حوار حوار : الزواج للمبتعث بنية الطلاق وفق الشروط الاسلامية

السلام عليكم ..

انا عندي تعليقات كثيره

اولا ,, انت صغير وكلامك أسميه أحلام يقضة

حنا نروح امريكا وحنا نتنافظ ولا نبي مشاكل وانت تروح تدور المشاكل ؟؟؟

ما تدري ان كل اسبوعين ملفقين سالفه على سعودي وساجنينه ؟؟


ممكن انت الحين ماتستوعب كلامي زين لانك مازلت بسن المراهقه ولسى مارحت لأمريكا

وانت قلت ماتبي زواج متعه .. طيب تزوج سعوديه .. بلا مشاكل ..

يوم انك جريئ وقوي ورجال ليه ماتفاتح امك وابوك بالموضوع حتى لو كنت صغير

ولد خالتي تزوج بعد الثانوي لانه يقول بي طاقه وماودي تروح بالحرام

والزواج ياخوي ارتباط
لان البنت الي بتنام معها مع مر الايام بتحبها أو بتالفها او بتودها حتى لو كان غرضك النوم فقط وبعدين بتفكر بالضنا
انا مااتوقع انك بتعيش مع وحده 5 سنوات وبعدين بسهولة بتطلقها
حتى لو كانت حيوانه
وبعدين بيأثر عليك نفسيا والله صدقني
تبدا مايملى عينك شيء وتصير مريض تتزوج وتطلق وتتعب نفسيتك وتتشتت شخصيتك وتهدم حياتك بنفسك
الزواج لمره وحده بالعمر هو السعاده
والعشره ماتهون الا على ابن .....
اثبت رجولتك واطلب من اهلك تتزوج وكلمها قبل الملكة وشف منطوقها واسلوبها .. والي بتخطبها اكيد بتكون تقريبا باالثانوي .. قلها اذا خلصتي الثانوي تجين امريكا معي

وسالفة ان الزواج يكلف 500 الف على قولتكم هذي الي يسمونها كذب كذبه وصدقها
والناس ازعجونا بهالسالفه

حنا عائلة كبيره ومعروفه جدا وشيوخ وقصمان ونملك اصول بالملايين ونملك فندق بالرياض والخبر و ومع هذا زواج أخوي ماكلفنا سوى 110 الف بالضبط

50 الف مهر
25 الف شبكه
35 الف شهر عسل في امريكا

ليس بخل مننا وليس انقاص بحق زوجة اخوي فهي غنيه جدا ايضا ومن عائلة كبيره ومعروفه

لكن ليش الفسق وقل المهر يزيد بركة الزواج

ولعلمك الأن اكبر عوائل السعوديه وأغناها اكثر مهر وصلنا له 80 الف

والزواج أو العرس على البنت

أبشرك الحين صايرين مايسوون عروس

بلا خرابيط بلا هم بلا 500 الف ونصب وكذب
والي يتكلم ب 500 الف هذا الي قادر عليها

وقريب لي ابوه متوفي وزوجناه ب 50 الف

والحين هو ومرته سعيدين ومبسوطين وعندهم ولد الله لا يضرهم ماشاء الله

....
النقطة الثانية:

على كيفك تاخذ حبوب منع حمل ؟؟ اذا السعوديه ماتقدر تجبرها مب على كيفك أجل الامريكيه بتجبرها ,, بتقولك لا هنت تبي كاندوم والا ان شاء الله مازينت شيء ابد

وبعدين واحد يقرب لنا اخذ امريكه قبل 20 سنه وللحين متبهذل عنده ولدين منها

على كل ليلة بتنبسط فيها بتتبهذل شهر ,, بهالدنيا مافيه شيء أسمه " اوسع صدري " والسلام ,, كل شيء بحسابه

......
النقطة الثالثه :
بالدين يابو فقه .. محلل لك تتزوج من اهل الكتاب

لكن بشرط .. ماتذكره ؟؟؟

لازم تكون طاهره ..

وانت يابو التشبيك يامدوخ البنات ,, لا جيت بتشبكها بتقولها
please
Are you
?? Virgin
..

النقطة الرابعه:

اتوقع انك تحت السن القانوني للزواج؟؟
والطلاق تحسبه سهل ؟؟
مرمطه مب طبيعيه

عموما انك تتزوج بسن مبكر بالرياض وتتحمل كلام الاقارب ازين من تفضح اهلك وانت معرس على امريكيه لعبت عليك وحملت منك

الله يهديك

والله اذا انت خايف من الفتنه فالتصرف الصح انك تشوف وحده

من السعوديه من بني جلدتك تشيلها و تشيلك و تعينها و تعينك

و لكن لللاسف من ردودك اتضح لي انك مهوووويها عالاخرررر

مو هامك الا شه... و المعذره للقارئين و ضربت باحكام الدين

عرض الحائط و كمان عادي عندك تشرب تنام تسوي اللي تسوي

يعني للاسف حتى غيره ماعندك لذلك اقول انه بنت هالديره الغاليه ماااااااااتستاهلك..

و عشان تعرف الزواج بنية الطلاق زواج باطل و حكم الزواج الباطل انه

اذا الزوجه عرفت انك متزوجها بنية الطلاق فيحق لها فسخ العقد تفسخه

يالاخ مو تستناك تتكرم عليها و تطلقها!!! الله يهديك بس

اول مره اسمع انه في شي اسمه زواج بية الطلاق ! بس يالله مو مشكلة

و بعدين انا اعرف انه تتلغي البعثة اذا تزوجت اجنبية .. والله انهم عله في الاول و الاخر ولا تنسى لو تاخذ امريكية والله السفارة ماترحمك و تجيبك ارض ارض لو غلط عليها ولا سويت لها شي .. رغم اني افضلهم على السعوديات قسم بالله عليهم مهور ، لو اطلع LEXUS اصرف لي .. المهور صارت من 30 الي 100 هذا الطبيعي .. اما الغير طبيعي ولازم البنت تكون بنت حسب و نسب و 8 سلندر و 4 رجول و حذاف و كلتش و دسك و بفلتر رياضي ماركة كي اند ان = 1.000.000 ريال يعني بالظبط كانك شاري ناقة من مزاين الخبال اقصد مزايين البعرور اقصد مزايين الابل

يارجال لا تعمل عرس ولا شي ترا الدعوة روح تفاهم مع ابو العروس و فهمه ضروفك و انك ماتبي تعمل عرس يعني ملكة و احتمال زواج سفري ( صغير على قدكم ) و تطير ببنت الناس على امريكا .. هذا الحل مابيكلفك الا المهر و اعتقد 5000 تبع باقي الخرابيط