عرض للطباعة
السلام عليكم
انا زوجتي توه جاي القبول له
ومحددين الدراسة تاريخ 14/3/2011
وللحين ما طلعت الفيزة ولا سويت اي شي
سؤالي هل يوجد مواعيد في هذه الايام لمقابلة السفارة
وياليت لو تشرحولي بالظبط وش العمل الي اسوية من بعد ماجاني القبول
وكيف اسوي الفيزة ((لزوجي وبنتي لانهم مرافقين ))
وهل لهم اي تونتي وله
ارجرجوكم اللي عنده علم يجاوب بسرعة
ياليت لو بس واحد يعطيني ايميله او رقمه علشان اتواصل معاه لاني مو عارف شي
تكفون
ايه اخوي يمديك ان شاء الله بس حاول تعجل بأخذ الموعد عند السفاره وبالاستماره يقولك متى اقرب موعد او الوعد المحدد اللي تبي تروح فيه او يبدأ معهدك فيه
سؤال زي كذا
اختر موعد قريب مرره يعني قبل دراستك بأسبوع او اسبوعين
هم راح يشوفون انك تبي موعد قريب يسرعون بتطليع الفيزه
والله أعلم لاني انا سويت كذا واتوقع انه هذا السبب
وبالنسبه للمرافقين ايه لهم اي توني المعهد يعطيك اياه ارسل صور جوازاتهم والاي توني حقك وجوازك وضمان مالي لهم واكتب لهم رساله انك تبي للمرافقين اي توني وبأسرع وقت.
وبالنسبه وش تسوي
موضوعي هذا شامل اتمنى يفيدك واي سؤال انا حاضره
وكمان اذ انت بتسافر وبعدين اذ استقريت تخليهم يجونك
http://www.mbt3th.us/vb/forum16/thre...ml#post2273452
يعطيك العافية حبيبي
بس البعثة لزوجتي مو لي
وجاه القبول
بس انا وبنتي عمره 2 سنه كيف نسوي الفيزه وهل لازم يكون لكل واحد اي تونتي
وكيف نجيبه
يعطيك العافية
بصراحة انا مو عارف وش اسوي بالظبط ياليت تشرحيلي بالظبط
الحين اخر حاجه صارت وياي
المبتعثه زوجتي جاه القبول من قبل اسبوع
مع العلم اني انا وبنتي عمرها سنتين مرافقين
ياليت تشرحلي باظبط
وشكرا
يعني لازم ترسل ترسل للمعهد انك تبي اي توني للمرافقين انت وبنتك وبااسرع وقت ممكن وانه ماتقدر الطالبه(زوجتك)السفر بدون مرافقيها
وبنفس الرساله تحمل صور لجوازك+جواز بنتك+الاي توني تبع زوجتك
وراح يردون عليك ان شاء الله
حاول ترسل لهم اللحين ..
*زوجتك وبنتك وأنت <<تروحون لاستديو وتصورون صور للفيزه مقاس5×5 وكمان تطلبون صوره على السي دي
*تأخذ جوازاتكم وتسددون الفيزا لك ولبنتك ولزوجتك من بنك سامبا وتأخذ منهم الايصال وتصوره(الاصل للسفاره والصوره للملحقيه عشان يرجعون لك المبلغ)
*تسدد السيفيس لزوجتك فقط لانها فيزتها F1 انت وبنتك عشانكم f2 ماعليكم هذه الرسوم
http://www.mbt3th.us/vb/forum127/thread174265.html
*الابليكيشن لكل واحد ابليكيشن تعبونه بعد ماتخلصون تأخذون موعد<<الابليكيشن لازم يكون معك الاي توني لانهم يطلبون منك تكتب الرقم اللي عليه.
اول ماتبدأ في الابليكيشن يطلب منك تنزيل صورة زوجتك بالابليكيشن طبعا ترفعها من السي دي عالموقع ثم تعبي لزوجتك واذ انتهيت من التعبئه تطبع اخر صفحه (صفحة تأكيد الابليكيشن)واذ ماعندك طابعه بنفس الوقت مكتوب ارسال الى الايميل ارسلها لاايميلك
بعدين يقول لك اذ فيه شخص اخر يبي موعد بنفس اليوم
تختار نعم وتعبي تبعك ....وبنفس الطريقه واخر شي اذ ارسلت لاايميلك الايصال تختار تعبئه اخر وتعبي ابليكيشن لبنتك
(اهم شي الايصال يكون معكم بالمقابله بالسفاره )
الطريقه بهذا الموقع
http://www.mbt3th.us/vb/forum16/thread157658.html
*تدخل موقع السفاره وتسجل بـ45 ريال وتأخذ موعد منهمتختار مود لزوجتك وبيقولك اذ فيه احد بيكون معها تحط انت وبنتك وتطبع صفحة الموعد واذ ماعندك طابعه ترسله على الايميل وتطبعه بااي وقت.طبعا اطبعها نسختين عشان نسخه للسفاره ونسخه للملحقيه عشان استرجاع المبلغ.
الاوراق المطلوبه بمقابله السفاره (تاخذ الاصل والصوره من أوراقكم ..
ورقة موعد السفاره+ورقة تأكيد الابليكيشن+الجواز+الاي توني+صور 5×5+ضمان+ايصال بنك سامبا+ايصال السيفيس لزوجتك+كرت العائله (احتياط)
(يعني انت اللحين لازم تراسل المعهد عشان الاي توني تبع المرافقين عشان تبدأ فالاشياء هذي )
معليش والله لعوزتك بس تحملوني
اللحين ال ؟I20 هو نفس القبول او كيف
وعلى اي ايميل ارسل صورة جوازي وجواز بنتي
يعطيك العافية وربي يوفقك دنية واخره
والضمان وش المقصود ؟
واذا امكن ابغى معلومات عن نيويورك لانه المعهد طلع فيها
لا عاادي اخوي
بس الللحين يوم ترسل تجيب قبول لزوجتك فقط صح ارسلو لك المعهد اي توني لها هي بس
هم ماارسلو لك ولبنتك اي توني ؟؟ نفس تبع زوجتك بس فيها اسمك وتبع بنتك فيه اسمها
اذ ماارسلو لك
يعني لازم انت ترسل على نفس الايميل تبع المعهد ادخل على موقعهم وبتحصل الايميل حق القبول
وارسلهم الضمان المالي (تدخل على موقع البنك بالنت اذ لك حساب بالنت فيه وتطبع كشف حساب يبين انه فيه مبلغ يكفيك هناك انت وبنتك )
http://www.mbt3th.us/vb/forum132/thread220995.html
هذا موضوع فيه معلومات عن نيويورك بالرد الثاني
السلام عليكم
طيب الضمان المالي لابد يكون موجود قبل مانروح نسوي المقابلة في السفارة ؟
وكم تقريبا المبلغ الي اوفره ؟
شاكر لك
والله انت ماقصرتي بصراحه علمتيني كلشي خطوه بخطوه
يارب يوفقك انشاءالله ويعطيكي ما تتمنيه
وشكرا