رد: 7 أسألة تبحث عن أجوبة
[QUOTE=G.Rose;2717283]السلام عليكم ورحمة الله
صباح الفل للجميع
الأسلة كثيرة وندخل علطول:
1/ ارسلت الشيك الملغي للملحقية عن طريق موقعهم وجتني 500$ وشوية ولا ادري ليه والى الان ما نزل الراتب . وش الحل؟
الي نزل لك هو الراتب المستحق من تاريخ الوصول حتى نهاية شهر الوصول، يعني مثلا انتي وصلتي في 15 فبراير، رح ينزل نص راتب شهر فبراير في اخر الشهر يعني تقريبا في 26 فبراير، وبعدها ينزل الراتب كامل في اخر كل شهر تقريبا. يعني انتظري اخر مارس ورح تنزل لك كاملة باذن الله.
2/ دراستي تبدأ في 28 مارس وجاني التأمين الصحي لكن لا يفعل قبل تاريخ بدئ الدراسة هل توجد طريقة ثانية اقدر افعلها الان؟
ماعندي خبر عن التفعيل ، تقدرين تتصلين على شركة التأمين وتستفسرين منهم مباشرة.
3/ social security number او رقم الظمان الاجتماعي طلب مني كثير بالذات في المستشفى والبنك .... الخ , وشهو وكيف اجيبه لي ولمرافقي الزوج وهو ما يدرس؟
الرقم هذا مهم للامريكان والناس الي رح تشتغل بامريكا لانه مثل التعريف بالراتب عشان امور التاكس. لكن الطلاب من الخارج غالبا مايحتاجون واذا احد سألك عنه قولي
I am an international student and I don't have a SSN
تقدرين تطلبينه في حالة انك رح تشتغلي (بموافقة جامعتك) بينما المرافق اذا مامعاه F1 مايقدر يطلع لانه غير قانوني انه يشتغل.
4/ زوجي يسوق ونبي سيارة هل نشتري اول وبعدين الرخصة والى لازم رخصة اول؟
الرخصة اول افضل لكم لانه لما تشترون رح يطلبون منكم الرخصة عشان تطلع السيارة من مكان البيع ولا مايقدر ياخذها زوجك ويسوقها (احيانا يكون فيه تجاوزات بس الافضل يطلع الرخصة ويرتاح)
5/ استخراج رخصة قيادة هل يتطلب اخذ دروس والا اختبار وخلاص؟
مايحتاج دروس يسوي اختبار وبس
6/ اسهل مكان لاستخراج رخصة قيادة وكم تقدر التكاليف؟ طبعا حنا في نيويورك سيتي
المكان هو DMV الي بمدينتكم، اظن تسوون موعد قبلها عشان الاختبار. سعرها ممكن يختلف من ولاية لولاية. بالنسبة للاختبار تقدرون تسوون اختبار برا المركز هذا في اماكن خاصه ولها سعر اضافي وميزتها انك تجين في اي وقت بدون موعد.
7/ فيه علوم زينه بيرسلوها الاهل من السعودية, وين الاقي شروط الشحن وكيفيتة؟
بصراحة ماعندي خبر عن شروط الشحن لكن الاهل مرة اسلوا لنا اغراض (رز وتمر وغيرها) عن طريق البريد السعودي يوصل عند باب بيتك، فيه كم شركة شحن غيرها مثل فيدكس وارامكس.
هذا الي اعرفه والله اعلم. بالتوفيق.
اتطلع للإجابة في اسرع وقت وياليت تتكرموا وتجاوبوا اللي تعرفونه حتى لو سؤال واحد بس
والان لقينا سكن حلو واستقرينا ونبدأ في مساعدة الاخوان فارجو التعاون
Golden Rose
رد: 7 أسألة تبحث عن أجوبة
كثر الله خيرك ساره
كفيتي ووفيتي , الله يباركلك ويفتح عليك يارب