مساعدة للمره الثانية ترجعني السفارة !!؟ < مكتوب علي ما اروح امريكا ؟

سهلة كشف حساب اي شخص يقربلك وقول هذا اللي يتكفل بدفع الرسوم ...
وحاول انك ماتنسى شي مرة ثانية

مششكور اخوي على الرد بس انا أقصد لازم الحساب يكون فيه المبلغ من ثلاث شهور ؟

لا اخوي حسب علمي اهم شي المبلغ النهائي

يالغالي بقولك شغله انا زيك كنت خايف ومرتبك بخصوص كشف الحساب ذا

خل احد من اخوانك او ابوك يكون في رصيده 100 الف وروح للبنك وسو شهاده بنكيه

بالانجليزي طبعا يعطيك البنك ويوضحون في الشهاده ان ابوك هو الي بيتكفل فيك ويكتبون المبلغ بالريال والمبلغ بالدولار

وحبذا لو تزيد المبلغ وكل مازاد كل ماكان احسن

ثاني شيء من نفس البنك سو كشف حساب لأبوك أو لخوك الي بيتكفل فيك خله يسوي كشف لـ 3 شهور بس لازم يكون فيه حركه
يعني سحب وايداع وكذا

انا سويت زي كذا قالت لي هات الكشف وعطيتها الشهاده البنكيه والكشف قامت تناضر في كشف الحساب وقالت اوك

اتمنى اني افدتك يالغالي

دعواتك ..

لاتيأس قدم مره ثانية وثالثه وان شاء الله يوافقون

شوف .. المشكلة إن فيه ناس كثير يجون للسفارة وهم اصلا مايدرون وش المطلوب ووش الأوراق اللي معهم .. يعني يدخل على البركة .. وطبيعي اللي بيجي يدربي راسه بيرفضونه وبيكون مهوب واثق من نفسه .. لأن الثقة تكون على حسب المعلومات والأشياء اللي انت مرتكي عليها ..

اللي مطلوب للسفارة بكل بساطة كالتالي:
1/ الشهادة البنكية , تاخذها من البنك وتكون مترجمة إنقليزي وفيها مبلغ لا يقل عن 70 ألف .. وترا 70 ألف تكفي موب لازم تزيد ولا شي.
2/ كشف حساب 3 شهور , أهم شي ان كشف الحساب يكون لنفس الحساب اللي مطلع منه الشهادة.
3/ موعد المقابلة بالسفارة.
4/ البن نمبر.
5/إيصال السامبا.
6/السيفيز.
7/نموذج DS-160.
8/الجواز الجديد والجوازات القديمة (أو برنت بالسفرات السابقة من عند الجوازات إذا ماعندك الجوازات القديمة).
9/ الشهادة مترجمة ومصدقة ومختومة.
10/ قبول المعهد الأصل والصورة (أو الوثائق الأخرى مثل قبول الجامعة).
11/ 3 صور 5 في 5 ملونة , كاشف الراس , طبيعية 100% .
12/ ورقة كفالة ترفقها مع كشف الحساب والشهادة البنكية , يوقع عليها اللي بيكفلك (أبوك-أخوك..إلخ) ,, وتكون صيغتها كذا :









And this is for knowledge










بس خلاص ..
كمل أوراقك وجيب معك كل شي .. وحط عينك بعينها وإذا فيها خير ترفضك ..

والأسئلة بسيطة وسهلة جدا جدا جدا .. بس بيقول لك وين تبي تروح؟.. وليش إخترت الدراسة بأمريكا مو في الإمارات والا الأردن والا المريخ؟

صدقني أسألة سهلة سهلة تجاوبها وأنت مغمض ..


وبالتوفيق .. إن شاء الله تجي المرة الجاية تبشرنا إنك طلعت الفيزة ..

أبيك تدعي لي بس .,

amoor_20
ان شاء الله تقدم مرة اخرى ويقبونك

majid alharbi
تسلم على الرد الواضح المتكامل

السلام عليكم ...

أول شي
أخووي ماجد الحربي ( الله ينوور عليك دنيا وأخره ) من جد تعبت عشان ألقى أجابه واضحه مثل أجابتك
والآن عندي سؤاال محيرني .....
هل تفرق ال I-20 اللي صدرت بأختيار أنه الحكومه هي اللي راح تتكفل بالمصااريف
عن ال I-20 اللي صدرت بأختيار أنه الشخص نفسه بيطلع على حسابه
------

بصراحه أنا كل شي للفيزا جاهز وأنا مبتعثة مؤجله وضماني المالي قالو لي ما استلمه الا لما اوصل أمريكا من الملحقية السعودية بأمريكا
معناته بطلع للسفارة الأمريكيه بكشف حسااب ولي أمري .......وعلى حسابه
وال I-20 صدرت على أنها بتكوون على حساب الحكووومه
أنا متخووفه من هذا الموضووع

أفيديووني الله يرضا عليكم

مثل ماقالوا لك الاخوان الامر سهل ولا يضيق صدرك اخوي
وان شاءالله بتتيسر امورك ،، وعسى الله يكتب اللي فيه خير لك

وياليت تعلمنا وش صار معك

تحيه طيبه