كيف تحصل على فيزة طالب F والمهم في مقابلة السفارة
كيف تحصل على فيزة طالب F:
التقديم للفيزة للمرة الاولى يستلزم غالبا الحضور للمقابلة الشخصية، عادتا تكون الاشهر يونيو يوليو واغسطس زحمة فيها المواعيد، لذلك حاول التبكير قدر ما تستطيع لتحصل على موعد قريب، اي انك حال ما تحدد موعد سفرك فيجب عليك الاسراع بحجز موعد في السفارة، والافضل يكون قبل موعد السفر باسابيع. يمكنك اخذ الموعد عن طريق الاتصال الهاتفي او عن طريق الموقع.
1- خطوات التقدم بطلب فيزة:
ا) وثيقة I-20 .
ب) تعبئة الابلكيشن D-160
ج)حجز موعد عن طريق موقع السفارة
د) دفع رسوم الابلكيشن 532 ريال
هـ) دفع رسوم السيفس 200 دولار
و) تحضر معك فلوس وقت المقابلة وهي قيمة ارسال الجواز لك بالفيديكس وهي: 65 ريال داخل الرياض و125 لخارج الرياض
2- اذا جاء موعدك، عليك احضار التالي معك:
ا) صور 5×5 مكشوف الراس والخلفية بيضا وتكون نفس اللي في الابلكيشن، شروط الصورة تكون مكشوف الراس للرجل وللمراءة تكون محجبة وطرف شعرها اعلى الجبه ظاهر بقصد معرفة نوعية الشعر واللون فقط.
ب) جواز سفر ساري المفعول لاكثر من ستت اشهر بعد تاريخ بداية الدراسة
ج) صفحة تاكيد استلام الطلب والتي طبعتها بعد تعبئة طلب الفيزة
د) صورة من I-20
هـ) ايصالات دفع رسوم الابلكيشن والتي هي عن طريق سامبا
ايضا:
و) الجواز القديم لو كان عندك قديم
ز) الضمان المالي او الشهادة البنكية مع صور له
ح) كشف الدرجات او شهادة الثانوية مع صور لها
ط) ايصال دفع رسوم السيفس والذي عن طريق موقع ادارة الهجرة الامريكية
هنا ساشرح بعض النقاط والتي هي اساسية في المقابله الشخصية والتي يجب ان تنتبه لها:
1- احضار جميع الاوراق السابقة الذكر وصور كل وحده صور فقط للاحتياط
2- الاستماع للسؤال جيدا. المقابلة بتكون عن طريق سماعة تلفون وعلى كونتر مثل كونتر البنك بينك وبينه حاجز. حسب علمي ولقد قد يكون غيروها، ولكن حبيت اعطيكم فكرة عن مكان المحادثة عشان ما تتوتر وتعرف وش انت رايح له.
3- اذا كنت متوتر او مرتبك فلن يؤثر ذلك في سير المقابلة، فخذ راحتك من هذه الناحية، فقط استمع جيدا وجاوب كل الاسئلة، حتى وان كانت غريبة، وتذكر ان الارتباك لن يؤثر على قرارهم النهائي بقدر ما تاثر الاجابة وبشرح لك الاجابات اللازمه.
4- هنا شرح الاسئلة المهمه والاجابة عليها:
ا) ضع في بالك شي واحد ومهم، السفارة او الشخص الذي يعمل المقابلة حين يشك انك مبيت النية للبقاء في امريكا ولو بشكل بسيط فسيرفض منحك الفيزة، الفيزة التي طلبتها هي فيزة دراسة وانه بعد انهاء الدراسة حسب الموجود في I-20 ستعود الى بلدك، ان اجاباتك مبنية على ذلك وانه ليس لديك ايه نية للبقاء في امريكا بعد الدراسة، لا للسياحة او زيارة اصدقاءك سواء امريكان او عرب او غيرة، او تسوق او اي شي اخر، انت فقط هناك للدراسة وستعود حال ما تنتهي، وصرح بتاريخ عودتك حسب الموجود في I-20. كما في الصورة
ب) شي اضافي قد تسال عنه فيما لو هناك شك حول اجاباتك السابقة وهو سبب توجهك للدراسة، لماذا تدرس اللغة الانجليزية، وبنتكلم عن الاخوان اللي يدرسون على حسابهم لان المبتعثين لهم وضع خاص في السفارة:
حضر نفسك ببعض الاجابات لمثل هالسؤال لانه لو حس انك بديت تفكر وتعطي احساس انك توك تختلق الاجابة، فهذا بياكد شكوكه حول انك تنوي البقاء هناك. امثلة:
- تكلم عن كيف انها ستساعدك في عملك لو كنت موظف او مثلا مجالك هندسة وستعود لان اللغة الانجليزية ستفتح لك مجالات اكثر. هندسة او غير وكل شخص ومجاله، طبعا لازلت اتكلم عن الدارسين على حسابهم،
-اما المبتعثين فالمبتعثين لهم وضع خاص ولكن قد يبنون اجابتهم على انهم مثلا بيقولون حصلنا على بعثة وبندرس اللغة لغرض اكمال الدراسة، وسيسئلونهم عن شهاداتهم السابقة وعن التخصص الذي ابتعث عليه، وعن الجامعة التي حصلوا فيها قبول وعن التخصص المبتعث عليه، وعن ان طرق التدريس في امريكا ممتازة ومنظمة وتعطي الخريج ميزات بحيث حين عودتي ساكون مميز، يعني بين انك راجع ومالك نية بالبقاء هناك لخوفهم انك ستستغل الابتعاث وسيلة للدخول والبقاء في امريكا، وقد تسئل عن بعد عودتك كيف بتفيدك الشهادة او عن مخططاتك بعد العودة بالشهادة، يعني حاول تبين ان لك خطة هنا وانك راجع لبلدك ولا لك نية في البقاء هناك. اطلت في الموضوع ولك حبيت اتوسع شوي وللمعلومية قد لا تواجه اي شي من هذا وقد تواجه بطريقة اخرى من الاسئلة ولكن افهم الغرض من المقابلة وهو انك ما تنوي الفيزة لاي غرض غير الدراسة.
تنبيه: لا تقول انك رايح عشانك تحب امريكا ولا تقول لي اصدقاء هناك وبروح اشوفهم ولا تقول ان لك عائلة هناك او خوان او عيال عم، لان جميع شعوب العالم اذا لهم اخ او قريب هناك يعرفون انه بيكون مضبط لهم عمل ومحل اقامة وان فيزة الطالب مجرد وسيلة. فلا تحاول تروح للامور هذي ويفهمونك غلط، تذكر انت رايح تدرس ولا لك اي غرض ثاني الا الدراسة والرجوع للبلد.
بالنسبة للاخوان اللي ت رفض طلبهم وهم نسبة عالية الحقيقة حسب ما يذكر لنا من الوزارة والسفارة، فلهم موضوع اخر، ويمكنهم الاتصال بي واعطيهم طريقة للعودة واقناع السفارة eng_naifh@hotmail.com
الان بعد ماعرفت الغرض من المقابلة، فلا تخاف ولا ترتبك لان الغرض هو التاكد انك ذاهب للدراسة فقط وليس لك اي نية اخرى غير الدراسة لا سياحة ولا تسوق ولا زيارات ولاشي غير الدراسة وانك ستعود بعد اكمال الدراسة.
وبامكان الاخوان والذين مروا بهذه التجربة اعطاء المزيد
بالتوفيق للجميع
وتحياتي.
رد: كيف تحصل على فيزة طالب F والمهم في مقابلة السفارة
ان كان هناك غلط فيما سبق، فهو ناتج عن تقصير مني واعتذر عليه. وارجو تصحيحه لي وللجميع، فهو كتب للفائدة فقط.
تحياتي
رد: كيف تحصل على فيزة طالب F والمهم في مقابلة السفارة
شكرا لك يا استاذي انا موعدي يوم الاحد باذن واحد احد ، و اقسم لك ان موضوعك حيرني و بنفس الوقت خوفني !
و عفوا عندي تعقيب علي الايميل ؟
يعني وش سبب تواجد الايميل بالموضوع ؟ ما اعتقد انه له لازمة و اتمني منك و من اي شخص يحط موضوع او يستفسر انه يكتبة للعيان ، الحمد لله مافي اسرار عسكرية ، و اتمني حذف الايميل لان بتجيب لنفسك الشبهه قبل اي شي ، لان بعض الاشخاص يستدرج الاخوان علي الايميل و يقنعهم بانة يجيب القبولات و بعد ما ياخذ الفلوس بيخلع و محد يعرف يجيبة ، فاتمنى انك تخرج من دائرة الشك و السؤء هذه
شكرا لك
رد: كيف تحصل على فيزة طالب F والمهم في مقابلة السفارة
اقتباس:
المشاركة الأصلية كتبت بواسطة إياد العنزي
شكرا لك يا استاذي انا موعدي يوم الاحد باذن واحد احد ، و اقسم لك ان موضوعك حيرني و بنفس الوقت خوفني !
و عفوا عندي تعقيب علي الايميل ؟
يعني وش سبب تواجد الايميل بالموضوع ؟ ما اعتقد انه له لازمة و اتمني منك و من اي شخص يحط موضوع او يستفسر انه يكتبة للعيان ، الحمد لله مافي اسرار عسكرية ، و اتمني حذف الايميل لان بتجيب لنفسك الشبهه قبل اي شي ، لان بعض الاشخاص يستدرج الاخوان علي الايميل و يقنعهم بانة يجيب القبولات و بعد ما ياخذ الفلوس بيخلع و محد يعرف يجيبة ، فاتمنى انك تخرج من دائرة الشك و السؤء هذه
شكرا لك
الاخ اياد
السلام عليكم
اتمنى لك كل التوفيق في مقابلتك،،،
الامر الثاني لا تحتار ولا تخاف لان المقابلة وباختصار انك تقنعهم انك رايح لغرض الدراسة فقط، وانك ناوي ترجع للسعودية بعد ما تخلص الدراسة. اذا كانت هذي خطتك فاتكل على الله ولا تخاف.
فيما يخص الايميل، فانا وضعت الايميل في الموضوع في فقرتين:
الفقرة الاولى ذكرت الايميل لاني بخدم الاخوان باي استفسار،،،، ولله الحمد هذا انا مع الاخوان، وفيه شرح وتنوير لشباب كثير كانوا يجهلون بعض الامور واتصلوا في عن طريق الايميل والماسنجر ومنهم من طلب جوالي وكلمني وجاوبته باللي اقدر عليه، وما كان ممكن الشرح الا بوجود بالايميل.
الفقرة الثانية: ذكرت ايميلي لاني اترزق الله واخدم ناس يحتاجون الخدمة، ولا اتوقع ان في هذا حرام او شبهه مثل ما تقول انت، هذا عمل واطلب عليه رسم.
لكن بالنسبة للمحتالين فانا اسال الله ان يهديهم، وبالنسبة للمساكين اللي ضاعت فلوسهم فانا اسال الله ان يعوضهم.
وبالنسبة لك انت فانا اسال الله انه يهديك ويعوضك ويوفقك في المقابلة.
تحياتي
رد: كيف تحصل على فيزة طالب F والمهم في مقابلة السفارة
اخووووووي مشكوررر
بسسس فيه استفسسار الحين المقاااابله بالعربي ولا بالانقلــش
رد: كيف تحصل على فيزة طالب F والمهم في مقابلة السفارة
اللي يقابل معك امريكي يتكلم عربي
رد: كيف تحصل على فيزة طالب F والمهم في مقابلة السفارة
مشكور اخوي نايف على الطرح
لكن انا اخاف تنرفض الفيزا تبع المرافق انا مرافقي اخوي الصغير طبعا ماعنده حساب فطلعت الشهاده البنكيه بأسمي
واليوم استلمت القبول حقه فكان المبلغ اللي في الشهاده وهو 70 الف مايغطي الا 5شهور فقط
اخاف انهم مايعطونه ,f1
شور علي وش اسوي او تتوقع انها بتمشي صح وبياخذهااا
رد: كيف تحصل على فيزة طالب F والمهم في مقابلة السفارة
اخوي بالنسبه للي معه دبلوم وعاطل له كم سنه .. لو سألني المقابل هل توظفت بعد ماتخرجت تنصنحي اقوله اني عاطل والان بكمل دراسه من جديد ولا اقوله اني موظف واجيب شهاده خبره من مؤسسه او شركه خاصه وتمشي الامور ؟ هذا السؤال الي متوقع انهم بيدقرون بالفيزا عليه
ياليت اجابه مؤكده لان واحد طرح موضوع وتقريبا نفس الاستفسار لكن بيني وبينك موضوعه كان بالصميم وخلاني اعيد ترتيب اوراقي
رد: كيف تحصل على فيزة طالب F والمهم في مقابلة السفارة
اقتباس:
المشاركة الأصلية كتبت بواسطة memosa
مشكور اخوي نايف على الطرح
لكن انا اخاف تنرفض الفيزا تبع المرافق انا مرافقي اخوي الصغير طبعا ماعنده حساب فطلعت الشهاده البنكيه بأسمي
واليوم استلمت القبول حقه فكان المبلغ اللي في الشهاده وهو 70 الف مايغطي الا 5شهور فقط
اخاف انهم مايعطونه ,f1
شور علي وش اسوي او تتوقع انها بتمشي صح وبياخذهااا
بالنسبة لاخوك اذا اقل من 14 سنة قد يكون فيه استفسارات حولة.
لكن اذا كان اكبر، واذا انتي على حساب البعثة فالامر سهل ومفهوم من قبل السفارة، الامر الاخر هو ان اخوك لا يعتبر تابع لك عند السفارة فسيكون تقديمة منفصل عن تقديمك، وسيكون له اي توني منفصل، وبالنسبة للخمسة اشهر ماهي قضية.
راح يعطونه خمس سنين ولكن بيسئلون بعد الخمس شهور وش بيسوي، هنا اذا انتم ناوين تلحقونه بالبعثة فيقول انه مقدم طلب على الابتعاث واذا تم قبولي ساخبركم يا سفارة امريكا او يا ادارة الهجرة، وساواصل دراستي حسب الانظمة واذا لم اقبل ساعود للسعودية.
الامر طبيعي فلا تتخوفون من هالناحية.
متى بتكون مقابلته؟ اذا يمديك تسالين السفارة نفسها فكلميها، لا تتخوفون من السفارة الامريكية ترا الوضع عادي اتصلوا واستفسروا عن كل شي.
واذا تبين اكلمهم واسالهم عادي بنكلمهم ونشوف.
واسف على تاخري بالرد.
تحياتي
رد: كيف تحصل على فيزة طالب F والمهم في مقابلة السفارة
اقتباس:
المشاركة الأصلية كتبت بواسطة Enough
اخوي بالنسبه للي معه دبلوم وعاطل له كم سنه .. لو سألني المقابل هل توظفت بعد ماتخرجت تنصنحي اقوله اني عاطل والان بكمل دراسه من جديد ولا اقوله اني موظف واجيب شهاده خبره من مؤسسه او شركه خاصه وتمشي الامور ؟ هذا السؤال الي متوقع انهم بيدقرون بالفيزا عليه
ياليت اجابه مؤكده لان واحد طرح موضوع وتقريبا نفس الاستفسار لكن بيني وبينك موضوعه كان بالصميم وخلاني اعيد ترتيب اوراقي
السلام عليكم
معك دبلوم فهذا شي طيب ويدعمك كثير في السفارة، اذا بتقول له عاطل مافي مشكلة ولكن قلي الدبلوم اللي معك ايش وكم سنة وانت عاطل. ليتك تخبرني لان الامر عادي ولكن بعض الاجابات تكون مبنية على شي غلط فتكون نتايجها غلط.
لكن اذا بتقول انك تشتغل فهذا اوكي ولا في مشكلة ولكن بيسالك وش هدفك من الروحه بتقول دراسة وبيقولك ليش تدرس بتقول عشان ارجع واحسن فرص عملي لانني لقيت اللي معه لغة وشهادة فرصهم في الوظائف المحترمه عالي، وتقوله انك بترجع لنفس عملك وان عملك قالوا لك ارجع وظيفتك محفوظة (الشي هذا تحبه السفارة لانه اثبات انك بترجع للسعودية)
ثالث شي يمكن ما يسالونك الا وش اسمك وليش رايح ومتى بترجع ةبعض الاسئلة عن المكان اللي انت رايح له فقط، يعني اساله عادية، وهي على حسب مزاج الشخص اللي يقابل معك.
انت لا تتخوف واتكل على الله، المفروض تقنعه بسبب الروحه انها دراسة ماهي شي ثاني (لاسياحة ولا زيارة اصدقاء ولا تسوق ولا لانك تحب امريكا) وتقنعه انك بترجع بعد ما تخلص المدة، فيه شي مهم وهو اذا سالك متى بترجع فانت تعطيه اللي مكتوب في الا توني حقك، لا تقول بعد خمس سنين والاي توني عندك في خمس شهور مثل الاخت اللي فوق، اخوها عنده خمس شهور في الاي توني، فتخيل يقول بجي بعد خمس سنين !!!!!!!
اعذؤني على تاخري بالرد واذا محتاج مساعده هذا ايميلي وحاضر باي خدمة: eng_naifh@hotmail.com
تحياتي