يا شباب .. أتمنى تتحملوني شوي ,,
عندي سؤال صغييييييير ... ولكنه غبي شوي ,,
في البداية ,, أنا مهندس واعمل في جهة حكومية وعطوني ضمان مالي لإكمال الماجستير في الخارج ..
والجامعات اللي عطوني لها الضمان المالي كلها في امريكا
لكن المشكلة انهم عطوني الضمان وقالوا لي قدم على الجامعات .. وأنا والله ماني عارف كوعي من بوعي ..
بصراحة أنا ممتاز في اللغة الإنجليزية لكن أفضل أدرس بقبول مشروط علشان أتعرف على الديرة في أول سنة ..
ماودي أدخل على طول في العميق وأنا باقي ما استأجرت شقة :sofa: ولا شريت سيارة ولا شفت مدرسة سنعة لبنتي ..
لأني ولله الحمد متزوج وعندي بنتين وحدة 6 سنوات والثانية 3 سنوات ..
المطلوب..
أتمنى انكم تعطوني خطوات التقديم الصحيحة .. خطوة بخطوة "الله لايهينكم" ,,
يعني مثلاً : هل يبدأ التقديم بواسطة إرسال طلب قبول مشروط على إيميل الجامعة ؟؟ أم تعبئة نموذج القبول "Application" من الموقع الإلكتروني للجامعة ؟؟ أم الإتصال مباشرة بأحد الأرقام المذكورة لرؤساء الأقسام ؟؟
والله ماني عارف ,, تكفون دلوني ,,
وصدقوني ,, كل يرد يفيدني حتى لو كان دعاء بالتوفيق ,,
آسف على الإطالة (^_^)
:thumbsup::thumbsup::thumbsup::thumbsup::thumbsup: :thumbsup::thumbsup: