حوار الحرب العصبية التي سببتها ولاية اركانساس...

وأنت تبحث عن الصخب ..؟

ولا تحب الهدوء ..؟


حلو أنك تروح .. وتريح أعصابك هناك .. بعد ( الحرب ) القائمه بين نفسك .. ونفسك ..واللي مافيها أحد منتصر..!

تعوذ من ابليس وانا أخوك واذكر الله وخليك هادئ بلا حرب بلا بطيخ خخخخ

الله يرضى عليك شاهد هذا الرابط وان شاء الله يفيدك يارب هنــا

الإشكالية البسيطة يا إخوان ان الكلام الي اقرأه في مبتعث عن جونسبورو مرعب دراسيا
رغم أني واثق بقدري لأني استخرت ولله الحمد قبل كل شي
لكن... والله أثرت فيني بعض الردود الي بتجمع طلاب جونسبورو
الله يكتب الي فيه الخير اولا وأخيرا...
ويسدد خطانا جميعا، شاكرلكم مروركم يا غالين

بالواقع اخت فجر افضل الهدوء والأمن
لكن زي ما ذكرت بعض المواضيع أصابتني بمرض التردد و( شيلة الهم ) أني اندم لا وصلت وأقول : ليتني سامع كلام الشباب الي عارضو الولاية بقوة
الله يسدد خطانا جميييعا

كانوا (البدو) سابقا .. يرسلون أحد ( يعس ) المكان المطروح فكرة الإنتقال له .. قبل أن ينتقلون ..
وهذا (العساس) يأتي لهم بالأخبار .. ومن ثم يتم القرار ..

بإمكانك أن (تقص) التذكره , و (تعس) .. المكان .. قبل الإنتقال..


إضافة .. هذه (الحيرة) تصادفنا دوما , عند الإنتقال , أو عند أي مشروع مستقبلي.. الزواج مثلا..
وبحكم أننا لا نعلم المكان الذي سنتقل إليه .. فيتطلب الآمر جمع معلومات .. أو (عس) كما ذكرت لك ..
أما الجانب الآخر وهو المشروع المستقبلي , فهنا يتطلب الأمر أيضا جمع معلومات , ودراسة , وأستخاره .. ثم قرار..

وبين هذه وتلك .. يختلف تعاطينا مع الأمور بإختلاف شخصياتنا , وصحتنا , وثقافتنا , وبئيتنا ..


ونصيحتي ..

( قص ) و (عس) ..!

اقول ياكاتب الموضوع

الافضل روح انا فيها

الحين توها نازل قرار

المعهد 8 لفلات


الفونديشن 4 شهور

بعدين لفل 1 لحد 7 وكل لفل شهرين

المعهد مادي اكثر من انه تعليمي

وهذا اللي حصل الحين

وانا الحين بالمعهد

وسلامتكم

دراسة ...استخارة...قرار

دراسة...استخارة...قرار
الله يعطيكي الف عافية اخت فجر
ان شاء الله هذه خطوات الخطة والله يسرلك كل أمورك

ويعطيك العافية اخ حمودي
ما قصرتم جميعا
الله ينورلكم دروبكم

هلا والله فيك انا بإذن الله بعد سنة بلحقك

اما عن المدينة .. من واقع بحثي

1- الجامعه ممتازة ما يعيبها شي ابد ، بالعكس لما رحت لجامعتي و استفسرت من الدكاترة الي اعرفهم عن الجامعة ، فمجرد اني ذكرت اسم الجامعة يمدحوها لي

2 - المدينة فهي فعلا مملة ، نظرا لانها صغيرة و باردة و درجات الحرارة توصل لتحت الصفر خلال هذا الاسبوع ممكن تشوف موقع Yahoo! و تقدر من خلالة تشوف الاحوال الجوية خلال اسبوع

3 - التسوق : فيها مول واحد فقط و مقارنة بـ رد سي مول بجدة فأتوقع انه البوابة 1 اكبر من المول كله ههههه

4 - المساجد : عرفت انه فيه مسجد واحد فقط و اضن انه قريب من الجامعة او بداخل الجامعة . ما اتذكر ( بس الافضل انك تتأكد )

5 - المواصلات : احب اطمنك ان المواصلات معدومة في هذه المدينة من ناحية الباصات العامة ، اما التكاسي فـ على حسب ما سمعت انه ما يتعدى 4 تكاسي في جونسبرور كلها .

6 - السكن : فأحمد ربك انه جاك القبول في هذه المنطقة ، اطلق شقة فيها ( تلفزيون - غسالة - نشافة - انتر نت ... الخ ) مع غرفة نوم وحده و صالة و حمام الله يكرمك = 450 دولار فقط و اعتقد انه الكهربة و الماء على راعي العمارة ، و ازيدك من الشعر بيت ترا فيه مسبح لكل العمارة + فيه مواقف و كل هذا بـ 450 دولار بس ، اما لو كانت غرفتين و نفس مواصفات الاولى ( يعني انترنت - تلفزيون .. الخ ) ما تتعدى 550 دولار .. يعني لو انت على حساب البعثة بيبقى من راتبك ( 1850 - 450 = 1400 دولار ) يمديك تسدد فواتير الجوال + تشتري اغراض لك ( ايفون او لابتوب او شواحن الخ الخ )

7 - الشركات الكبرى : مافي اي فرع لشركة ابيل في هذه المنطقة ، لكن بكل بساطة ممكن تدخل على eBay - New & used electronics, cars, apparel, collectibles, sporting goods & more at low prices او www.amazon.com و تشتري الي تبيه و تعطي عنوانك للبائع وهو بيرسل لك الاغراض رأسا على باب بيتك بدون ما تحتاج ارامكس و غيرها من الخرابيط .

8 - البنوك : بحثت عن البنوك و بالاخص بنك واحد وهو bank of america و كان له مناطق كثيرة مابين فروع و صرافات

9 - السيارات : انسى الموضوع لانه مره مره مره غالية ، فمثلا انا بحثت عن 2006 honda accord فحصلت النظيف على 14000 دولار و كسور ، و السيارة يوم انها جديدة على موقع الشركة كان سعرها 20.000 دولار فقط . فألله لا يهينك يمدحوا السيزوكي الالتو تبع توصيل البيتزا .

10 - المحلات العربية : على حسب ما توصلت له من خلال بحثي انه المحلات العربية قليلة اذا ماكانت معدومة تماما ، لكن ممكن تطمر السوبر ماركة و تشتري الي تبيه و الله يقويك تطبخ بالبيت . ترا كلها كم سنة و بترجع للسعودية و والدتك الله يحفظها بتطبخ لك .


اما غير كذا فالمدينة هادية و مافيها مشاكل او اي شي ، و للامانة تعتبر ولاية arkansas افقر خامس ولاية على مستوى امريكا كلها ، لكن انت حاول قد ما تقدر تتواصل مع الشباب الي موجودين بالولاية و حاول توفر سكن خاص فيك و ترا نفس الشي سواء جنب الجامعه او بعيد عنها ترا هي 450 نفسها للغرفة و ممكن تفرق المواصفات فقط .
اما عن الامان ، فلا تخاف المدينة رايقة و مافيها مشاكل كثير


...............

معلومة اخيرة : نصيحة يا اخوي حاول قد ما تقدر تشتري iphone 3gs و انتبه لازم يكون 3GS علشان تستفيد من الخرائط و البوصلة او تشتري IPHONE 4 ، الهدف منه انه ممكن تستخدمة في الخرائط ، فمثلا تحدد بعد الشقة هذه عن الجامعة ، و يطلع لك بعدها بالكيلو متر او الميل + الدقائق الي تحتاجها علشان توصل + افضل طريق تروح منه .. الخ ، و بالنسبة لبعض الولايات مثل كاليفورنيا ، بيطلع لك الباصات متي بتمشي من هل منطقة و وين متجة و كم سعر التذكرة ... الخ الخ .

..............

وراسلني اذا بغيت شي و ان شاء الله ما اقصر معاك

اخ زياد..
كل الي اقدر أقوله لك..


روح الله يسرلك أمرك وين ما وجهت
يكفيني من الدنيا وجود ناس تحب الخير لبعض زيك
واذا احتجت اي معلومة براسلك علطول <<ما صدق ابو الشباب