مبتعثه جديده يآليت تفيدوني بآستفسآراتي

السلام عليكم ورحمة الله وبركآته


انا مبتعثه جديده وان شاء الله ابتعاثي لاكمال الماجستير في امريكا وعندي بعض الاستفسارات اتمنى تفيدوني فيها


اولا بالنسبه لي انا خريجة بكآلريوس نظم معلومات اداريه اللي هو MIS
ابي ماجستير وفيه تخصصين محتاره بينهم اللي هم ادارة الموارد البشريه و ادارة اعمال اللي هو MBA
وش تنصحوني فيه كـ آفضل وظيفيآ آو آكآديميآ

وش آفضل جآمعه وآقوى جآمعه ممكن تخدمني بهآلتخصص
من خلاص بحثي وجدت جآمعة في كولورآدو دنفر هل ممكن آحد يعطيني نبذه عنها يعني تنصحوني فيهآ آو لا وااذآ فيه خيآرآات اخرى يآليت تخبروني فيها
طبعآ مآ آستغني عنكم آبي اقتراحاتكم من حيث الامان السكن الجامعه معهد اللغه الامور الماديه والترفيهيه بعد

عطوني آفضل ولاية ممكن تجمع هالاشياء



ثآنيآ .. بآلنسبه لاخوي هو طالع معي كـ محرم ــ معه ثانوية علمي وابيه يدرس معي هل له حق يدرس لغه على حسآب آلدوله وبعدين يلتحق باي جامعه ويكمل بكآلريوس ؟؟


واخيرآ ادري طولتهآ لكن انا بعثتي تابعه للجامعه وهي من ضمن برنامج الملك عبدالله لكن هذي مقاعد خصصت لمتفوقي جامعتنا فـ اموري انا بخلصها بنفسي من ناحية القبول وووآلخ

فـ يآليت آحد يعلمني وش الاشياء اللي آنآ لازم آسويها حتى تخلص اموري واروح آدرس لآني من جد مآعرف ولا شئ ولا لي خبره بهالامور فـ يآليت تسآعدوني وجزآكم آلله كل خير


(F)

من وجهة نظري ادارة اعمال افضل
Business Administration
لانه يجمع بين الادارات والحاسب ومكانة التخصص بالعمل...:)

افضل جامعتين في COLORADO
COLORADO STATE UNIVERSITY

UNIVERSITY OF DENVER

انا عطيتك الجامعات في الولاية اللي كاتبتها بخصوص افضل ولاية ماراح افتيك بشيء شوفي اول الولاية ثم التخصص اللي راح تعتمدينه وراسليني ع الخاص ارسلك الجامعات بالولاية المطلوبة...
متابع لأخر قطررررة:p

ثآنيآ .. بآلنسبه لاخوي هو طالع معي كـ محرم ــ معه ثانوية علمي وابيه يدرس معي هل له حق يدرس لغه على حسآب آلدوله وبعدين يلتحق باي جامعه ويكمل بكآلريوس ؟؟
اذا انتي ابتعاثك على حساب الوزارة اكيد بيدرس ماعندك مشكلة لان الوزارة تتكفل ايضاَ بالمرافق وتصرفله مكافئة ... بخصوص الجامعة يختبرالتوفل وان شاء الله وضعه في السليم
لان اغلب الجامعات شرطها توفل ومعهد معتمد يعني اذا درس لغة يروح لمعهد تابع لجامعة...


واخيرآ ادري طولتهآ لكن انا بعثتي تابعه للجامعه وهي من ضمن برنامج الملك عبدالله لكن هذي مقاعد خصصت لمتفوقي جامعتنا فـ اموري انا بخلصها بنفسي من ناحية القبول وووآلخ

فـ يآليت آحد يعلمني وش الاشياء اللي آنآ لازم آسويها حتى تخلص اموري واروح آدرس لآني من جد مآعرف ولا شئ ولا لي خبره بهالامور فـ يآليت تسآعدوني وجزآكم آلله كل خير

اولاً شوفي اللي عليك تسوينه من الجامعة اكيد بيعطونك معلومات طيبة وتفيدك بعدين اطرحي الخطوات ونعلمكـ..
بعطيك خطوة مبدئية...
بس بعرف اول تبين تجيبين القبول بنفسك اوعن طريق مكتب...هذي نقطة مهمة...
لاصار عندك i20 + قبول الجامعة الباقي سهل لان اصعب مرحلة بتمرك اختيار الجامعة
لكن اذا ركزتي شوي وحددتي خياراتك بيكون الباقي سهل عليك ..

متابع~

الله يجزاك خير

طيب انا ابي افضل معهد في دنفر وبالنسبه للقبول اللحين انا مقرره ابدا في وينتر اول شهر من 2012 متى لازم ابدا اخلص اجراءاتي؟

بالتوفيق عزيزتي

انا خريجة نفس التخصص MIS ولكن الماستر حابته بنفس التخصص او تخصص التجاره الالكترونية

وفعلا مثل ماقال الاخ محمد مرحلة اختيار الجامعه هي الاصعب

بالتوفيق لنا ولكم