استفسار هاااااام

معهد كابلان ماله علاقه بالقبولات المشروطة ، حيث انها مؤسسة تعليمية تدرس الطلاب بكثافة كيف يعدون امتحانات اللغة والجيمات والجي آر إي وهالامور ،،

وبالنسبة للرسالة لو كان مكتوب فيها


اعرفي انك خلاص انقبلتي

و لو تبين قبول مشروط حددي المرحلة والتخصص و جهة الابتعاث و ان شاء الله نفيدك

انا في المرحلة السادسة ماجستير تخصص كيمياء او كيمياء حيوية امريكا لم احدد او بالاصح الوزارة لم تحدد لي الولاية

طيب اختي ،، بما ان الوزارة ماحددت الولاية او المدينة او الجامعة ..

عندك خيارين .. الاول انك تعتمدين عليهم وتنتظرين قبولك واوراقك ..

والثاني انك انتي تحددين تخصصك تماما و باذن الله نساعدك تحددين الولاية والمدينة والجامعة اللي تعطيك قبول مشروط في مجالك و نساعدك تجيبين فيه قبول بحيث انك تروحين ديرة فيها مجالك وتدرسين وتتخرجين بدون ما تضطرين للتنقل من مكان لمكان ..

في حال كانت الاهداف والاسباب واضحة امامك و عندك قدرة الاختيار ،، ياليت تتفضلين وتوضحينها و بنقدر نتكلم في الموضوع اكثر

في حال انك اخترتي ان الوزارة تتكفل بكل شي .. لما تروحين لامريكا بتدورين لك على جامعه وقبول ..

في حال انك قررتي انك بتسوين كل شي .. بتحتاجين ضمان مالي من الوزارة او ضمان مالي على حسابك الشخصي لين يجيك القبول وبعدين الوزاره تعتمد لك اياه ..

وهذي هي النقطة الفارقة ..

انا تخصصي اصلا كيمياء حيوي لكن الوزارة حددت لنا تخصصات معينة نختارها وطبعا ماكان فيها قسمي لذلك اظطررت لاختيار الكيمياء العام وقلت ان شاء الله لمن اوصل بلد الابتعاث احول لتخصصي كيمياء حيوي او مجال اخر قريب منه غير الكيمياء فلذلك انا اريد ولاية او بالاصح جامعة بولاية صغيرة وهادئة ومناسبة الاجواء ويوجد بها التخصصات المذكورة علما بانني ساصطحب زوجي وابنتي

هل يهمك قبول مشروط او لا ؟

في حال ماكان يهم ،،

يوجد جامعات توفر تخصصك هذا ..

Chemistry - Academics - Missouri State University

هالجامعه توفر لك شيئين ،، الاول قبول مشروط .. والثاني تخصص كيمياء

في حال انه مالقيتي تخصصك بسهولة او جامعة معينة تلجأين لها او تقبلك بسهولة .. هالجامعة ممكن تكون سلاح سري في ايدك و تقدرين تستعملينه في اي وقت ..

والجامعة هذي موصى بها من التعليم العالي والملحقية الثقافية السعودية في امريكا ..

والمدينة السكن فيها سعره معقول و مدينة مافيها ضوضاء سكاني ..

و في حال فيه استفساارات او بدت توضح الصورة بالنسبة لك اكثر شوي .. كويس عشان نقدر نخوض في الموضوع بشكل اعمق او نشوف خيارات مناسبة لك اكثر ..