رفض طلبي للفيزا , فما الحل ؟

بسم الله الرحمن الرحيم


ذهبت للسفارة الأمريكية بالأمس , بتاريخ 14/3/2011 , لاستخراج فيزا للدراسة
وكل شيء مشى تمام , إلى وقت المقابلة , وإلى آخر المقابلة الوضع ماشي

ولكن عندما سألتني من متى وانت متخرج من الثانوي , قلت لها من عام (2008)
قالت : وش كنت تسوي في هالفترة ؟

أنا في الحقيقة كنت طالب في جامعة الإمام , لكني قلت لها أني كنت أعمل مع الوالد
قالت : طيب ليش الآن تبي تكمل دراسة ؟

قلت : لأن عملي مع الوالد انتهى
قالت : طيب ليش ما درست هينا ؟؟

أنا وقتها ما عرفت إيش أجاوب , أنا على أساس أني مخلص من شغلي مع الوالد , ورايح بدرس لغة وجامعة

في النهاية قالت : أنه تم رفض طلبك لأنك غير مؤهل على اتمام برنامج دراسي كامل في الولايات المتحدة , لأنك جالس سنتين بدون دراسة !!






فالسؤال : وش الحل ؟؟
أنا دراستي بتبدأ في 2 ماي , وقدمت طلب على السفارة ثاني بـ 28 مارس

وش الحل بالنسبة لموضوع السنيتين هاذي ؟



انتظـر من يفيدني ..

جيب لك شهاده خبره من اي مؤسسه من واحد تعرفه وترجمها وختمها من المؤسسه والغرفه التجاريه ..وقدمها لهم .. وقدم مره اخرى .. وتنحل امورك .. واذا سألوك ليش ماقلت انك موظف قل اني قلتها لكن هذي شهادة خبره للتأكيد ..
واضف الى ذلك انك اذا سألوك ليش تبي تكمل .. قل انا حلمي من زمان اني ادرس بأمريكا واكمل دراستي لانها الافضل بالعالم في التعليم .. وجمعت فلوسي لمدة سنتين وبيساعدني الوالد واطلع واحقق حلمي ..
وخلك واثق ولا ترتبك وحط عينك بعين القنصل انننتبه تنزلها ... وخلك جاد ومبتسم ..
وتتسهل اموووورك واي استفسار ارسل لي خاص

يعطيك ألف عافية أخوي , طمنتني شوي :)
هذهـ الطريقة مجربة , ولا معروف أنها تمشي , لأن السفارة من شهر أو شهرين غيرو بعض أنظمتهم من بعد محاولة التفجير ببيت بوش ..

هل هو ضروري ختمها من الغرفة التجارية ؟؟

ما يكفي اختمها من المؤسسة ؟

يادختور .. انا قبل سبوع كانت مقابلتي وجايب شهادة خبره من مؤسسة اخوي .. ومختمها من الغرفه التجاريه .. ولاحد درى ولا شي ...
ترا الامور تساهيل ومو دارين عنك ..
وبالنسبة لختم الغرفه التجاريه هو الافضل انه يكون موجود عشان يعطي الورقه اكثر رسميه واذا تبي اي شي او استفسار كلمني على الخاص واساعدك باللي تبيه طال عمرك

تسلم حبيبي ما قصرت , إن شاء الله أوافيك بخبر الفيزة بعد أسبوعين .. :)

بالتوفيق لك .. ارسلي خاص اذا قبلوك واذا رفضوك لا اشوفك ولاتشوفني ههههه <- امزح
اهم شي تكون رسميه وفيه حركات الورقه واطبعها ورق مقوى كأنها شهاده رسميه وتكون بالانقلش طبعا ..
تقدر تبحث عن شهادات خبره بالانقلش في قوقل بتفيدك المواضيع .. واذا تبي اي مساعده كلمني ومالك الا اللي يسرك يادختور