مساعدة مساااعده ضروووووري لوجه الله تكفووون الله يحرم وجيهكم عن الناااار

أهلين اخوي مايحتاج الخوف ذا كله تراك رايح سفارة مو رايح حبل المشنقه !!


بقولك تجربتي وانشاء الله تستفيد

1 - خلك جدا جدا هادي وتبسم لن مافي داعي للخوف ( كنك رايح مستشفى بتخلص موعد وتطلع ) يعني شيء عادي

في الابليكشن تكتب ياطويل العمر ..

اخر الشهادات الحاصل عليها
واخر الدول التي زرتها في فترة 6 سنوات
ومن بيتكفل في مصاريفك الدراسيه
يعني اشياء عاديه

طبعا لما تروح للسفاره راح ياخذون اوراقك ويدخلونك جوا

وتاخذ رقم واذا نادوك تروح راح يسألونك .. وش راح تدرس ووين وبس وبعدها يقولون انتضر المقابله النهائيه

تنتضر مايقارب نص ساعه ..

بعدها ينادون عليك بنفس الرقم الي اخذته اول مره وتروح للشباك بتاخذ اوراقك

وتقول ارفع السماعه وتبدا الأسئله

1- سياحه ولا دراسه ( تجاوب وتقول دراسه )

2- لماذا اخترت امريكا ( لنها افضل بلد لتعلم اللغه والجامعات الامريكيه من أفضل الجامعات في العالم والشعب الامريكي شعب طيب ومتعاون )

3- سوف تدرس الماجسيتر او البكالوريس( سوف ادرس : وتقول لها وش تبي تدرس )

4- ماهو تخصصك ( تقول تخصصي كذا )

5- هل سافرت امريكا من قبل ( تجاوب بنعم او لا )

6- من سيتكفل بمصاريفك ( تقول أبوي أو اخوي وتعطيهم الشهاده البنكيه + كشف الحساب )

7- اين سافرت في الـ 6 سنوات الماضيه ( تجاوب عليه/ـا )

8- اخر الشهادات التي حصلت عليها

9- أي ولايه ستذهب ( الولايه الفلانيه )

وبس يعني هاذي اغلب الأسئله والله الموضوع مايستاهل الخوف والارتباك لنه سهل مره

انا دخلت 7 ونص وطلعت 10 الا ربع

وعلى فكره كلهم يتكلمون عربي ومره متعاونين

بس اهم شيء لاترتبك ولاتخاف وخلك مبتسم

أتمنى أني قدرت أفيدك

تحيآتي ..

اتمنى يكون الاخ افادك بما لديه
لآن ماعندي خلفيه عن هالشي

يابعد راسي والله تشكر على مداخلتك الاكثر من رائعه الله يجزاك الف خير

ولكن السؤال الاهم هل فيه سؤال في الابلكيشن اللي بعبيه عن السابقة او شي زي كذا..؟؟؟
واذا فيه وش اكتب فيه هنا المصيبه ...؟؟؟
الله يعطيك الف عافيه يالغالي

الله يجزاك الجنه يارب ولايحرمك الاجر

يكفيني مرورك ومشاركتتك تسوى عندي الف مشاركه

لا يالغالي ما اتوقع لن انا الأسئله في الابليكشن

أسمك ووين ساكن وبيتك ورقم البيت ورقم احد تعرفه وهل تعرف احد في امريكا

امممممممم وشششششش بعد

ومدرستك الثانويه وأسئله زي كذا

ماتوقع لهم دخل في الاشياء ذي أنا ماسألوني عن شيء زي كذا

والله يوفقك وكثر الدعاء وانا اخوك صدقني بتنفرج ولاتخاف مثل قلت لك الموضوع جدا جدا سهل

دعواتك تطلع فيزتي بسرعه

شوف يا خوي انت في الابليكيشن اللي تعبيه في سؤال مثل هذا بس انت تقدر تكتب لا ... انا ما ادري هم يفتشوا ورا الشخص و لا لا ؟؟؟ و على الاغلب لا ؟؟؟ الا اذا جريمته تخص الانتربول يعني دوليه !!!!

عسى الله يجعلك من كل هم فرجا ومن كل ضيق مخرجا ومن كل بلا عافيه

الله يوفقك ويستر عليك ويكتب لك اللي فيه الخير ويبعدك عن كل شر ويحقق لك مااملت وكل حاجه من حوائج الدنيا لك بها صلاح ياارحم الراحمين والمسلمين اجمعين

اول شي اقولك جزاك الله خير

ثاني شي هذا اللي مخوفني ومقلقني يعني لو كان فيه وش اكتب : ان قلت نعم اخاف ادخل نفسي في سين وجيم وكيف ووشلون واعرقل عمري واحرم نفسي واخرتها يصيرون مايسألون..

والخوف الاعظم اكتب: لااااااا... واخر شي يكونون جايبين خبر خبري بطريقة او اخرى وبعدها باكل تبن ولاادري وش مسؤليتها علي

قلق صح؟؟؟
الله لايحطكم مكاني ولايريكم مكروه وربي كاره نفسي مدري وش اسوي بعمري

و الله يا خوي اهي قلق صحيح بس اقدر اقلك انه لو عندك سابقه حتكون عند الحكومه او الشرطه هنا في السعوديه .. انا ما ادري شلون الامريكان بيوصلولها ؟؟؟؟؟ يعني لا تقلق كثير اكتب لا و هم في المقابله ما يسالون على السوابق خذها مني .. و مثل ما قالك الاخ فوق تراها هينه كنك رايح بنك ولا مستشفى ..... تدري انا اللي ملا الابليكشن لي صاحب مكتب ما سألني عن هالموضوع ما اكتشفت هالشي الا بعد ما طبع الاستماره يعني لو فيها سين وجيم كان قالي شي ؟؟ توكل على الله يا خوي و اللي فات مات .. وما اعتقد انك مسوي شي خطير ولا ما كنت معنا هنا .. لا تنسانا من الدعوات توصلي الفيزا قريب