بليز احد يساعدني تكفووووووووون
بسم الله الرحمن الرحيم
بالبدايه انا متخرج من معهد الادارة العامه وتخصصي محاسبة وناوي انشاء الله اكمل دراستي بالخارج وخاصة بامريكا
عندي عدة استفسارات اتمنى الي عندو خلفيه عنها يعاوني ويجيبني عليها لاهنتم << متوهق ترى :wacko:
بالبداية حاب اسال هل في امكانيه احد الجامعات تسويلي معادله للدبلوم الي عندي واكمل بكالوريوس في نفس التخصص ؟
وكمان اتمنى احد يساعدني بالاجراءات الابتعاث من ناحية الفيزا والسكن والقبول من الجامعه يعني اتمنى احد يشرحلي الموضوع بالكامل لاني متلخبط كثير وحاايس مع العلم اني طالع على حسابي الشخصي مو بعثه وابغى اعرف في خلال كم اقدر انضم للبعثه .. اتمنى الي يقدر يفيدني مايبخل عليا طلبتكم
رد: بليز احد يساعدني تكفووووووووون
حبيبي راح افيدك باللي اعرفه والباقي يفيدونك فيه الاخوان والاخوات
على حسابك امرها سهل
ترجم جميع شهاداتك الدراسيه والافضل حسب خبرتي انك ترفع او تقدم بشهادتك الثانويه ومجرد ماتروح هناك وتخلص اللغه وجاء وقت التخصص تقول انا معي دبلوم وابي معادله وشف كم يعادلون لك لو ماعجبك رح جامعه ثانيه وبالنسبه للشهادات تترجمها من اي مكتبه ترجمة معتمدة اذا انت في الرياض في على طريق الملك عبد الله مقابل ماما نوره واتجاهك غرب مكتبات كثير
ثاني شي تروح مكاتب الابتعاثات بالرياض كثير وعلى حسب معرفتي
اذا صرت بشارع الضباب وجاك تقاطع الضباب مع ثلاثين العليا واتجاهك جنوب اشارة ماكدونالدز والتميمي تخلي يمينك التميمي وتروح يسار مع الاشاره تحصل على اليمين واليسار فيه كذا واحد
واعتقد فيه اذا رحت مع الاشاره الثانيه يسار اللي هي بعد اشارة التميمي
ومجرد ماتروح تعطيه الشهادة البنكيه لحسابك او حساب اللي بيتكفل بدراستك اهم شي لاتنساها هذي تاخذها من البنك ولازم يكون المبلغ فوق ال100.000 وشهاداتك
وتحدد له وش نوع الدراسه بكالوريس او بس معهد لغه وتختار الولايه والمدينه والجامعه ويرسل اوراقك لهم ويجيك القبول بالكثير خلال شهر
وبعدين يحجز لك موعد بالسفاره من خلال اوراق القبول تاخذها معك للسفاره وبعض الاوراق المطلوبه
وتسوي المقابله وان شاء الله تسهل امورك ويقولون لك خلاص تمت الموافقه وراح نرسلها لك بالفيدكس من اسبوعين وعليها واحيانا اشهر واحيانا يومين على حسب وجهك ههههههه من جد ترى
وتراني مارحت لهم انا للحين بس هذا اللي عرفته على حسب خبرتي وان شاء الله انا اليوم راح ارفع اوراقي للمكتب وننتظر قبول الجامعه ان شاء الله وبالنسبه للتكلفه مدة 4 شهور تقريبا توصل 35الى 40 الف شامل كل شي دراسه وسكن ومصاريف
وبالنسبه لبعثة الحكومة انت خلص اوراقك ورح على حسابك واول ماتوصل هناك لازم تروح الملحقيه تعلمهم انك جاي تدرس وتقدم على البعثه ويعطونك رقم وخربطه مااعرفها وحسب ماسمعت يعني كم شهر ويضمونك للبعثه
اتمنى شرحي يكون واضح واي استفسار انا حاضر
رد: بليز احد يساعدني تكفووووووووون
دام تخصصك محاسبة فهو من التخصصات الادارية اللي معتمدتها الوزارة فاكيد تلاقي بكالوريوس بنفس التخصص...
بالنسبة للترجمة:.
شهادة الثانوية+سيرة وسلوك=شارع الجامعة بالملز مقر ادارة التربية والتعليم يترجمونها لك ببلااااش ...
ووثيقة تخرج المعهد+السجل الاكاديمي = من نفس معهد الادارة مجرد يطبعون لك السجل بالانجليزي واختمه من نفس الادارة عشان تبعد عن الاصل وتحتفظ فيه ولا احد يطلبك الاصل دامه مختوم...
بالنسبة لكشف الحساب...
مو شرط فوق 100000 مثل ماقال اخونا
انا 880000 وخلال 3 اسابيع طلعت الفيزا
بالنسبة لحجز الفيزا عن طريق موقع السفارة الامريكية:
دفع مبلغ 532 عن طريق بنك سامبا وبيعطونك ايصال فيه رقم راح تكتبه بالموقع وقت الحجز....
بالنسبة للسكن:
المعهد اللي راح تختاره ويرسلك I20 راسله بخصوص السكن سواً مع عائلة او سكن طلاب
بعدين يرسلون لك رقم حسابهم تروح تدفع تامين 200 دولار
والسكن من 400 دولار وانت طالع على حسب السكن
بالنسبة للمعهد اول اختار الجامعة وراسلهم واسئلهم عن المعهد المعتمد منهم
بعدين ادخل موقع وزارة التعليم العالي قسم الجامعات الموصى بها
هذا الطريقة راح تعلمك الجامعات اللي فيها تخصصك ومعتمدة من عدة هيئات ونا اشوف اختيارك الجامعة يكون من موقع الوزارة
وانا راح اجيبلك كم جامعة فيها تخصصك لكن اذا عندك ولاية محددة عطني اسمها واشوفلك الجامعات
....
هذي بداية فقط خذها حبة حبة او سجلها بنوووت عندك
رد: بليز احد يساعدني تكفووووووووون
اسم تخصصك بالانجليزي =Account
هذي جامعة طلاب الكليات التقنية +معهد الادارة يرحون لها...
وتخصصك فيها موجود حتى ماجستير لا حبيت مستقبلاً
ويعادلون لك ساعات كثيرة من ضمنها مواد اللغة العربية والشي طيب هنا
المعاهد اللي تقع تحت اشراف الجامعة = معهد els وموقوف حاليا لتكدس الطلاب و معهد PIE في بورتلاند
موقع الجامعة= ولاية ايداهو + مدينة بوكاتيلو....انا بنفس الجامعة لكن الحين بالمعهد
صورة توضح لك تخصصك بالجامعة (الجامعة حكومية )والصورة من موقع وزارة التعليم العالي .....
http://dc11.arabsh.com/i/02939/4lrrf4242b8j.jpg
[IMG]http://dc11.arabsh.com/i/02939/vyyar438qhet.jpg[/IMG]
رابط الوزارة للتاكد بنفسكـ...
نظام الجامعا الموصى بها - تنبيهات