تراه سهل ولا هوه صعب ،،، بالنسبة للسؤال تكتب عنوان المعهد أو عنوان الجامعة الموجود
في I-20 وصلى الله وبارك
عرض للطباعة
الله يعطيكم العافية
الحمدالله لقيت موعد قريب يوم 12 فبراير في الرياض
بس الاوراق المطلوبة للسفارة
- الاي توني
- رسوم السيفيس
- رسوم طلب الفيزا من سامبا
- الجواز
- صورة شخصية
في شي ثاني غير الاشياء الحلوة اللي فوق ؟
بالنسبة للضمان المالي
هل هو مطلوب ؟؟
لو اتاخرت على موعد السفارة ساعة مثلا ممكن يتكنسل الموعد ؟؟
لان يبغالي اروح الوزارة اجيب الضمان المالي اول ما اوصل الرياض
بعدين اروح السفارة
وعلى فكرة ماعرف لا موقع السفارة ولا الوزارة في الرياض
والله شي جميل
الضمان المال مو مطلوب ياخالد
دامك مبتعث في برنامج الملك عبدالله مايطلبون الا كشف حساب و مشهد تعريف من عملك اذا كنت تشتغل
ويكون بعلمك انا جهزتهم اثنيناتهم ولا طلبوهم بس لا تغامر
الشي الثاني اياك ثم اياك تتاخر لو دقيقه وحده عن موعدك
بالعكس لازم تكون متواجد قبل الموعد بنص ساعه
اما مكان السفاره فاقرب تاكسي تركبه بيدل الطريق على طول اول ماتقوله السفاره الامريكيه
واذا انت اللي تسوق ففيه موضوع في مبتعث يوضح الطريق للسفاره بشكل وااااضح جدا بس الله يعينك دور عليه لاني ماعرف وين الرابط
كمان من ضمن الطلبات صفحة تاكيد موعد المقابله
وصفحة التاكيد تبع الابليكيشن اللي عبيناه اللي هو الاستماره CD160
الف شكر يا اختي ام البراء
بس من الطلبات في الموقع
شي يثبت القدرة على دفع تكاليف الدراسة
ابسالك متى رحتي المقابلة يا اختي
السنة هاذي ؟؟
يمكن النظام اتغير
اما لو انك رايحة السنة هاذي
خلاص بروح دايركت ع السفارة
وانشالله خير
مستني ردك اختي
خالد انت دارس على حسابك الخاص؟؟
ولا على برنامج الملك عبد الله للابتعاث؟؟
اذا انت ضمن البعثه الاخيره هذي فتاكد ماتحتاج الضمان المالي ولا الوزاره تعطيك اياه اساسا
وايه انا قابلت السنه هاذي بالتحديد تاريخ 19/1
اللي يقابل وياي سالني مين يدفع تكاليف دراستك هناك؟؟
قلت له انا تبع برنامج الملك عبد الله وخلاص هذا السؤال الوحيد اللي جاني في الناحيه الماديه
بس تراه راح يطلب توريه بطاقة حضور الملتقى او اي شي يثبت انك على حساب البعثه
العفو خالد
اذا عندك اي استفسار ثاني لا يردك الا الكيبورد
بالتوفيق لك وخليك هادئ وقت المقابلة ولا تشيل هم ترى المقابلة
سهلة
الله يوفقك ان شاءلله وكلها سهالات جهز اوراقك كامله من والى واحجز موعد في اسرع وقت ولاتتردد والله يوفقك