ابي حل لسؤال السفاره هل درست جامعه من قبل قلت ايه قالوا لماذا تركته
مادرى وش اقولكم جان سؤال بالمقابله قالى هل درست جامعه من قبل قلت ايه قال ليش تركته قلت له لان صارت لى ظروف وانا ابي ادرس بامريكا لانه اقوى شهاده ولا افادن باى شي سوى الرفض السريع ومقابلتى الثانيه بعد 6 ايام و ابي عذر سريع
لانهم راح يسالونن هل تم رفضك من السفاره ابقول ايه اذا قال وش السبب وش اقول
واذا قال ليش تركت الجامعه وش اقول محتارررررررر افزعو لى
الله يجزاكم خير
رد: ابي حل لسؤال السفاره هل درست جامعه من قبل قلت ايه قالوا لماذا تركته
السلام عليكم
محمد ارجو انك تراسلني على الايميل:
eng_naifh@hotmail.com
وابشر بالخير
رد: ابي حل لسؤال السفاره هل درست جامعه من قبل قلت ايه قالوا لماذا تركته
اقبل الاضافه على الايميل ايميلى hatem-4900@hotmail.com
رد: ابي حل لسؤال السفاره هل درست جامعه من قبل قلت ايه قالوا لماذا تركته
انا نفس طريقة للاهميه وش اقول للسفاره
رد: ابي حل لسؤال السفاره هل درست جامعه من قبل قلت ايه قالوا لماذا تركته
قول واذكر الحقيقة ولا تحاول تذكر معلومات خاطئة ممكن أي معلومة تذكرها تسبب
لك مشاكل أما بالرفض أو مشاكل أخرى لاحقاً
بالتوفيق لك عزيزي
رد: ابي حل لسؤال السفاره هل درست جامعه من قبل قلت ايه قالوا لماذا تركته
اقتباس:
المشاركة الأصلية كتبت بواسطة holden tabuk
انا نفس طريقة للاهميه وش اقول للسفاره
انا اعلمك وش تسوى لاكن اصبر اسبوع برد لك واعلمك
رد: ابي حل لسؤال السفاره هل درست جامعه من قبل قلت ايه قالوا لماذا تركته
اخوي يدرس بكلية التقنية وهو مرافقي سالوه وش سويت بعد ماتخرجت من الثانوية قال ادرس بكلية التقنية قالوا له طيب ليش بتروح امريكا قال لان الدراسة في امريكا افضل واقوى سالوه اجل ليش ماسحبت شهادتك للحين قال اخاف تنرفض الفيزة واخسر دراستي هنا ودراستي هناك ان شاء الله بعد ماتطلع الفيزة اسحب الشهادة
والمهم المهم المهم خلك مرتاح وهاديء ومبتسم ولا ترتبك ابداااااااااا
اخوي في اسبوع خلصت الفيزة
رد: ابي حل لسؤال السفاره هل درست جامعه من قبل قلت ايه قالوا لماذا تركته
يااا جمااعة الخير أنا عندي نفس الموضوع بالضبط .. تخرجت سنة 2007-2008 ودرست بالجامعة سنتين وفصلت لأن الدرجاات
في النازل مع ان معدلي في الثانوي 92 ولله الحمد .. الحين مقابلتي بعد 8 أياام .. وما ادري اقول لهم درست وفصلت .. والا ادبر لهم
ورقة من اي مؤسسة اني توظفت عندهم بعد التخرج من الثانوي لمدة 3 سنواات .. والسؤال هنا :: هل إذا قلت لهم إني متوظف وجبت الاوراق الي تثبت يقدرون يكتشفون إني درست في الجاامعة ؟؟
تكفوون يا أهل الخييير انا من جد خاااايف من رفض التأشيرة ..
رد: ابي حل لسؤال السفاره هل درست جامعه من قبل قلت ايه قالوا لماذا تركته
انا سئلوني ايش سويتي بعد ماتخرجتي لانه تخرجت قبل سنه قلت لهم درست بالجامعه لكن سحبت بعدين وبس ماقال اي شي والحين الحمدلله معاي الفيزا
بس كان بالي جواب هالسؤال لو سألني ليش تركتي
بقول الحقيقه وهي انه مانقبلت بالسعوديه بالتخصص الي اطمح له وسجلت بجامعه لحد مايجي وقت التقديم على الابتعاث وبقدم اذا انقبلت بروح لانه هذا الي اتمناه واذا ما انقبلت بكمل دراستي بهالجامعه وبعرف انه مو مكتوب لي ادرس برا عاااااااادي جاوب بكل عفويه ومابيصير الا الخير بس لاتبين لهم انه انت رايح بس عشان ترجع وتتوظف لا عشان انت تبي تدرس شي مفيد وانت حاب الدراسه وهناك مميزات اكثر بتستفيدها غير الدراسه تتعرف على عادات وثقافات وناس غير وهكذا مو صعب السؤال ابدا
رد: ابي حل لسؤال السفاره هل درست جامعه من قبل قلت ايه قالوا لماذا تركته
الله يعطيك العافية miss zozo ..
أتوقع مثل ما قلتي ما في أحسن من الصدق .. بقول لهم الحقيقة والله يكتب ما فيه الخير ..