بليز حد يرد عليه ( ضروري )

السلام عليكم ورحمة الله وبركاته
انا طالبة من الامارات مسافرة تاريخ 17-4-2011
اللي بيصادف يوم الاحد الياي

عندي بعض الاستفسارات وضروي تجاوبوني عليها لأن ما باقي غير يومين :(

بغيت استفسر عن الاجهزة الكهربائية اللي باخذها وياي
انا خذت اجهزة بس الحين عرفت أن الكهربا تكون بأمريكا 110 فولت
وبعض الاجهزة عندي تشتغل ع 220 فولت
قالوا لي انها ما راح تشتغل هناك
بإستثناء الاجهزة اللي فيها نظام التحويل من 220 الى 110
بغيت اعرف اذا فيه حل لهذي المشكلة !! هل اخذ هذي الاجهزة معاي او لا

ايضا بغيت اسأل اذا احول فلوسي للدولار الامريكي
هني في البلاد والا لما اروح هناك
وهل احتاج اصرف لما اوصل مطار واشنطن ؟

اتمنى حد يرد عليه بأسرع وقت :(

ويييييييييييييييينكم !!!!!!!

آول شي الآجهـزه مآعندي خلفيه عنهـآ !
لكن جآيب معي آكس بوكس من آلسعوديه ولمآ رحت هنآك مآشتغل مآدري من آلكهرب ولآ خرب مع آلشحن وكذآ
لآني نآطله في شنطه آلعفش وشحنه خخخخ

وبخصوص آلعمله لو تصرفين من عندك دولآر آمريكي يكون آحسن ومآيحتآج تآخذين معك مبلغ كبير مره
مآرآح تحتآجينهـآ بشكل كبير

السلام عليكم ..
بالنسبة للاجهزة دامك شريتيهم جيبيهم معك بالخصوص الات الكفي وغيرها تفك لك ازمة اول الايام ...بالنسبة للاجهزة الي تبين لهم حل استبدبيهم من المحل او اشتري لك محول وجيبيه معك ..بالنسبة للفلوس انصحك وبقوة تحولينهم من الامارات غلى دولارات لان بعض المدن اصلا ما عندهم محل حق تغيير عملات وبعض الفنادق ايضا ما تاخذ الا دولارات والتكاسي ايضا .. الله يوفقك ويسهل امورك ويوصلك بالسلامة يارب ..اتمنى انك ما تنسيني من الدعاء لاني بأمس الحاجة لدعاء ..و اتمنى انك تحافظين على صلاتك لانها الحبل الوحيد المباشر بينك وبين الله ولا حافظتي على صلاتك الله يحفظك من كل الشرور ويسهل امورك ..بتوفيق واسف جدا على الإطالة .

تسلمون والله , ربي يخليكم ويحفظكم ويوفقكم
إن شاء الله تكون الامور طيبة , وايد احاتي ><

بعد بغيت اسأل عن شي اخير
سمعت انه في تفتيش بمطاراتهم للاب توب والفون صح والا لا ؟
قالوا لي ان لازم يكون عندي الويندوز اصلي والبرامج اصلية
مب متأكدة من هالكلام للحين

اتمنى اللي مر بهالتجربة يخبرني واذا كانت مب صحيحة بعد يخبرني
بليز ابي رد اليوم ><

أما عاد الويندوز أصلي هههههههه .. ماعليش بس قسم بالله السالفة تضحّك هههههههه

يابنت الحلال بالعقل هي وش دخل أمهم بالويندوز أصلي وإلا تجاري لايكون بيشتغلون باللابتوب حقك !!
أنا والله ماعندي خلفية عن ذا الموضوع لكن ماظنيت إنهم بيستقعدون لك على ويندوز أصلي والا فيستا أصلي والا لون اللابتوب.

لكن يجون الجماعة ويفيدونك , يمكن عاد تطلع السالفة صدق وأتوهق أنا لأني أنواع الشغل التجاري باللابتوب والجوال (عادي شغل الأفلام ومايسوي).

خخخخ
والله ما ادري بهم
بس فيه اعضاء كاتبين جيه في هالقسم !!
وقريت مواضيع فقلت يمكن السالفة صج !!

الحين مب عارفة احذف البرامج اللي عندي والا كيف !!!

اتمنى اللي مجرب يخبرني

آيه صدق لآزم يكون آلويندوز وآلبرآمج آللي في اللآب توب آصليه ولو كآنت غير كذآ مآدري يصآدرون اللآب آو آيش !
عمومـآ ممكن آنهم يفتشون وممكن آنهم يمشون .. بآلنسبه لي مريت من دون مآيفتشون ممكن لآن وقتي كآن فيه آربع رحلآت
ومضغوطين مآدري .. لكـن نظآميآ معروف آللي بيدخل آمريكآ آلبرآمج لآزم تكون آصليه ولو عندك آفلآم في آللآب توب محملتهـآ نفس آلشي ممنوع
سمعت من بعض آلطلآب هنـآ آذآ عندك آفلآم منسوخه ممكن توصل للسجن لآنهآ تهريب مآدري عن مصدآقية آلكلآم عآد :)

خلاص وضحت الفكرة
باجر بتأكد من البرامج اذا اصلية او لا

تسلم اخوي ع الرد
ربي يوفقك

اختي لازم تتاكدين من الويندز والبرامج لانه بعض الاحيان يدخلون لاب توبك في جهاز واذا كانت البرامج مو اصليه عليها ترى مصادرة جهاز وغرامه وممكن سجن ..هما مو كل مرة يشيكون على الب توب لكن إذا فتشو جهازك وشافوا شي مو اصلي بيبهدلونك ..
ففالحل اما انك تتاكدين من البرامج قبل ما تسافرين واذا ما قدرتي اتركي جهازك ولا رحتي امريكا اشتري جهاز بس لا تنسين تاخذين معك الاوراق اللصقة حقت الحروف حق الكيبورد راح تلاقينها بالمكتبات .بتوفيق