ساعدووووووني يرحم والديكم

السلام عليكم ورحمة الله وبركاته



اخواني انا طالبكم مساااعده انا يا أخوان صار للوالد وعكه طبيه على بداية


الفصل الدراسي الثاني واضطريت ان اسحب الفصل الثاني ..!


وعلى فكره انا صف اول ثانوي واخواني يدرسوون بأمريكا ( اريزونا )


وانا كلمت ابوي على اساس اني اروح اتعلم انجليزي مكثف في ولاية اريزونا


ولكن اخواني قالوا لي ماننصحك لأن المعهد حق الأنجليزي


سئ اللي في الجامعه ونصحوووني بالمعاهد الموجوده بنيويورك


وياليت احد يساعدني الله يرحم لي والديكم

المطلووب :

1- معهد للغه مع العلم ان لدي لغه ولكن ابغى اكثف اللغه.


2- السعر غير مهم مادام انه فيه فائـده.


3-السكن وهل يوجد سكن داخل المعهد.


4-اذا توفر اي معهد للغه في اريزونا افضل من الذي يوجد بجامعة


( نورثن اريزونا ) اتمنى المساعد .



ارجو منكم المســـــاعـــدهـ لاتروح عليَ السنه ع الفاضي :(




ارجوا منكم التعاون معي يا جماعه وتذكروا حديث الرسول صلى الله عليه وسلم

( خير الناس انفعم للناس ).

اخي العزيز بصراحه ما اقدر افيدك عن اريزونا بس انا في فرجينيا واخوي بيجي بعد شهرين في الصيفيه عمره 17 بيخلص ثاني ثانوي في الصيف الزبده بيجي يدرس للغه مكثفه عندي في واشنطن دي سي تبعد عني 10 كيلو تقريباٌ طبعاً فرجينا و واشنطن دي سي كلها وحده الزبده هو راح يدرس في معهد كابلن في واشنطن بنسبه لكلام الناس لا يهمك كل واحد يعطيك وجهة نظر المهم انت اذا تبي تستفيد راح تستفيد لو انشالله في السنغال وتكلفه اتوقع انها كلفته 17000 ريال سعودي شهرين فقط والسكن عند عائله لان الي اقل من سن 18 ما يسكنونه في سكن الجامعه الا لظروف خاصه اذا كان معاق لا قدر الله او شي من ها القبيل عشان يكون قريب من المعهد جداً ويكون له رعايه خاصه واذا جاي تستفيد ابعد عن اخوانك خذها نصيحه اخ يحب لك الخير لازم تخوض معركه الحياة لحالك وتحتك في العالم وتتكلم معهم ومن وجهة نظري والرئي الاول والاخير لك تعال واشنطن دي سي قريب من المطار وتعتبر العاصمه يعني منها راح تكون اجازة ودراسة اتمنى لك التوفيق . بنسبه لتنسيق مع المعهد عن طريق اون لاين موقعهم او مكاتب موجوده في السعوديه تجيب لك الاي توني وخذ موعدك مع السفاره بدري عشان الفيزا واجراءات السفر وانشالله اكون نفعتك بشيء