بسم الله أوله وآخره
أود في البداية ان اثني على الأخت ريم1
فلقد أجازت وأفادت بدون سخرية وأنا من المؤيدن لكلامها المنطقي
يا أخي ما في أحن واشرف وأجمل من بنت بلادك
مسلمات ،، جميلات ،، مثقفات ،، بنات عوائل ،، حنونات ،، تخاف عليك وتصونك ...... إلخ
أما الأجنبية صدقني ولا راح تفكر فيك وراح تتخلى عنك في اول مشكله تصادفك ولا وقت ما تبي وراح تجيب لك المشاكل وراح تكلفك أكثر بكثير مما تتصور
أما بنت البلد
بالنسبة لتكاليف الزواج تتراوح من 50000 إلى 80000 ريال
ومو لازم شهر عسل بمبلغ وقدره تزوج وخذها معك وخل كل ايامك عسل وكل ويك اند لا تقصر مع بنت الناس من طلعات وتمشية وخلافه ولو في الشهر مره فلها حق عليك كما لك حق عليها
وبالنسبة للمهر ليس حكراً مبلغ معين فالعادة المهر يتراوح ما بين 20 إلى 50 ألف وانت تقدر تشوف العوايل اللي تبي رجال مش واحد يشتري بنتهم
واعمل حفلة معقولة بدون اسراف (لا افراط ولا تفريط)
وفي ناس يخلون الحفله على الضيق بعد ولا تهمهم المظاهر لأنهم يصاهرون رجال ويبون الستر لبنتهم
والبنت اللي من بني جلدتك اخت رجال وهي احن عليك وتوقف معك في الحلوة والمرة ولا تستكثر وتقول بنات البلد يكلفون ومصارفهم واجد .. فـ والله ان الأجنبية تصرف عليها اكثر ، انت لا تحسبها من جهة مصاريف الزواج وبس ، احسبها فيما بعد الزواج
وأنا أقول لك هالكلام لأن لي صديق في احد القنصليات السعودية في الخارج ويقول لنا قصص وقضايا يشيب لها الرأس بسبب الزواج من الأجنبيات
وصدقني راح ترتاح وربي يطرح لك البركة فيك وفي زوجتك اللي من جلدتك وبلدك ودينك
واذا تحب أول ما تسافر وأثناء تسجيل جواز سفرك في السفارة أو القنصلية اطلب المنشورات اللي تخص الزواج من الاجنبيات فهي متوفرة لديهم
وأنا شخصياً جلبت لأحد الاصدقاء هذه المنشورات من القنصلية عندما كان يفكر بالزواج من أجنبية لأن التكاليف اقل ولله الحمد عدل عن ذلك عندما فكر فيها صح
وما اقول إلا ربي يوفقك ويصونك