حوار حوار : الزواج للمبتعث بنية الطلاق وفق الشروط الاسلامية

السلام عليكم
لو سمحت اطرح مواضيع نستفيد منها ترى هذا مو تخصصنا ايش هذه الاسئله الي مالها اي داعي روح اسال بنفسك السفارة وخلي عنك هالكلام

هههههههههههههههههههههههههههههههههههههههههههههههههه ههههههههههههههههههههههههههههههههههه
والله العذر والسموحه بس فاطس ضحك عالتعليقات

وبعدين والله ان شغلتكـ شغله
أنا اقولك على حل
أكتممممممممممه بكيس بصل << لوووول

لا جد والله
خش على مواقع زواج المسيار وادفع رسوم
وبين لهم انك جاااااد
وقول تفاصيلك
وعادي لك النظرة الشرعيه ويعتبر زواج شرعي
وأشرط فيها انك ما تجيب عيال
وفيه حاجه يسوونها بالمستشفيات تخلي الزوجه ما تجيب عيال خمس سنوات قدام

وتعتبر زووووجه
والله يتمم لك على خير



صار تقولي اربعه يالظالم هههههههههههههههههههههههههههههههههههههه

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟

وينك يابو متعب تجي وتشوف عيالك ..!!!!!!!!!!

اجل هذا اللي تمناه لنا وطلعنا ع شانه .. ماقول الا يامثبت القلوب ذبت قلبي ع دينك ..

احفظوووووووووووو الله يحفظكم ...

تسلم على المرور اخوي

وباخذ كلامك بعين الاعتبار

واتمنى القا ناس واعين مثلك يفدوننا ويحولون الموضوع الى نقاش عقلاني

والله انك فالها وبايعها من الآخر
4 مرة وحدة ولا امريكيات عاود التفكير والله بتتعب
<< هذي مجرد مقدمة كوميدية عشان ندخل في جو الموضوع المهم اخوي

إذا تبغى تتزوج ما لك غير بنت بلادك هي اللي تحفظك وتصونك
ولا تخليك تفكيرك بزواج موقف خذ لك زوجة تكمل معها المشوار لنهاية العمر

الله يخلف علينا بس ويحمينا
من كلامك فهمت انك عمرك صغير18او19
يعني عادي عندك انها تشرب
وتعشى مع زميلها وتعزمه عنده بالبيت
لا ماتبي تسكن عندها بتخليها قير فرند

بالله عليك وش شعورك لماتجيها وتلقها نيمه مع حبيبها
؟؟؟؟؟؟؟؟؟؟؟؟
رد بس مولازم تقول رد بنفسك

واذا ماشفتها <<ممكن تجيب لك امراض انت في غنا عنها
انت فكر بعد 10 سنين وشب تسوي
طيب نقول شريفه ماعندها الخربيط
ممكن تحمل
بتقول حبوب منع الحمل يمكن تنسا تاخذهااو تتناسى
ترا في ناس حمالت وهي تستخدم موانع
والولد اللي يبي يجي وش ديانته وش مستقبله
ممكن تزاعل انت معها وتحرمك منه طول العمر
فــــــــــــــــــــــــــــكــــــــــــــــــــ ر

ههههههههههه
مشكور يامسافر
وانت يارعي الموضوع خلك مع الكبسة وش تبي بالهبرجر
وحده تراعيك وتراعي اعيالك انشاء اذا جو
وغير كذاء الحشمة والدين واذا انشاء رجعة لمعك زوجة ولد وبنت << يمكن كلهم عيال او بنات ههههه
بتوفيق
ومثل ماقلتلك خلك مع الكبسة ههههههههه

السلام عليكم ..

انا عندي تعليقات كثيره

اولا ,, انت صغير وكلامك أسميه أحلام يقضة

حنا نروح امريكا وحنا نتنافظ ولا نبي مشاكل وانت تروح تدور المشاكل ؟؟؟

ما تدري ان كل اسبوعين ملفقين سالفه على سعودي وساجنينه ؟؟


ممكن انت الحين ماتستوعب كلامي زين لانك مازلت بسن المراهقه ولسى مارحت لأمريكا

وانت قلت ماتبي زواج متعه .. طيب تزوج سعوديه .. بلا مشاكل ..

يوم انك جريئ وقوي ورجال ليه ماتفاتح امك وابوك بالموضوع حتى لو كنت صغير

ولد خالتي تزوج بعد الثانوي لانه يقول بي طاقه وماودي تروح بالحرام

والزواج ياخوي ارتباط
لان البنت الي بتنام معها مع مر الايام بتحبها أو بتالفها او بتودها حتى لو كان غرضك النوم فقط وبعدين بتفكر بالضنا
انا مااتوقع انك بتعيش مع وحده 5 سنوات وبعدين بسهولة بتطلقها
حتى لو كانت حيوانه
وبعدين بيأثر عليك نفسيا والله صدقني
تبدا مايملى عينك شيء وتصير مريض تتزوج وتطلق وتتعب نفسيتك وتتشتت شخصيتك وتهدم حياتك بنفسك
الزواج لمره وحده بالعمر هو السعاده
والعشره ماتهون الا على ابن .....
اثبت رجولتك واطلب من اهلك تتزوج وكلمها قبل الملكة وشف منطوقها واسلوبها .. والي بتخطبها اكيد بتكون تقريبا باالثانوي .. قلها اذا خلصتي الثانوي تجين امريكا معي

وسالفة ان الزواج يكلف 500 الف على قولتكم هذي الي يسمونها كذب كذبه وصدقها
والناس ازعجونا بهالسالفه

حنا عائلة كبيره ومعروفه جدا وشيوخ وقصمان ونملك اصول بالملايين ونملك فندق بالرياض والخبر و ومع هذا زواج أخوي ماكلفنا سوى 110 الف بالضبط

50 الف مهر
25 الف شبكه
35 الف شهر عسل في امريكا

ليس بخل مننا وليس انقاص بحق زوجة اخوي فهي غنيه جدا ايضا ومن عائلة كبيره ومعروفه

لكن ليش الفسق وقل المهر يزيد بركة الزواج

ولعلمك الأن اكبر عوائل السعوديه وأغناها اكثر مهر وصلنا له 80 الف

والزواج أو العرس على البنت

أبشرك الحين صايرين مايسوون عروس

بلا خرابيط بلا هم بلا 500 الف ونصب وكذب
والي يتكلم ب 500 الف هذا الي قادر عليها

وقريب لي ابوه متوفي وزوجناه ب 50 الف

والحين هو ومرته سعيدين ومبسوطين وعندهم ولد الله لا يضرهم ماشاء الله

....
النقطة الثانية:

على كيفك تاخذ حبوب منع حمل ؟؟ اذا السعوديه ماتقدر تجبرها مب على كيفك أجل الامريكيه بتجبرها ,, بتقولك لا هنت تبي كاندوم والا ان شاء الله مازينت شيء ابد

وبعدين واحد يقرب لنا اخذ امريكه قبل 20 سنه وللحين متبهذل عنده ولدين منها

على كل ليلة بتنبسط فيها بتتبهذل شهر ,, بهالدنيا مافيه شيء أسمه " اوسع صدري " والسلام ,, كل شيء بحسابه

......
النقطة الثالثه :
بالدين يابو فقه .. محلل لك تتزوج من اهل الكتاب

لكن بشرط .. ماتذكره ؟؟؟

لازم تكون طاهره ..

وانت يابو التشبيك يامدوخ البنات ,, لا جيت بتشبكها بتقولها
please
Are you
?? Virgin
..

النقطة الرابعه:

اتوقع انك تحت السن القانوني للزواج؟؟
والطلاق تحسبه سهل ؟؟
مرمطه مب طبيعيه

عموما انك تتزوج بسن مبكر بالرياض وتتحمل كلام الاقارب ازين من تفضح اهلك وانت معرس على امريكيه لعبت عليك وحملت منك

الله يهديك

هلابك اخوي

يسعدني ردك وكلامك في نقاط اوافقك الراي فيها وهي التالي :

سالفة انها تحمل واتوهق باولد و كان العلاج هو حبوب منع الحمل وممكن مع الوقت تنسى تاخذ الحبوب هذي بحطها بعين الاعتبار

سالفت انها تنام مع واحد والقصه هذي تذكر ان في شي اسمه " طلاق " يعني مجرد مااشوف شي مايرضيني طلقتها

سالفت انها تسكر ولا تلبس هذاي مالي دخل فيها هذي ماهي مسلمة اثمها هي تتحمله انا علي النصيحة وان شاء الله تتأثر بالاسلام واكون سبب بهدايتها


تذكر هذا الزواج له سبب وهو الحصن من الوقع بجريمة الزنا وتذكر ان ليس نيتي انها تبقى بقيت الحياة معي بس فترة البعثة


على فكرة تراي منب صغير تراي رجال عود والكلام الي اقوله حاسب له الف حساب مهب من فراغ والدعوة حوار


تحياتي

والله اذا انت خايف من الفتنه فالتصرف الصح انك تشوف وحده

من السعوديه من بني جلدتك تشيلها و تشيلك و تعينها و تعينك

و لكن لللاسف من ردودك اتضح لي انك مهوووويها عالاخرررر

مو هامك الا شه... و المعذره للقارئين و ضربت باحكام الدين

عرض الحائط و كمان عادي عندك تشرب تنام تسوي اللي تسوي

يعني للاسف حتى غيره ماعندك لذلك اقول انه بنت هالديره الغاليه ماااااااااتستاهلك..

و عشان تعرف الزواج بنية الطلاق زواج باطل و حكم الزواج الباطل انه

اذا الزوجه عرفت انك متزوجها بنية الطلاق فيحق لها فسخ العقد تفسخه

يالاخ مو تستناك تتكرم عليها و تطلقها!!! الله يهديك بس