مساعدة درجة 100 بالتوفل ibt واموري لاتسر لاعدو ولا صديق

بدينا بالفزعات العميانية اللي على الباطل
اصلا انا من يوم اشوف واحد يقول " الكل اجمع ان ..... " اعرف ان عقليته كيف الحال
الحين الرجال يقول لقراء موضوعه " يا مال الفقر "
ثم يتريق عليهم بقوله " ابرك من غيرك الي يدخل وعجزان لايكتب حرف خايف على الحبر لايخلص!! "
و في الاخير تفزع له على باطل

السلام عليكم

يا خوي ترا ارسال درجة التوفل حكاية سهلة جدا زي ما شرحت لك الاخت فوق
المهم تختار الجامعات اللي تبيها وما دام درجتك 100 ما شاء الله أتوقع ما راح يكون عندك مشكلة في التعامل مع مواقع الجامعات ومعرفة طريقة التقديم
وعلى فكرة في جامعات ما عندهم ديدلاين يعني تقدر تقدم في أي وقت المهم الحق عمرك

وعلى فكرة نسيت أقول لك اني أنا قدمت بنفسي على الجامعة اللي أبقاها وجبت درجة التوفل وكل شي
بس لحد الأن ما ردوا علي مع ان الديدلاين كان قبل شهرين
واوراقي عندهم من خمس شهور الله يعين بس

شكرا اختي الحلم على نصيحتك انشالله سهلات بدت الامور تتوضح والقبول قريب انشالله بخصوص قبولك الي تستنينه انصحك تراسلهم اوتكلمهم وتستفسرين بنفسك لانه خمس شهور كثير مرة بالنسبة لقبول هذا واوراقك كاملة بعد لاكن نصيحة قدمي على جامعات ثانية لاتعتمدين على جامعة وحدة مادام الوقت يمدي احتياط ماتدرين وخصوصا انه مازال هناك جامعات كثيرة تستقبل الطلبات وربي يوفقك ويسهل امرك ويوصلك قبولك ويوصلني قبولي.

واخيرا قرب القبول انشاءلله

أخوي ممكن تقولي تجربتك
وايش الجامعة اللي قدمت فيها ومين ساعدك ..
ووين الجامعات اللي تستقبل الطلبات لسا
أنا كرهت مواقع الجامعات وتعبت وأنا أدور
وبعض مواقع الجامعات تدوخك سبع دوخات لين تلقى المعلومات اللي تبقاها

والله يا اختي انا مثلك بالبداية دخت السبع دوخات من موقع الجامعة موراضي يزبط معي فقلت مالي الا عيال عمي هناك يزبطوني طبعا ماشاء الله عيال عمي واجد هناك الي في تاكسس والي في اريزونا والي كاليفورنيا وكنتاكي وبعضهم بولايات ماعرفها الا الولاية الي ابيها ماحصلت فيها احد الي هي كولورادو وطبعا الجامعة كولورادو دنفر بما اني راح ادرس ادارة اعمال تخصص موارد بشرية فخترت هالجامعة لان التخصص فيها قوي على حسب ماجمعت من معلومات واقرب ولاية لولايتي فيها احد من اعيال عمي كاليفورنيا فزرقت واحد منهم وارسلتله اوراقي وقالي (سيب لي نفسك وازباطك)خخخخ اسبوع اسبوعين والقبول عندي انشالله وهذه القصة ومافيها والحمدالله ربي سخرلي واحد منهم
ام بالنسبة للجامعات المتاحة تلقين كثير ادخلي موقع اي جامعة تبينها وادخلي على الديدلاين يبينلك متى يبدأ وينتهي التسجيل بكل الفصول بالنسبة لجامعتي متاحة ل22 سبعة على ما اعتقد وبالتوفيق.

ياخي أنت مصّعبها وهي سهلة
إذا كنت تبي قبول بكالوريوس فأمرك سهل جدا لان التوفل ممتاز
أما إذا ماستر فتعتمد على معدلك والتوفل ماله أي دخل اللهم انك عديت الريكوايرد سكور.
وبالنسبة لارسال نتيجة التوفل.. بعض الجامعات عندها اكسس على الديتابيز حقت اي تي اس. يعني الدرجة توصلهم دايركت أول ما ترسل الطلب
وإذا ماعندهم أكسس فهي توصل لهم في اسبوع..
طبعاً أنا أكلمك عن تجربة لأني قدمت على 7835346 جامعة وعارف أنضمتهم كلها.. بعض المرت أرسل لهم صور من الترانسكربت وصورة من درجة التوفل وأقول لهم إذا جاني القبول المبدئي (تيناتف اكسيبتنس) أرسلت لكم الاصول
لاني طفّرت من كثر ما ارسل توفل وجي ار اي لكل جامعة.. بعض المرات يرفضون وأكثر الجامعات تقبل,, يعني الأمور سهلة
ولو ما أمدات على فول 2011 قدم على وينتر أو سبرنق
بالتوفيق

جزاك الله خير اخوي ماقصرت افدتني بشكل ماتصوره صراحة انا بكالوريوس والله على بالي انها تاخذ شهر واسبوعين لاني يوم ارسلتها جتني رسالة على الايميل انها راح توصلهم خلال 4 اسابيع الى ستة اسابيع بس يمكن لان الجامعة عندهم هناك زي ماقلت توصل خلال اسبوع ربي يسهل انشالله وبيض الله وجهك.

اخوي الله يوفقك لاكن اقرا بالمنتدى وخاصة الردود والاسئلة وبتلقى الجواب اللي تبيه