الأعضاء الإشتراك و التسجيل

الملتقيات
ADs

قبول قانون بافضل جامعات امريكا

قبول قانون بافضل جامعات امريكا


NOTICE

تنبيه: هذا الموضوع قديم. تم طرحه قبل 2609 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية محااامية
    محااامية

    مبتعث جديد New Member

    محااامية السعودية

    محااامية , أنثى. مبتعث جديد New Member. من السعودية , مبتعث فى السعودية , تخصصى Law , بجامعة جامعة الملك عبد العزيز
    • جامعة الملك عبد العزيز
    • Law
    • أنثى
    • جدة, مكة
    • السعودية
    • Nov 2010
    المزيدl

    November 27th, 2010, 02:15 AM

    السلام عليكم ورحمة الله وبركاته ،،،،


    انا طالبة وباقيلي تقريبا سنة عشان اخلص البكلريوس وبادرس قانون بجامعة الملك عبد العزيز وتقديري ماشاء الله تبارك الله ممتاز وابغا اجيب قبول بافضل ١٠ جامعات في امريكا .. انا مايهمني الجامعة صعبة او لا ومستعدة اكرف...بس المشكلة انو القبول نفسه صعب ...

    وانا حابه اعبي نفسي من دحين الشروط اللي تبغاها الجامعات وايش يبغالي اسوي
    غير اني اجيب بالتوف ٧.٥ ،،، وعلى اي اساس بيكون القبول ،،، وتقريبا كم من ١٠ بيقبلوا في الجامعات ؟؟؟

    انا قرات انو امريكا عندها جامعات ممممتازه بالقانون بس قبولها جدا صعب وقرات كثير من الاخوان في المنتدى مالقوا قبول ولا لجامعة فعشان كدا انا جدا مترددة بيها ،،،


    ايش في متطلبات لافضل ١٠ جامعة بامريكا غير المعدل والتوفل ؟؟؟؟؟؟
    هادي هيا الجامعات
    http://grad-schools.usnews.rankingsandreviews.com/best-graduate-schools/top-law-schools/rankings


    ايوة في حاجة تانية .. لو درست بعثة في امريكا (الماجستير) وبعدين حولت لبلد ثانية ينفع او مايرضوا ؟؟؟


    اللي عندوا اي معلومة ولو بسيطة بليز يقول عشان الكل يستفيد ،،، ومشكوورة مقدما للجميع ،،، الله يوفق الجميع يارب




    على فكرة هادا اول موضوع ليا صراحة حبيت المنتدى جدا ومن زمان بتابعة فشكرا ليكم على مواضيعكم الحلوه جدا افادتني ^^
  2. أختي لو إنّك بحثتي في المنتدى بروية وهدوء كان لقيتي عازتك , ورح تلاحظين إن أغلب المواضيع اللي يتم تجاهلها تحمل عبارات : أفضل ولاية , أفضل مدينة , أفضل جامعة

    عدد الجامعات في أمريكا المعترف بها من الوزارة وقابلة للدراسة وغير موقفة حول 800 جامعة
    احنا نقول أفضل 10 جامعات لأن عندنا في السعودية حول 20 جامعة فقط ومتعوّدين على سب جامعة فلان وجامعة علّان .. بينما جامعات نيويورك لحالها أكثر من جامعاتنا
    على أي أساس نخترلك أفضل 10 ؟؟ أفضل جامعة هي جامعة هارفرد اللي تخرّج منها أوباما وطبعًا مستحيل تلقين قبول من الزحمة والطلب عليها إلا بعد سنة أو أكثر

    لذلك يا أختي لازم تجيبين ورقة وقلم وتختصري وتحدّدي .. تشوفي إش الولاية اللي تناسبك (جو , موقع , أسعار , نظام ...إلخ)
    وتختاريلك مدينة ممتازة من الولاية (لأن أغلب المدن فيها جامعات) وبعد كذا تختارين الجامعة

    بعد ما تحدّدي الولاية تدخلين على موقع وزارة التعليم العالي >> نظام الجامعات الموصى بها من الوزارة >> يجيك محرّك بحث (الدولة .. تختارين أمريكا , الولاية .. اللي اخترتيها طبعًا , التخصص .. تكتبين مسمى التخصص بالانقليزي) بعد كذا اضغطي بحث ورح تطلعلك الجامعات ادخلي روابطها وتفرجي وإختاري اللي يعجبك

    وثقي تمامًا إن الثمانمية جامعة في أمريكا لو جبتي شهادة من الجامعة اللي ترتيبها 800 .. يعد هذا شي رائع جدًّا ,, يكفيك إنك جبتي شهادة من بلد العلم الأول (طبعًا في غير الثمانمية كثير اللي ما تعترف فيها الوزارة أو موقفة بسبب التكدّس)

    و في الأخير وفّقك الله لما يحبه ويرضاه
    7 "
  3. المشاركة الأصلية كتبت بواسطة Kfoo
    أختي لو إنّك بحثتي في المنتدى بروية وهدوء كان لقيتي عازتك , ورح تلاحظين إن أغلب المواضيع اللي يتم تجاهلها تحمل عبارات : أفضل ولاية , أفضل مدينة , أفضل جامعة

    عدد الجامعات في أمريكا المعترف بها من الوزارة وقابلة للدراسة وغير موقفة حول 800 جامعة
    احنا نقول أفضل 10 جامعات لأن عندنا في السعودية حول 20 جامعة فقط ومتعوّدين على سب جامعة فلان وجامعة علّان .. بينما جامعات نيويورك لحالها أكثر من جامعاتنا
    على أي أساس نخترلك أفضل 10 ؟؟ أفضل جامعة هي جامعة هارفرد اللي تخرّج منها أوباما وطبعًا مستحيل تلقين قبول من الزحمة والطلب عليها إلا بعد سنة أو أكثر

    لذلك يا أختي لازم تجيبين ورقة وقلم وتختصري وتحدّدي .. تشوفي إش الولاية اللي تناسبك (جو , موقع , أسعار , نظام ...إلخ)
    وتختاريلك مدينة ممتازة من الولاية (لأن أغلب المدن فيها جامعات) وبعد كذا تختارين الجامعة

    بعد ما تحدّدي الولاية تدخلين على موقع وزارة التعليم العالي >> نظام الجامعات الموصى بها من الوزارة >> يجيك محرّك بحث (الدولة .. تختارين أمريكا , الولاية .. اللي اخترتيها طبعًا , التخصص .. تكتبين مسمى التخصص بالانقليزي) بعد كذا اضغطي بحث ورح تطلعلك الجامعات ادخلي روابطها وتفرجي وإختاري اللي يعجبك

    وثقي تمامًا إن الثمانمية جامعة في أمريكا لو جبتي شهادة من الجامعة اللي ترتيبها 800 .. يعد هذا شي رائع جدًّا ,, يكفيك إنك جبتي شهادة من بلد العلم الأول (طبعًا في غير الثمانمية كثير اللي ما تعترف فيها الوزارة أو موقفة بسبب التكدّس)

    و في الأخير وفّقك الله لما يحبه ويرضاه


    الاخ kfoo اشكرك على ردك ومجهودك
    انا باتكلم عن افضل الجامعات بشكل عام لاني مو من دحين بحدد الولاية بس بعبي الشروط من الان اللي ممكن الجامعات بيشطرتوها او ماتكون شرط اساسي ولكن عشان يفاضلوا بها الطلاب لكثرة الطلب عليها ... وايضا اعرف انو الجامعات امريكا من افضل الجامعات في العالم ولا مجال للمقارنة بجامعاتنا ومع كدا ابغا ابحث وقدم طلبي لهادي الجامعات ومافي شي مستحيل عى ربنا
    ومرة تاني اشكرك جدااااااا على ردك .. جدا افادني وانشاء الله وصلتك فكرتي .. بالتوفيق ^^

    7 "
  4. المشاركة الأصلية كتبت بواسطة musaed.1
    السلام عليكم

    اختي انا ادرس ماجستر قانون في امريكا تواصلي معي ان شاء الله اقدر افيدك

    مسيك بالخير يا غالي

    عندي بعض الاستفسارات عن دراسة القانون في أمريكا :
    - هل في مرحلة الماستر قبول مشروط؟
    - أفضل الجامعات في القانون التجاري ؟
    - بحثت في بعض الجامعات عن تخصص القانون التجاري فحصلت هذه المصطلحات Business law / Commercial Law / Trade Law سؤلي هل هذه التخصصات تخصص واحد بمصطلحات مختلفة ؟

    اسأل الله ان يوفقك في دينك ودنياك
    7 "
  5. المشاركة الأصلية كتبت بواسطة musaed.1
    السلام عليكم

    اختي انا ادرس ماجستر قانون في امريكا تواصلي معي ان شاء الله اقدر افيدك
    طيب اخي الاخت سبق وطرحت الاسئلة يعني اشلون تتواصل معاك اذا عندك اجوبة اخي اطرحها هنا لاسئلتها اكسب اجرها واجر غيرها يستفيد من ردك
    7 "
  6. المشاركة الأصلية كتبت بواسطة محااامية
    السلام عليكم ورحمة الله وبركاته ،،،،


    انا طالبة وباقيلي تقريبا سنة عشان اخلص البكلريوس وبادرس قانون بجامعة الملك عبد العزيز وتقديري ماشاء الله تبارك الله ممتاز وابغا اجيب قبول بافضل ١٠ جامعات في امريكا .. انا مايهمني الجامعة صعبة او لا ومستعدة اكرف...بس المشكلة انو القبول نفسه صعب ...

    وانا حابه اعبي نفسي من دحين الشروط اللي تبغاها الجامعات وايش يبغالي اسوي
    غير اني اجيب بالتوف ٧.٥ ،،، وعلى اي اساس بيكون القبول ،،، وتقريبا كم من ١٠ بيقبلوا في الجامعات ؟؟؟

    انا قرات انو امريكا عندها جامعات ممممتازه بالقانون بس قبولها جدا صعب وقرات كثير من الاخوان في المنتدى مالقوا قبول ولا لجامعة فعشان كدا انا جدا مترددة بيها ،،،


    ايش في متطلبات لافضل ١٠ جامعة بامريكا غير المعدل والتوفل ؟؟؟؟؟؟
    هادي هيا الجامعات
    http://grad-schools.usnews.rankingsandreviews.com/best-graduate-schools/top-law-schools/rankings


    ايوة في حاجة تانية .. لو درست بعثة في امريكا (الماجستير) وبعدين حولت لبلد ثانية ينفع او مايرضوا ؟؟؟


    اللي عندوا اي معلومة ولو بسيطة بليز يقول عشان الكل يستفيد ،،، ومشكوورة مقدما للجميع ،،، الله يوفق الجميع يارب




    على فكرة هادا اول موضوع ليا صراحة حبيت المنتدى جدا ومن زمان بتابعة فشكرا ليكم على مواضيعكم الحلوه جدا افادتني ^^
    انتي دفعت 08 بالملك عبدالعزيز
    7 "
  7. شروط القبول في الجامعات الكبرى
    بالإضافة للمعدل والتوفل متنوعة..
    منها حسب علمي.. ويبقى الإنسان علمه محدود.. (وأكيد فيه ناس دخلوا بدون هالشروط):

    خطاب الغرض من الدراسة .وهو أهم شي. (إذا فيه شي يقنعهم فيك بحسب هدف الجامعة، )
    التوصيات الأكاديمية (إذا كانت من خريجين من هالجامعة أو من جامعة كبرى، أوتتحدث عن نقاط القوة عندك من دكاتره درسوك كالقدرة على البحث العلمي والاستنتاج والربط والتحليل ووإثارة الأسئلة..)
    C.V. (يكون فيه أشياء مميزة، خبرات أو دورات، أو تجارب....)


    هذا اللي أعرفه..
    وبالنسبة للجامعات كل جامعة لها هدف وتوجه..
    مثلا.. جامعة ييل YALE في ولاية كونيتيكيت في تصنيف US NEWS الاولى في تخصص القانون.. لكن تقبل في الماجستير من 22 إلى 25 طالب سنويا.. والقبول فيها صعب جدا جدا.. وهذولا الطلاب كانوا العام الماضي من 19 دولة تقريبا..
    لكن هارفارد الثانية وتقبل أضعاف هالعدد.. وهي أكثر الجامعات العشر الكبرى قبول للطلاب .. والمتقدمون لها أكثر أيضا..
    لكن لها معايير عالية كالتميز والتأثير (تميزه في قدراته العقلية والنفسية، وتأثيره بعد التخرج.. مثلا يكون المتقدم مبتعث من جهة قانونية عليا في بلده، أو ساهم في مشروع قانوني فيها).. ولازم يكون هالشي واضح في خطاب الهدف من الدراسة حتى يقتنعوا في الشخص..


    طبعا في عوامل كثيرة..
    لكن هذا من خلال اطلاعي على مواقع هالجامعات.. لأنهم يكتبون إيش نوعية الطالب اللي يبغونه.. وكلامهم واضح لو حاولتي تطلعين على مواقع كليات القانون في هالجامعات..

    ومن خلال سؤالي عن بعض اللي درسوا في هارفارد مثلا:
    - واحد جاب توصية من اثنين من خريجي هارفارد
    - واحد جاب توصية من جهة عمله.. جهة قانونية عليا في بلده
    - واحد كان معه بكالوريوس من جامعة أمريكية مميزة وله بحوث
    - واحد له نشاطات حقوقية اجتماعية.. حقوق أقليات، ...


    ومثل ما قلت.. هذا حسب علمي.. وأؤكد على قراءة موقع الجامعة المطلوبة، والوصول لبعض الخريجين وسؤال من يمكن أن يفيد منهم، ومحاولة إيجاد ما يستطيع الشخص من هالعوامل المساعدة لتعزز فرصتك ، والبحث في الانترنت عن مواضيع تتحدث عن القبول في هالجامعات..
    مثلا: شفت موضوعات منوعة في موقع US NEWS من خريجين من جامعات مثل ستانفرد وبيركلي وغيرها.. وأكيد في أشياء ما شفتها..


    وكل شيء بتوفيق الله سبحانه وتعالى..

    وفيه معلومة ممكن ترفع الامل.. بعض الجامعات تكون موزعة نسب من عدة دول في العالم حتى يكون عندها خليط من الخريجين.. فلا يتقدم لهم إلا اثنان من دولة او واحد فقط مع آلاف من دول أخرى,, فيكون التنافس بين أصحاب الدول الاخرى كبير وأما هو فيقبل لأنه توفر فيه ما يساعده على القبول.. وهو أنه الوحيد من هذه الجنسية المتقدم في هذه الدفعة..

    وأسال الله للجميع التوفيق..
    أتمنى إني ذكرت شي يفيد..
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.