الأعضاء الإشتراك و التسجيل

الملتقيات
ADs

شرح اطـــــرح ســـؤلك هنــــــــا ...............

شرح اطـــــرح ســـؤلك هنــــــــا ...............


NOTICE

تنبيه: هذا الموضوع قديم. تم طرحه قبل 2485 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة تسامق
    كم مكافئة المبتعثة ؟ وكم مكافئة المرافق الأخ؟
    مكأفئتي بتنحسب من 21 مارس يعني كم راح ينزل لي ..؟!
    وهل يحسب صرف المكافئة من تاريخ الوصول لأمريكا أو بتاريخ بدأ الدراسة؟
    راتب المبتعث 1847.77$ وراتب المرافق977.77$ الاجمالي 2825.54$
    يبدأ الصرف على المبتعث من تاريخ دخوله بلد الابتعاث، على أن يكون دخوله قبل شهر أو أقل من موعد الدراسة.

    بالتوفيق لك عزيزي
    7 "
  2. المشاركة الأصلية كتبت بواسطة smiley guy
    ياهلا بالغالي



    *انا في السعوديه الان وانضميت ولابعد رحت وعندي اي توني بجامعه اخرى ASU ب 23/مايو وطلع لي الضمان المالي عليها هل تنصحني اروح هالجامعه واقعد فيها سمستر ثم انقل والا اقدم على جورج ميسون واحصل على اي تويني واروح لامريكا على جورج ميسون واطلب من الملحقيه التغيير من هناك ؟ انا خايف جدا انهم يرفضون ويكنسلون بعثتي
    بالله عطني التفصيل لاني محتار


    *السكن في فير فاكس :ايش رايك بهالمجمع السكني
    Cavalier Court
    11100 Cavalier Court, Fairfax, VA 22030

    *اذا بغيت احصل على قرار الابتعاث(محتاجه جدا جدا) اكلم المشرف ؟ او اراسله؟ واذا كان بيده انه يرسلي قرار الابتعاث هل يطلب منى كشف درجات او شي من هالقبيل ؟




    شكرا
    خليك على المضمون وتعال على المعهد الى طالعه فيزتك عليه وبعدين حول للمعهد الى تبيه بعد التنسيق مع مشرفك وتذكر أن الفترة القادمة

    فترة صيف وأغلب المعاهد فترة الصيف تكون الدراسة للمدة معينة وقصيرة....والله أعلم

    بالنسبة للموقع هذا نسبياً ماهو بعيد عن محطة فينا يمكن عشر دقائق بالكثير والمجمع هذا والله ما أعرف وأتوقع صغير ...واذا تبغني أشوفه لك

    قبل تحجز فيه أبشر بسعدك ولكن في الويك أند مو الحين

    بالنسبة للقرار الابتعاث الحين الشباب شغالين على ضم الموجودين على البعثة حتى الى توهم وصلوا بعدين يفضوا للأصدار القرارات وكمان يمكن تراسل المشرف وتتأكد

    بعدين مدام وصلك الضمان المالي فخلاص انت منظم للبتعثة بشكل رسمي فلا تشيل هم وأنا أخوك

    تحياتي لك عزيزي
    7 "
  3. المشاركة الأصلية كتبت بواسطة anas 22
    السلام عليكم ورحمة الله وبركاته

    شباب أنا انقبلت بجامعة نورث تكساس هندسه كهربائيه ..
    بس المشكله مافيه معلومات مهمه بالنت عن هالجامعه كل اللي قريته موضوعين وكلهم يقولون انها صعبه ...
    وما أدري أنا اغير الجامعه والا ابقى فيها والله يعين ..
    تكفون اللي عنده معلومات عن الجامعه أو المدينه يساعدني ..
    تكفوووووووون تكفووووووووووووووون
    تفضل عزيزي هنــــا
    7 "
  4. المشاركة الأصلية كتبت بواسطة rimita
    مرآآحب ,,

    معي بكالريوس تغذية ,, بمعدل مقبول 2,73 من 5
    هل من الممكن اكمل ماجستير , من جامعات معترف فيها ,!!!

    واذا ممكن ايش اسمها ,؟؟؟
    تأكدي من أعتماد الجامعات والتخصص عن طريق الملحقية هنــــا

    بالتوفيق لك
    7 "
  5. المشاركة الأصلية كتبت بواسطة راعي النايفة
    أخوي بليز تساعدني انا أمرى شوي ملخبط
    انا متخرج من كلية الاداب والعلوم الانسانية بتخصص انجليزي لغويات و أدب بمعدل 2,80 من 5
    ودي أكمل ماستر لكن شروط كثيرة ماتنطبق على زي المعدل والتخصص
    وودي أغير تخصصي للماستر هل يمكن؟
    ولو غيرت تخصصي ودي يكون مشروط في دراسة اللغة لان لغتي شوي والماستر شوي جامد
    أبي نصيحة منك بالتخصصات والجامعات المتاحة لى
    وكيف يمكني ان التحق بالبعثة أذا طلعت على حسابي
    وكمان ابي نصيحتك بالمدينة و الولاية بالنسبة للمعيشة والاسعار والأجواء والامن والترفيه
    لانو انا بصراحه مصمم انى اكمل الماستر بس فية ناس يقولون لى انت مايمديك بتخصصك ومعدلك واصلا مو زي زمان الألحاق يكون سهل الان شوي صعب
    ياليت اخوي تعطيني لو بسمة أمل
    وشكرا لك الف
    أختي أهنئك على حماسك في الدراسة وثقي أني مافي شي صعب في الحياة أذا كانت العزيمة والأصرار موجودة ولا تسمعين للفاشلين

    ايه يمكن تغيره وتشوف لك تخصص قريب من تخصصك وتدرسين مواد تكملية على حسب متطلبات الجامعة طبعاً

    ما أقدر أقولك تخصص لان في الاول والأخير رغبتك هيه الى تحدد ذلك وبالنسبة للجامعات المعتمدة راسلي الملحقية

    ويدونك قائمة بالجامعات المعتمدة للتخصص الى ترغبين في دراسته.

    الولايات كثيرة يا أختي وفيه مواضيع كثيرة في ملتقى امريكا تتحث عن الولايات بالتفاصيل أدعوك بأخذ جوله عليها

    أما أذا تبغين نصيحتي فـ أنا أقولك ولاية كنتاكي حلوه ومناسبة وجميلة......على فكره مكرمة الملك بالالحاق مستمرة حتى الأن

    بالتوفيق لك واهنئك مره أخرى
    7 "
  6. المشاركة الأصلية كتبت بواسطة mohammed.a.y
    السلام عليكم
    انا طالب مبتعث في الاردن
    و حاب استفسر اذا اقدر احول الدراسه الى امريكا من غير ما تُسحب البعثه .. ؟؟
    واذا استطيع وش الشروط للتحويل .. و هل استطيع تغيير التخصص عند التحويل و ما تسحب البعثه ؟؟؟
    اعذروني عالاطاله ... و شكراً
    ايه يمكن ليش لا بس أنت حاول تجيب قبول في البداية وبعدين قدم على الملحق في الاردن وأن شاء الله يوافق على نقلك

    التخصص اذا كان مطلوب في سوق العمل وأفضل من تخصصك الحالي فأن شاء الله يبون يوافقون ...والله أعلم
    7 "
  7. المشاركة الأصلية كتبت بواسطة فيصل.الفيصل
    الســـــــــــلام عليكم ياشباب انا بسافر بعد شهرين انشالله الى
    ولاية اوهايو مدينة ينغ ستون جامعة ينغ ستون وابغاء اعرف بعض المعلومات
    عن المدينه وعن الجامعه الجو الدراسي عدد حبايبنا السعودين-
    المعيشه - التسوق - الاماكن الترفهيه.
    ومشكرين مقدما
    تفضل عزيزي هنــــا
    7 "
  8. المشاركة الأصلية كتبت بواسطة محمد بنْ عبدالعزيز
    السسلآم عليكم ..

    آنآ نآويـ آقدم على مآجستير محآسبه ..
    وش آسسسهل آلجآمعآت آلي تنصحوني فيهآ وطبعآ تكون معتمده ...
    طبعآ مع العلم آنه آلى آلآن لغتي آلآنجليزي 0% : (

    \

    شششكرآ

    الدراسة مافيه شي أسمع صعب وسهل وأنا أخوك الى يدرس ويذاكر يومياً كل شي سهل والعكس صحيح

    بالنسبة للجامعات فأرجوا التواصل مع الملحقية ويدونك قائمة بالجامعات المعتمدة نقطة مهمة قبل الحصول على القبول.....تحديث مستمر
    7 "
  9. المشاركة الأصلية كتبت بواسطة ابوسعد666
    السلام عليكم ورحمة الله وبركاتة
    هل هناك جامعة للماستر ومعاهد في كندا او الولايات المتحدة غير مختلطة
    ارجو التوضيح والتاكد من المعلومة وهل هي ضمن الجامعات المعترفة بها لدى التعليم العالي
    ما أدري بصراحة بعدين أذا هذا تفكيرك أختلاط وغير مختلطه أدرس في السعودية أبرك لك
    7 "
  10. المشاركة الأصلية كتبت بواسطة معلوماتيه
    استاذ بندر بعد التحيه

    انا معدلي من خمسه هل تنصحني اعمل معادله في موقع wes.org على اساس ان يصير المعدل من 4 من الان

    وبالنسبه للتوصيات انا عاملتها في ظروف لكن الوثيقه والسجل بدون هل اعملها في ظرف واختمها من الجامعه ارجو منك ارشادي اخاف تطلع امور من هناك وانا ماعملتها اساسا


    جزاك الله خير اخوي
    أغلب الى يعملون المعادلة في هذه الشركات تكون معدلاتهم نازله والمعادلة ترفع معدلاتهم بعدين مو لازم تعملين معادلة مدام جامعتك ما طلبتها منك

    أنا ماعملت معادلة ولا شي

    يفضل أختي تعملينها في ظرف وتختمينها لانك ما تدرين أيش طلبات الجامعة وتخلينها معاك أذا طلبوها عطيهم اياه واذا ماطلبوها خليها عندك على شان مايطلبونها منك

    وأنتي في الغربة وتتورطين فيها وخصوصاً بعض الجامعات القوية تطلب جميع المستندات في ظرف مغلق ....بالتوفيق لك
    7 "
33 من 258 صفحة 33 من 258 ... 283233343883 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.