استفساار ياشباب انهيت المقابله بالسفاره الامريكيه
السلام عليكم ورحمة الله وبركاته
كيف حاالكم جمييعا .. ان شاء الله بخيير
وبعد ..
اولا احب اشكر كل شخص ساعدني ورد على استفساراتي لكن بقولكم شيء
فيه شباب هنا كاتبين عن المقابله بالسفاره الامريكيه انها شغلة كبيره وانواع التدقيق
احب اطمنكم : انا رحت للسفاره ووجهي قامط لونه بنفسجي من الربكه
لكن بالنهايه اكتشفت انها خرربووطه وشيء روتيني يمر على كل شخص يبي يروح للمقابله
تمسك سرى الصباح عند البوابه وتعطي اوراقك للبنقالي حقت سداد سامبا والجواز وتسلم جوالك او ريموت السياره حتى الولاعه :tongue4:
وبعدها تخش مع الباب ويفتشونك وكل شيء سلييييم وعلى طول على تدخل السفاره تعطي جوازك للاردني اللي ع الكمبيوتر يحط عليه لصقه ويعطيك رقم تجلس وتقدم اوراقك مره ثانيه وتبصم وكم سؤال ع الماشي وبعدها تروح وتجلس وتنتظر تجيك الفلبينيه تسالك تبي مقابله بالعربي والا بالانقليزي تقولها وتجلس شوي لين تنادي على رقمك تروح للكونتر وتسوي المقابله
وقفت عند الكونتر واللي سوى المقابله معي امريكي يتكلم عربي فصحى يشبه مهند هههههه والله ولا تسمى مقابله
تعطيه جوازك واوراقك وتشيل السماعه يسالك بقولكم وش سألني :
اول مره تروح امريكا ؟
وش التخصص اللي تبي تدرسه بعد اللغة ؟
الى اي ولايه رايح ؟
على حساب مين تدرس ؟ قلت له الوالد قال هل هناك شهادتن بنكيتن او كشف حسابن :dry:
عطيته الشهاده البنكيه وسألني هذا اول جواز تصدره ؟ قلت له لا هذا الثاني
قال شكرا تم قبول طلب تأشيرتك وسوف تستغرق من اسبوعين الى ثلاث اسابيع .. اذهب على فيدكس في اخر الممر واكمل بياناتك هناااك
السؤال اللي شاطح فيني ومو مخليني انااام انه ما اخذ مني الصوره 5 في 5
حتى ما سألني عنها
اذا فيه احد ما اخذو منه الصوره واصدرت فيزته يخبرني ويطمنني او ااذا فيه احد يقوولي هل هذا شيء عاادي او ان الأخ نسى يطلبني الصوور
وشكرآ مسبقآ للأخوان اللي بينوروني بردودهم وادعو لي بتيسييير الامور وعسااها تطلع بسرررعه :sleep3:
رد: استفساار ياشباب انهيت المقابله بالسفاره الامريكيه
ماشاء الله والله يوفقك يخووي ..
وعقبالنا يااارب .. بخصوص سؤالك والله يخوي ماعندي علم للأسف بس ان شاء الله سهالات "
جبيت اسألأك اخوي كم المده المستغرقه مابين حجز موعد بالسفاره والمقابله الشخصيه ؟؟
وشاكره لك حسن تعاونك يخووي .
دمت بسعه .
:
رد: استفساار ياشباب انهيت المقابله بالسفاره الامريكيه
ابد نم.ولا عليك.
وإن شاءالله تطلع فيزتك قريب.
رد: استفساار ياشباب انهيت المقابله بالسفاره الامريكيه
I made the interview with you,,, They did not ask for the photo ,,,good luck,,
رد: استفساار ياشباب انهيت المقابله بالسفاره الامريكيه
هلا اي يالغالي انا طلعت بدوون مايخذون صوررر وقالولي راح تاخذ الشهر لين ماتطلع الفيزا بس بعد اسبوع نص طلعت واستلمتها
رد: استفساار ياشباب انهيت المقابله بالسفاره الامريكيه
الله يعطيكم العافيه ويجزااكم خير على الدعوااات
الله يوفقني ويااااكم
بالنسبه لاستفسار الاخت حلم ما يملك شعور
انا رحت لمكتب في ساحة الكندي مقابل السفاره الامريكية يخلص لك امور المقابله ودفع الرسوم وكل شيء
رحت له الثلاثاء الماضي وحصل اقرب موعد الاحد الي هو قبل أمس
هو توفييق من الله عز وجل يمكن تحصلين موعد قرييب ويمكن بعيييد
على العموم بالتوفييييق واذا حجزتي روحي قبل الموعد بسااعه لأن فييه سرىىىى طووويل ماخذ ثلاث لفاااات ^^
لكم خآآلص تحيآآتي بأناام مرتاااح
رد: استفساار ياشباب انهيت المقابله بالسفاره الامريكيه
مشكووور يخووي ماااقصرت ويعطيك الف عااافيه ..
دمت بسعه ونومه هنيه :)
رد: استفساار ياشباب انهيت المقابله بالسفاره الامريكيه
ممكن مااخدو منك الصورة
لانك خلاص حطيتها في الدس 160
بالتوفيق يارب ومبرووك مقدما ع الفيزا
رد: استفساار ياشباب انهيت المقابله بالسفاره الامريكيه
العفوووو نورتوووو
الله يبارك فييك عهد يمكن واكيد مثل ما قلتي
لاهنتووووو
رد: استفساار ياشباب انهيت المقابله بالسفاره الامريكيه
السلام عليكم ..
اليوم كانت مقابلتي في السفارة وكانت سهالة والحمدلله..
بس جواز السفر تبع مرافقي معاه لان ماعنده I20 ..وقالوا لنا نتابع الموقع ..
اذا جات التاشيرة تبعي قبل المرافق ينفع ارسل للوزارة في الرياض عشان قرار الابتعاث ولى انتظر لين تجي تاشيرة المرافق؟؟
مع العلم ان عندي تغيير تخصص يعني الحكاية مطولة وتحتاج وقت اش رايكم؟؟؟؟