تكفوووون ابي افاداتكم تكفون جاوبوني
بسم الله الرحمن الرحيم
السلام عليكم ورحمة الله وبركاتة
في البداية احب اشكر جميع القائمين على هذا المنتدى
ثاني شي انا ابي ادرس بامريكا وعندي عدة استفسارات وارجوا منكم الاجابة علي بحكم اني ابي ابدأ من الصفر
ولا اعرف شي
س1: انا معاي دبلوم حاسب الي .. هل جامعات امريكا يعادلون لي الشهاده ولا لا ؟؟؟؟؟
س2: كيف احصل على قبول من إحدى الجامعات الامريكية ؟؟
وهل ادرس معهد في البداية ولا لا ؟؟ وهل المعاهد يعطلون مع الجامعات ولا لا؟؟؟
س3: اذا حصلت على قبول بأذن الله .. هل راح يضموني للبعثه ؟؟ ولا اروح ادرس المعهد على حسابي؟؟ وبعدين اقدم على البعثه ؟؟
س4: كيف اعرف خطوات اصدار الفيزا ؟؟
ارجوا منكم افادتي تكفووووووووووووووووون
رد: تكفوووون ابي افاداتكم تكفون جاوبوني
س1: انا معاي دبلوم حاسب الي .. هل جامعات امريكا يعادلون لي الشهاده ولا لا ؟؟؟؟؟
ما ادري ... بس اتوقع تلقى جامعات يعادلونها (اهم ميزة في امريكا ان الخيارات متعددة).
س2: كيف احصل على قبول من إحدى الجامعات الامريكية ؟؟
وهل ادرس معهد في البداية ولا لا ؟؟ وهل المعاهد يعطلون مع الجامعات ولا لا؟؟؟
للحصول على القبول : اما انك تراسل الجامعات بنفسك
طبعاً تبحث عن الولاية والمدينة المناسبة والجامعة تكون معترف فيها من الملحقية وعن طريق موقع الجامعة بحث في خطتهم الدراسية واذا اعجبك الوضع ابحث عن اميلاتهم في موقعهم وراسلهم . وشوف طلباتهم .(واذا كنت مستعجل او ماتعرف شيء الله يعينك على المكاتب تجيب لك قبولات)
طبعاً تدرس لغة في البداية (الا اذا كان معاك التوفل من هنا)
واجازات المعاهد تختلف .. المعاهد التجارية وضعها مختلف واجازاتهم اقل
والمعاهد التابعة للجامعات يعطلون في الغالب مع نفس الجامعة .
س3: اذا حصلت على قبول بأذن الله .. هل راح يضموني للبعثه ؟؟ ولا اروح ادرس المعهد على حسابي؟؟ وبعدين اقدم على البعثه ؟؟
النظام يقول انك تخلص اللغة على حسابك وتاخذ 30 ساعة في الجامعة
لكن في الغالب يضمون قبل هذا كله
يعني في اسوء الاحتمالات بعد ماتنتهي من اللغة
وان شاء الله تنضم قبل
س4: كيف اعرف خطوات اصدار الفيزا ؟؟
اول شيء احصل على القبول والـ (I-20) بعد كذا بامكانك تعبي الابليكيشن الخاص بالسفارة الامريكية وتحجز لك موعد للمقابلة . (حالياً لاتشتت نفسك بالفيزا)
الله يوفقك