد من السفاره وراح معاكي المرافق بالاي تونتي الي راح يجيبولو هوا نفس مكتبك راح يعطولو فيزا f2 وراح يداوم دوام جزئي (جزئي يعني يداوم نص دوامك وماراح يستفيد شي )
وانا عندي احد اعرفو هناك قلي المرافق بعض المعاهد يجلسو يجمعولو الساعات في يوم واحد فيسير ايام الدراسه عندو تلاته ايام او يومين تقريبا
فخلي المرافق يطع فيزا f1 زي ما قلتلك اول بشهاده بنكيه وخليه يختار نفس معهدك عشين عشين تجيلو i-20لمبتعث مو لمرافق وبعدين في السفاره خدي نفس الموعد انت وهوا (يعني موعد واحد)
ملاحظه الاشهاده البنكيه يستخدمها لمن يروح يقدم على المعهد ولا تكون دبلوم لانهم ماراح يرضو اما ثانوي واو بكلاريوس عادي
وازا عندو دبلوم خليه يترجمو وياخدو معاه
بعدين هناك يتصرف على حسب الجامعه تعادلو ولا لا
عارفه طولت بس ان شاء الله تكون وصلت المعلومات والي يسال ما يتهش
وبرضو انتي دوري عن الي تبغيه في الموقع وان شاء الله تلاقي الي محيرك
وانا طالبه مو طالب

دكتور سطام
اولا السلام عليكم
كيف احصل على الI-20؟؟
تحصل عليه من مكتب تجسي هما ارسلو رسايل قبل مدي انهم راح يجيبو i-20 للطلبه يعني تقريبا من يوم 16 الي يوم 30 نوفمبر
وكيف ومتى احجز موعد للمقابلة ؟؟
السفاره ارسلت رسايل على الايمل تقول انها حددتلنا ايام نحنا الطلبه عشين الموعد
وكيف دي لازم اول شي تعبي نموذج ds-160 بس عبيه لمن تحصل على رقم i0-20وازا ما حصلت عليه اكتب في الخانات الي ما تعرفها زي العنوان وغيرو noneومكان رقم i-20 اكتب N0000000000عشره اصفار بعد كدا ادخل موقع السفاره وسوي حساب هنا ب 45 ريال خدلك موعد بس ان شاء الله تكون وصلت المعلومه
وكيف اسدد الرسوم ومتى بعد أوقبل الحصول على الI-20 ؟؟ ووش الرسوم اللي أسددها وكم مبلغها؟؟
السداد في شي اسمو تسدسد السيفي وهدا زي الضرايب عشين المعهد وهدا تسددو في الموقع والله مني فاكره الرابط بس دور عليه وهوا يكون 750 ريال يعني تقريبا 200 دولار
وتسدد كمان رسوم الفيزا من صراف سامبا او تروح البنك نفسو وتدفع532 ريال
وكم أجلس على شان توصل الفيزا؟؟
وكم تجلس دي الله اعلم على حسب اوراقك تكون كامله ولا لا من اسبوع الى تلاته تقريبا
وطولت عليك معليش
بس ان شاء الله يكون وفيت بالشرح
بس برضو ابحث عن المواضيع الي تبغاها ولا تعتمد على معلوماتي
وشكرا