بخصوص العقود والسكن .. عندي مشكله بالعقد حق السكن لانه ما انتهى وانا لازم اتركهم !
السلام عليكم ورحمة الله وبركاته
ابشركم انه خلصت فترة اللغه وجبت الايلتس وراح ابدا بالجامعه السمستر الجاي اسأل الله التوفيق والخيره ..
لكن قبولي في ولاايه ثانيه يعني مو مدينتي وطبعاً لازم اترك هالمدينه واروح للجامعه لكن المشكله انه عندي عقد بالسكن باقي له 7 شهور
من شروط كسر العقد بالسكن انه تجيب واحد بدالك وتدفع 350 دولار وغير كذا مافيه , وصحيح لو يجي واحد بدالي بيصير يكمل العقد الباقي 7 شهور بس يعني خفيف
وان شاء الله القى احد يجي بدالي احسن له واحسن لي مع اني للحين مالقيت احد ..
لكن السؤال " ماذا لو " لم اجد بديل لي بالسكن ؟
وش العواقب اللي راح اتحملها في حال اني سافرت وطنشت العقد ؟ ووش الحل ؟
انتظر اجاباتكم .. والله يعين
رد: بخصوص العقود والسكن .. عندي مشكله بالعقد حق السكن لانه ما انتهى وانا لازم اتركهم
ما تقدر تطنش
انت ملزوم تدفع الاجار الى ان تحصل واحد يحل مكانك يكون هو الي يدفع الاجار
زي خويي حصل شقه صابحها دافع شهرين الى ان جى خويي
والله اعلم
رد: بخصوص العقود والسكن .. عندي مشكله بالعقد حق السكن لانه ما انتهى وانا لازم اتركهم
شوف روح كلم صاحب الشقة واشرحه ضروف نقلك وقله بدفع لك اجار شهر مقدم وكنسل لي العقد وانتهت ..
رد: بخصوص العقود والسكن .. عندي مشكله بالعقد حق السكن لانه ما انتهى وانا لازم اتركهم
تفاهمت معهم وعطيتهم القبول وقلت لهم كل شي لكنهم حقيرين بصراحه , حتى اني قلت للمحلقيه السالفه وكلموا السكن ورفضوا ..
مادري حسيت انهم يوم شافوا معي وقت حتى ادور احد قالوا مانبي نفسخ عقده دامنا يمدينا نكسب واحد بداله !
طيب ما قلتوا لي وش التبعات اللي تصير لو اني سحبت على عقدهم ودفعت حق اللي سكنته بس وسلمتهم الشقه وسافرت ؟
رد: بخصوص العقود والسكن .. عندي مشكله بالعقد حق السكن لانه ما انتهى وانا لازم اتركهم
بما أنه رافض صاحب الشقة اللعين فانصحك بالتالي:
تنزل موضوع فــ سوق المبتعثين Shopping Forum - .:: مبتعث ::.
كما اتمنى تبلغ النادي السعودي الى في مدينتك وهمه يساعدونك
وخلال الفترة هاذي فيه عائلات وطلبه سعوديين ذاهبين للدراسة وأكيد أن شاء الله يأخذون شقتك.
بالتوفيق لك عزيزي
رد: بخصوص العقود والسكن .. عندي مشكله بالعقد حق السكن لانه ما انتهى وانا لازم اتركهم
اوكي يعطيكم العافيه لكن ما قلتوا لي وش راح يصير لو اني دفعت الشهور اللي سكنتها وتركت باقي الشهور وسحبت عالعقد وسلمتهم شقتهم ؟
رد: بخصوص العقود والسكن .. عندي مشكله بالعقد حق السكن لانه ما انتهى وانا لازم اتركهم
ماعندي اي معلومة للاسف
لكن مااقول غير الله يخترلك الخير ويسهلك كل امر عسير وان شاءالله تتسهل
رد: بخصوص العقود والسكن .. عندي مشكله بالعقد حق السكن لانه ما انتهى وانا لازم اتركهم
اذا عندك محامي شخصي .. أو محامي تابع للملحقيه اتصل فيه واشرح له وضعك وقل له اني ناوي اترك الشقه بعد ما ادفع كل الايجارات اللي علي .. وش يصير لو سحبت عليهم ؟
اشرح له وضعك ..
وانصح اي شخص يدرس على حسابه الخاص يفتح ملف عند اقرب محامي للسكن حقه .. وتراه رخيص مره ..
رد: بخصوص العقود والسكن .. عندي مشكله بالعقد حق السكن لانه ما انتهى وانا لازم اتركهم
وش هالعقد الخبيث؟
اذا تجيب واحد بدالك ماتدفع ديبوزت الي هو 350 دولار ليش تدفعها !
عندك حلين,,,
مثل ماقلت انت تبحث عن احد يسكن فيها أو عالاقل روميت تدفع انت النص وهو النص اذا حبيت يكون الموضوع رسمي
الثاني انت طالب توك في مرحلة اللغه يعني ماعندك سوشل سيكيورتي نمبر وهذا من صالحك تقدر تماطل فيهم مده طويله جدا ويمكن مايوصلوك اساسا وهذي نقطه اعتبرها ممتازه لأن الأمريكان جدا حقيرين في تعاملهم بعد كتابة العقد ويبون أي ممسك عشان يطلعوا من وراك اي مبلغ
ومثل ماقالوا الاخوان شوف محامي واسأله اتوقع موضوع السوشل بيكون من صالحك,,,
رد: بخصوص العقود والسكن .. عندي مشكله بالعقد حق السكن لانه ما انتهى وانا لازم اتركهم
واللهي فيه شباب واجد نصحوني وقالوا دامك سددت الشهور اللي سكنتها عندهم ؟ خلاص سلمهم الشقه وقل لهم فمان الله وماعليك منهم
لكن يعني الواحد يخاف وماوده يكون خارج النظام ويتورط ..