استفسار انتم أملي بعد الله

وعليكم السلام ورحمة الله وبركاته ..

اول شي انت تبي تروح على حسابك ؟؟

ثاني شي تحاول تجيب لنفسك قبول لغه من المعهد اللي تبيه وبالتاريخ اللي يعجبك وقبول اللغه يجي معاه شي اسمه ( I-20 ) ينطق آي تونتي .. القبول يا انت تجيبه بنفسك من خلال موقع المعهد نفسه او عن طريق أي مكتب عندكم بالرياض ..

ثالث شي اذا استلمت قبولك بيدك , ادخل على موقع السفاره الامريكيه بالسعوديه , وادخل على قسم التأشيرات ( الفيزا ) واقرا وشوف طلباتهم بالتحديد وكملها وراح تحصل بالموقع نموذج تعبيه بالبيانات الخاصه فيك . وبعد ما تكمل النموذج تاخذ موعد للمقابله الشخصيه في السفاره الامريكيه > وفي هذي النقطه الافضل أحد يساعدك من الناس القراب منك وتكون لغته الانقليزيه جيده , وبعد المقابله الشخصيه تنتظر لين تطلع فيزتك وبعد ما تطلع روح احجز وتوكل على الله وسسافر ,, >> شفت وشلون سهله هههههههههههههههههه هي الصراحه سهله بس انها تاخذ وقت ..ان شاء الله اني ما نسيت شي .. وان شاء الله تكون فهمت علي .. الله يوفقك

أخوك / عبدالله المطيري

الله يسعدك ياخوي عبدالله
تاريخ القبوول 8/3/2010
اخاف منتهي الصلاحيه هههههههه

مثل ما قال لك الاخ اللي قبل شوي وروحتك الاوله والاخيره تتوقف على قبولك في المقابله الشخصيه واذا كنت بدوي اغسل يدك من الحين لأن مافي تأشيرات للقبائل


انا الله يسلمك اليوم رفضوا طلب تأشيرتي وعاني الان امص حمر وافصفص والله يكتب اللي فيه الخير

والله مدري صرآآحه اذا منتهي ولا لا خخخخ

بس فيه حل انك تكلم نفس المعهد وتقولهم ابي قبول جديد بالتاريخ الفلاني .. وخلهم يرسلونه لك وخلص امورك

الله يجزاكم خير ماقصرتو

لكن لحد الحين احس اني مالقيت الجواب الصريح الدافي

اخوي نيوتن بالبدايه هد ههههه الحين تختار الولاية والمدينة زيــن

بعدها تحتار المعهد اللي تبي قبولك فيه بس انتبه تاكد من قوة االمعهد اهم شي

ثالثا جب قبول فيه اما عن طريق مكتب وهذا م افضله اانهم بيلطعوونك سنين, من رايي تراسل المعهد خذ موقعهم وراسلهم او شف احد بالمنتدى بنفس المكان اللي اخترته يروح لهم يسساعدونك ويرسلون الا توني عليك

تمام للحين لاجاء الاي توني احجز موعد بالسفاره وسدد السيفس وهذه فلوس ورسوم للطلاب وسدد الفيزا واذا تبي ترتاح من هالموضوع رح مكتب يعبيه لك وانت قاعد

بعدها مقابله وتنتظر ويجيك الفيزا وتودي اورااقك بالفيزا للوزاره ويعطونكك قرار الابتعاث وبنفس اليوم يحجزون لك للسفر

وانتهينا

والاخ اللي يقول اذا بدوي وقبايل م تروح .. انا رحت وطلعت فيزتي وفيزاابوي بيومين بسس ولله الحمد ولا قاعدين نسولف انا وابوي ومخلين الحرمه تتكلم سافلينها

توكل ع ربي واي سوال اقدر اجاوبك حااضره بس ابي دعوه بظهر الغيب

الله يوفقك ويسعدك

بس ابشرك ماعاد ابي امريكا عقدووني وكرهتم

حووولت على كيب تاون بس على الله اتوفق في المعهد هناك

وجاري البحث حاليا عن معهد وعن ناس ثقاته ينصحوووني
وربي يستر عليك ويسعدك

يارجال القبايل أصل ومرجع وحكموا المملكة من إلى , ماوقفت على سالفة تأشيرة عشان يحطونهم بالبلاك لست !!

ماسمعت سبيل بن سند يوم يقول للسديري ( أبوك معطين الأخاوة بيمناه // لولا الأخاوة راح مامن نهايب)..؟

الله شرفنا بالإسلام والأمن والأمان والمساواة بين كل الطبقات (احمدوا ربكم).. ماعاد فيه نزعة قبلية أو طائفية ..
أما أصل وفصل عيال القبايل وعيال الأصل مايختلف عليه واحد قدام المراية عشان يختلفون عليه إثنين وأكثر ..!

لكن فيه بعض الناس يكون (طعيس) , والطعيس ذا هو الكائن اللي يمارس كل العادات الخايسة والمقززة بإسم وشعار (القبيلة) !!

ومثل هالوجيه ودك تنسحب الجنسية منهم وينفون من الأرض , ولهم خزيٌ بالدنيا وبالآخرة عذابٌ أليم ..



.. متى على الله نتعدا هالأزمات والتتنيكات العقلية عشان نقدر نرتقي بالدولة والمجتمع للقمم ؟..

الله المستعان.,