استفسار شورت الى سافرو الله يعطيكم العافيه

رآح أفيدك بسس بموضوع الخطوط ،، الخطوط السعوديه تقريبا ً تقريبا ً إذا على الكلآس

إللي بـ 2200 تقريبا ً،، رآح تكون أرخص شئ بس التاريخ ماراح تقدر تغيرهـ إذا كآنت على الكلآس إللي أتكلم عنه أقل كلاس ،،

وبرضه تأكد من الخطوط البريطانيه أحيانا ً يكون فيه فرق في السعر بس مو كثيير مرررهـ

وبالنسبه لـ سفرك من واشنطن على ولايتك أفضّل أفضّل إنك تحجز من السعوديه وتآخذ تذآكرك

عشان ماتتلخبط وتكون أمورك مرتبه وترا الحضور على الرحله الداخليه هنا لازم تحضر قبل رحلتك بـ أربع ساعات تقريبا ً << للمعلوميه ،،،،

أتمنى إني أفدتك ولو بالقليل ،، دعواتك

الله يعطيك العافيه يارب
تسلم والله يوفقك وييسر لك امرك
ما قصرت
وانا بجد ما رحت سألت الى في الخطوط السعوديه لكن ابي اروح اسال على قولتك
يديمك بالخير يارب

اختي شوفي بعد مكتب الطيار يرتب لك كل الامور واذا ماعندك لغه لا تروحين الا في الخطوط السعوديه لان البريطانيه توقف في بريطانيا وبتحوسين كذا حوسه على كيفك بس الخطوط السعوديه انشالله ان الطياره ماتوقف الا في واشنطن ومكتب الطيار يرتب لكي الرحله من واشنطن الى الولاية الي بتدرسين فيها والله يوفقك

انا عن نفسي جيت عالخطوط السعودية ومبتعثة يعني ما ادري عن الاسعار لكن لو كان على حسابس
كان برضه باحجز عالخطوط السعودية عشان فرق وقت كثير وتوفير جهد وبهذلة في المطارات
بالنسبة للحجز من واشنطن للولاية الثانية فالنصيحة هي انك تحجز من الحين لاسباب
- ارخص بكثير
- ظمان الحجز لان اذا جيت بدون حجز يمكن ما تلاقي
- راحة البال
اشوف انك تجلس في واشنطن يوم عالاقل وتاخذ فندق في منطقة المطار قريبة جدا
اذا ودك باكثر من يوم ترى واشنطن حلوة جدا وفيها منطة البيت الابيض ولا اروع
وعلى عجالة يوم واحد يكفيها.
بالنسبة لموعد السفر اشوف ان اسبوعين كفاية اذا ماكانت زيادة اكثر من كذا بيكون مضيعة للفلوس
وملل لان ما فيه غير تماشي وبتطفش بالذات انك لوحدك
السكن نصيحة مني لان انا تبهذلت فيه كثير وتنقلت في اقل من شهر ثلاث مرات
لاتجي الى وانت حاجز ودافع وخلص كل شي




تحياتي

الله يسعدك ويوفقك على النصيحه بالضبط انا باعمل على ما قلتي باذن الله
بجد ما قصرتي يارب يعطيكي العافيه