استفسار بخصوص تعليق البعثة (الهولد)

السلام عليكم

عندي استفسار بخصوص تعليق البعثة (الهولد) وأتمنى تساعدوني

أنا طالبة مبتعثة في أمريكا لدرجة الماجستير. كملت فترة دراسة اللغة بس ما حصلت على قبول أكاديمي ف اتحطيت على الهولد ولما سألت الملحقية عن وضعي جاوبوني بإن إما إني أجلس في أمريكا وأدرس لغة على حسابي إلى أن يجيني قبول أكاديمي أو إني أقدم طلب تأجيل بعثة لمدة 6 شهور وأرجع على السعودية وأنتظر القبول وأنا في السعودية. واخترت تأجيل البعثة وفعلا قدمت الطلب وتمت الموافقة عليه ورجعت على السعودية. لكن للأسف حصلتلي ظروف أخرتني ومرت أكتر من 6 شهور ولسا ما جاني قبول وطلبت من الملحقية تمديد لفترة تأجيل البعثة لكن قالو إن فترة تأجيل البعثة أقصاها 6 شهور وإني لازم أراجع وزارة التعليم العالي في السعودية لحل المشكلة وحاولت التواصل مع الوزارة بكل الطرق الممكنة لكن ما لقيت أي رد ولا أي تجاوب منهم

اللي محتاجة أعرفه كالتالي:
- هل أنا مازلت مبتعثة في حالة هولد ولا اتلغت بعثتي؟؟
- وإزا جاني القبول الأكاديمي بإذن الله ورجعت أمريكا هل أرجع لوضعي الطبيعي كمبتعثة؟؟

أنا متأكدة إن كتير مرو بنفس الموقف اللي أنا فيه وأتمنى تساعدوني

يعطيكم العافية

والله يااختي نفس حالتك على الهولد لاني كملت فتره اللغه بس وقت بدايه الدراسه للماجستير بعيد عشان كذا كلمت مشرفتي وقالت لي سوي ايقاف للبعثه عشان لاتنحسب عليك !! ماادري ايش قصدها !
يعني مايصرفو لي راتب ولا يدفعوا للمعهد وتنحسب من مده ابتعاثي !!!!!
انصحك تتواصلي مع مشرفك الدراسي وتساليه رغم اني اشوف ماامنهم فايده مااشوفهم الا وقت الهولد
الله يعينك ويعين الجميع يارب