الله يجزاكم الخير انكم تساعدوني باللي تقدرون عليه..انا طالبكم

السلام عليكم..

انا عندي استفسار ومالي الا الله ثم انتم تجاوبون عليه..انا جيت امريكا بشهر اكتوبر الماضي وكان المفروض اني اجلس 3 شهور في معهد انجليزي واحول بعد كذا للجامعة اللي ربي ييسرها لي..المهم اني جلست شهر وتوفى الشايب الله يرحمه ان شالله باليوم ال 30 بالضبط واضطريت اني ارجع لأني ثاني اكبر اخواني وجلست الين ما زينت اموري مع الوالدة واخواني حتى ارجع مرة ثانية لانه مافي معيل بعد الله الا الراتب التقاعدي حق الوالد واخوي الكبير الله يجزاه الخير هو متكفل بدراستي..بس انا قلت لازم اشتغلي كم شهر حتى ارجع ومعي شوية دراهم..وأتفجأ بأحد الاخوان يقلي تراك يا بو الشباب لك اكثر من 5 شهور اليوم خارج امريكا والفيزا حقتك اتكنسلت..قلتله الله يبشرك بالخير الطيب!!

ابغى منكم الله يجزاكم خير تفيدوني هل فعلا اتكنسلت الفيزا او في مجال باقي ارجع رغم انه الفيزا مثل ما تعرفون انها 5 سنوات ومتعددة السفرات او في طريقة اذا فعلا اتكنسلت اني اجددها رغم اني معي اي توني مجدد لغاية شهر 7 الجاي 2011..الله يسعد قلوبكم انكم تفيدوني والله اني متلخبط وتعبت الين ما طلبت من اخوي كشف حساب بنكي وانا من النوع اللي ما يحب يطلب ويعرف ايش مع اخوه..ارجوكم اللي عنده فكرة لا يبخل علي لاني والله اني محتاج اعرف..وشكرا

الله يعينك ان شاءالله الاخوان يفيدونك

الله يجزاكي خير يا اختي

اول شي عظم الله اجرك بالشايب الله يرحمه ويغفرله
انا مثلك يالغالي طلعت الفيزا وخمس سنوات قبل خمس شهور تقريبا ولايومك ماسفرت استنى قبول الجامعة بس متى يجي وتوكل على الله وفيه واحد يقربلي طلعها قبل 6 شهور وكان يستنى القبول ويوم جاه حجز وكلها سبوعين ويسافر ودقو عليه القنصلية وقالو الفيزا بح طلع من جديد ودق علي وبلغني وقفلت اخلاقي وادق عليهم واستفسر قالولي كم لك قلت خمس شهور قالو متى بتسافر قلت لاجى قبول الجامعة توكلت يعني شهر شهرين قالو قدم من جديد قلت كيف قالو كأنك مطلع فيزا اول مرة من جد وجديد وسألتهم عن الاي توني عادي نفسه ولا اغير قالو كيفك تبي تغير نفس القبول على راحتك بس قدم من جديد والي قهرني صج انهم ماوضحو هالشي بلائحة القوانين قريتها قبل ولاحصلت مثل هالشي لو ادري كان ماقدمت لين يجي القبول بس الشكوى لله يبون يزطون فلوسنا جعلهم مايتهنون فيها وهذاني استنى بس متى يجي القبول وقدم عليهم لاباركت فيهم وربي يسهلها عليك وعلينا انشالله هونها وتهون واتمنى اني افدتك.

الله يجزاك خير ياخوي اللهم امين الله يرحمه ويغمد روحه الجنة..ومن اسمك تفائلت والله وانا اخوك..ياخوي يعني ايش السواة الحين؟ ايش تشور علي وانا خوك ارجع اقدم على نفس الاي توني والا اجيب اي توني جديد؟

اخوي متفائل..واحد عنده مكتب خدمات قنصلية للسفارة الامريكية قلي يا رجال ما عليك منهم احجز وسافر وان شالله انه مافي احد برجعك..ما ادري قد سمعت احد سواها قبل؟

تكفى يا اخوان يا اهل الخبرة

اشكر كل الاخوة اللي دخلوا لموضوعي وانا مأكد انه لو واحد منهم عنده اجابة ما كان بخل علي فيها لاني والله اني حايس ما ادري ايش اعمل ومنتظر احد يكون عنده اجابة شافية

والله ياخوك خلنا بالسليم اضمن لاتعتمد على احد الا وهو متأكد 100% وانا كلمتهم وردت علي الموظفة قالت قدم من جديد مع انهم ماكلموني الى الان بس كلمو ولدعمي وهو مطلعها قبلي بشهر وشوي يعني اتوقع منهم مكالمة قريب بأي وقت وبخصوص الاي توني اذا انت مرتاح بمعهدك ماتبي تغيره خليك عليه واذا لا طلعلك اي توني ثاني بس على كلامك انه عندك واحد جاهز انا لو اني محلك ياطويل العمر خذيت جوازي والاي توني ورحتلهم واستفسرت منهم بنفسي ولا اقل شي كلمهم تليفون واستفسر يمكن يعطونك راي ثاني ماتدري حاول وربي يفرجها انشالله ومابعد الضيق الا الفرج وماتدري يمكن خيرة.

وانا اخوك عندي ملاحظة بس عندك بالبيانات الشخصية مسجل الجنس انثى لاحظته من قبل بس نسيت لاقولك مالومك والله من كثر التفكير والقلق الواحد ينحاس ماعاد يفرق.