شرح اطـــــرح ســـؤلك هنــــــــا ...............

السلام عليكم ورحمة الله وبركاتة

محتاج احد يوجهني الوجهه الصحيحه بأذن الله ويفيدني الله يجزاكم خير

أنا أبي اروح أدرس في الولايات المتحده الأمريكيه على حسابي الخاص طامع بأذن الله أنهم يضموني على حساب البعثه علمأ أني متزوج ولدين طفلين ومحتار أي ولايه أختار لأني الصراحه أبي ولايه حلوه وحيه مهيب كتمه وريفيه وتكون اسعار السكن والمعيشه متوسطه مهيب غاليه ولا رخيصه للراحه النفسيه واهم شي يكون ماعليها ضغط طلبه سعوديين دارسين على حسابهم زي حالتي ويبون ينضمون لاني الصراحه مابي يطول وضعي بموضوع الانضمام لأني متزوج وعارفين المصاريف وأنا على حسابي علمأ بأن شهادتي دبلوم ثانوي صناعي قسم ميكانيكه عامه يعني أبي أدرس بكالوريس هندسه ميكانيكيه أنا الحين موظف حكومي وبأخذ أجازه أستثنائيه ولا أنكانهم عطوني دراسيه كويس أللين أنضم وأستقيل أخاف مايضموني وأتوهق.

أللي عنده أي معلومات أكيده أو نصائح تنفعني أوتنبيه يفيدني الله يجزه خير وجعله في موزين أعمالكم في الشهر الكريم والعشر الاخيره

اللي عنده معلومات لايطنش تراني
محتاجها

السلام عليكم ورحمة الله وبرركاته ....

* أريد أن أتحقق من صحة هذه المعلومة ( أن المرافق-الأخ- لا يشمله الضمان المالي لجامعة أم القرى , فلابد أن يستخرج له فيزا طالب ليدرس على حسابه الخاص , وإذا وصل هناك سوف تعطيه الملحقية الضمان المالي للمعهد لدراسة اللغة فقط ,,, هل هذا صحيح ؟.

** عند مراسلة الجامعات الأمريكية... أرسل ايميل على بريد القسم اسألهم عن القبول المشروط ,, أو ,, على طول اعبي الابليكيشن وادفع رسومه وارسل خطاب القبول المشروط مع الاوراق ؟!

*** كيفية إنشاء بريد إلكتروني رسمي بجامعة أم القرى ,, هل ضروري حضوري للجامعة أم أقدر ارسل لهم النموذج بالايميل ؟ّ!

شكــــــــــــــــــــــرا جزيــــــــــــــــــــــــــلا .... جزاكم الله خير

وعليكم السسلام .. ايووة من الممكن انك تخلص برنامج اللغة وبعدين تلحق دايركت بالجامعة بدون اختبار توفل و ايلتس .. يعني يعتمد علـى نظام الجامعة نفسها
بعض الجامعات لما تخلص ١٢ شهر باللغة تدخل الجامعة طوالي والبعض لا لازم اختبار التوفل او الايلتس ،، انت اسأل عن الجامعة
او اسأل الي راسلكم بموقع الجامعة عن هالسالفه ..

سؤال واحد بس و اتمنى تجاوبوني علية

المعاهد في امريكا صحيح ان كلها سعوديين و الباقي من شرق أسيا يعني ما فيها اوربيين أبد ؟؟؟؟؟؟

السلام عليكم اخواني
فنادق في لوس انجلوس قريبه من مستشفى الاطفال رخيصه واربعه نجوم

بسم الله الرحمن الرحيم..

السلام عليكم ورحمة الل وبركاته .. اما بعد:

الصراحة دايم اذا بغيت اخذ علومات لازم اخش على هالموقع وانحرجت اني ما اسجل فيه ..

عندي استفسار ساعدو اخوكم المسكين

انا مقدم على جامعه العلوم والتكنولوجيا في الاردن

قسم طب جراحه... على حسابي الخاص كلمت المكتب وزبط اموري بس كلفني خمس الاف ريال

ودفعت حقت نص ترم كامله..

بس طلعلي بعدين نظام مفاجئ اللي هو لازم موافقه التعليم العالي ..

استفسااري هو انا سويت الطلب وكان طالبيني صورة من جواز السفر ملون وصورة من الهويه ملونه وشهادة ثانويه ملونه

انا نسيت احط شهادتي الثانويه وارسلت الطلب وش الدبره وش اسوي دخلت عالرابط عشان اعيد تقديمي بس قالو طلبك ارسل ومايمديني ارسل غير ما ارسلت


هل سوف يرسلولي رساله ويقولون باقي شهادتك الثانويه ما ارسلتها لازم ترسلها ولا خلاص مافيه امل ...

ارجوكم
مع العلم مافيه وقت 22 شوال وانا طالع


حفاظاً على حقوق الكاتب نرجو عدم حذف المصدر مبتعث

مساء الخير اخوي بندر

وكل عام وانت بخير

لاهنت ابغاك تساعدني في جلب قبول مشروط لدرجة الماستر رياضيات

من جامعة ميدل تنسي

Middle Tennessee State University

السلام عليكم
انا طالب راح ادرس كورس لغه في امريكا انشالله "على حسابي"وخلصت كل الاوراق المطلوبه (فيزا + قبول معهد.....الخ) المهم حبيت اقدم ع انضمام وانا طبعا لسه مارحت حتى للمعهد
نصحوني الشباب انه انضم للبعثه وقالو قدم ع التعليم العالي طلب دراسه على حسابك الخاص وبعدين راح يضموك للبعثه انشالله

دخلت موقع التعليم العالي -- طلب دراسة على الحساب الخاص-- وارفقت الاوراق المطلوبه عدا طلب واحد وهو "صورة من القبول الجامعي في جامعة موصى بها في الدرجة والتخصص" وهذا الي سبب لي مشكله الشهاده القبول الي عندي هي شهادة معهد الجامعه ارفقة في هذا الطلب وجاني الرد من التعليم العالي :
تم رفض الطلب لعدم وجود شهاده قبول جامعه .

السؤال كالتالي :
هل اذا سجلت في الجامعه حقت المعهد الي انا مقبول فيه راح يسبب لي حوووسه في عملية الانضمام للبعثه لانه الاساس جاني قبول من معهد الجامعه والحين لوسجلت في الجامعه احس راح يكون فيه لخبطه

ايش تنصحوووني فيه انا حاب انضم للبعثه واوراقي جاهزه في معهد اللغه ايش اسوووي ؟؟؟


شكرا لكم

ماتقدر تدخل قبل 30 يوم وليس شهر . من بداية الدراسة يعني ماتقدر تدخل قبل 24 اكتوبر لذلك عند وصولك راح يكون باقي يوم و 5 ساعات ونصف لذلك بدل ما تعرض نفس للمشاكل غير موعد الرحلة وسافر يوم 25 وخلك في السليم

- - - مشاركة محدثة - - -

ماتقدر تدخل قبل 30 يوم وليس شهر . من بداية الدراسة يعني ماتقدر تدخل قبل 24 اكتوبر لذلك عند وصولك راح يكون باقي يوم و 5 ساعات ونصف لذلك بدل ما تعرض نفس للمشاكل غير موعد الرحلة وسافر يوم 25 وخلك في السليم