ابي مساعده بخصوص البعثه على حسابي

السلام عليكم ورحمة الله وبركاته ..

يا اخواني انا ناوي اني اروح ادرس في امريكا وانا معي شهادة ثانوي ونسبتي 80.33 علمي وكنت بروح كندا بس سمعت انه الالتحاق فيها تقفل ..فـقلت مالي الا امريكا وانا الحين بروح على حسابي ثم اقدم على الالتحاق وانا ما ادري كيف طريقة الالتحاق ؟ يعني مضمون انهم يقبلوني ولا كيف ؟؟ وانا المبلغ الي معي 40 الف تقريبا تكفي ولا لا ؟ طيب .انا ما اعرف شيء في امور الالتحاق مره كيف الطريقة يعني اروح لمكتب يجيب لي قبول من معهد وجامعه صح ؟ وفيه احد يعرف مكتب يجيب قبول بسرعه لاني مستعجل ..؟ واذا كان في اوراق ثانيه ياليت تقلون لي .؟ وتتوقعون يقبلوني هندسه هناك واذا فيه احد يعرف تخصص سهل ومستقبله حلو ياليت تقولون لي .. يا اخواني الله يوفق الي يساعدني

بانتظار ردودكم .. :pimp:

والله ياحبيبي انا مشكلتي مثلك بالضبط وانا بإذن الرحمن طالع امريكا ... عندك مكاتب كثير يجيبولك القبول من المعهد والجامعه
اما بالنسبه للمبلغ 40الف دي تبع المعهد فقط تقريبا شهرين ونص او3 شهور اما بالنسبه للالتحاق انشاء الله راح يقبلوك
خلال 4شهور تقريبا ... وانشاء الله الرقم دا راح يفيدك 0568506514 اسمه أ/محمد

اول خطوه تجيب قبول من جامعه معترف بها من قبل الوزارة

بعد كذا تحجز موعد في السفارة

وتجي لامريكا تفتح ملف طلب الحاق

وتنتظر الى ان يتم الحاقك

والله اعلم

اربعين الف ماتكفي للحصول على قبول مشروط في الجامعة ، شرط الالتحاق حصولك على قبول مشروط من الجامعة

اما هذا المبلغ يكفي للحصول على ضمان مالي لمعهد فقط لا غير !

وعليكم السلام وحمة الله وبركاته

اخوي ناصر .. انا نفس طموحك وان شاء الله 3 شهور بس اخلص موضوع الاستقاله وببدأ

الله يوفقنا وجميع المبتعثين ..

اخوي كانك من الرياض في الضباب عند ماكدونالدز الضباب وورا شركه بورش فيه هناك مكاتب قبول رحلهم وشف

اهم شي انتببببببببببه لان نصصصهم كذاابين ويبي يااخذ الفلوس بس

وذا مرره فكرة انك تقدم تاكد من الجامعه قبولها صعب ولا سهل يعني لا تعطيه الفلوس ولا تبدا التقديم الا انك ضاامن الجااامعه ومسئل عنها وعن قبولها صعب سهل عشان ما تضيع وقت وسئل مجرب

صارلي اكثر من خمسه شهور ادور قبول