اللي في البلاك لست في "سِمه" .. يرفضونه السفارة الأمريكية ؟
السلام عليكم ..
أنا صار لي فترة ماسددت سيارتي اللي أخذتها من أوتوستار .. وتقريبا ً إني صرت فالبلاك لست ..
السؤال ياجماعة .. الحين اذا رحت للسفارة عشان اطلع الفيزة وانا في البلاك لست حق سمه (سما) .. بيرفضوني والا مالهم دخل بالشي ذا؟
يعني مثل الجوازات الحين مالهم دخل الا بالمخالفات بس .. لأني يوم جيتهم قبل كم يوم طلعت جوازي الجديد ولا قالوا شي عن متأخرات السيارة أو البلاك لست حق سمه ..
ياليت تساعدوني الله يجزاكم خير ..
وفيه سؤال ثاني ..
الحين السفارة تطلب الجواز القديم؟.. وهل هو ضروري يعني أو عادي لو أقول لهم إنه موب معي أو أتلفته أو ضاع ؟
لأنه ناقص ورقتين قطعتهم أختي الصغيرة الله يحفظها وأخاف أروح لهم فيه كذا ويسوون لي زحمة ..
الله يوفق من يجاوب علي ويساعدني وييسر له أمره ويرزقه من حيث لا يحتسب.,
رد: اللي في البلاك لست في "سِمه" .. يرفضونه السفارة الأمريكية ؟
مرحبا اخوي
انا توني سويت مقابلة في السفارة بالنسبة لسمة ما لهم شغل فيها اما للجواز القديم ما يحتاج تحضرة بس احضر معك برنت من الجوازات بجميع سفرياتك
وبالتوفيق ان شاء الله
رد: اللي في البلاك لست في "سِمه" .. يرفضونه السفارة الأمريكية ؟
الله يجزاك خير ويوفقك دنيا وآخرة ويسعدك ويحقق لك كل أحلامك يارب
رد: اللي في البلاك لست في "سِمه" .. يرفضونه السفارة الأمريكية ؟
انا عن نفسي سويت المقابله ولا سالوني عن الجواز القديم ولا طلبو برنت عن سفراتي بس سألوني وين قد سافرت
فلا تشيل هم
وبالتوفيق
رد: اللي في البلاك لست في "سِمه" .. يرفضونه السفارة الأمريكية ؟
لا مالهم شغل فيك
انا في بلاك لست من الاتصالات والبنك وزين بعد
محد داري عنك
رد: اللي في البلاك لست في "سِمه" .. يرفضونه السفارة الأمريكية ؟
الله يعطيكم ألف عافية ماقصرتوا يالغالين , جزاكم الله كل خير ..