الحلم بالابتعاث ضاع ؟؟ هل من منقذ ؟؟

السلام عليكم ورحمة الله وبركاته

الى أخواني من لديه الخبرة الكافيه ..

انا قررت اني اروح ادرس على حسابي الخاص ولكن بعد ماذهبت الى احد المكاتب الدراسية بالرياض قال لي ان ابتعاثك مستحيل !

قلت له كيف ؟ قال انني متخرج قبل 9 سنوات ولا راح يقبلونك !! حتى وان كنت موظف من بعد الثانوي الى حد الأن مايفيد الشي هذا

قلت طيب والحل قال نراسل لك جامعه تقبل الخريجين القدامى ويمكن وليس اكيد انهم يقبلونك .

ساعدوني هل يوجد جامعات هناك معتمدة وتقبل الخريجين القدامى مع العلم بطلع على حسابي ؟ ولا خلاص الحلم ضاع ؟؟

اذا احد يعرف الجامعات ياليت يذكرها وش الجامعة وبأي ولايه ومدينتها .........!!

انا عن نفسي اتذكر واحد له 7 سنين متخرج من الثانويه وانقبل في جامعه امريكيه بقبول مشروط .. يعني ما كانت مشكله السبع سنين

لكن 9 سنين ما ادري بصراحه لكن اعتقد نفس الشي ..

بعدين ما يصير تقول الحلم ضاع من اولها ..

فيه جامعات كثيره هنا وقوانينها مختلفه وانت ابحث وراها والله يفرجها عليك ويحقق اللي تبيه

اقتباس:

---

المشاركة الأصلية كتبت بواسطة one H

انا عن نفسي اتذكر واحد له 7 سنين متخرج من الثانويه وانقبل في جامعه امريكيه بقبول مشروط .. يعني ما كانت مشكله السبع سنين

لكن 9 سنين ما ادري بصراحه لكن اعتقد نفس الشي ..

بعدين ما يصير تقول الحلم ضاع من اولها ..

فيه جامعات كثيره هنا وقوانينها مختلفه وانت ابحث وراها والله يفرجها عليك ويحقق اللي تبيه

---

شكرا على مرورك ون اتش ..

لكن انا قالي واحد من الشباب ان القبول للخريجين القدامى كان ايام زمان قبل اكثر من 4 سنوات والحين تغير الوضع وبصراحة مدري احس ان الامور ماراح تزبط !! لكن الله كريم وربي يفرجها علي

وياليت اللي عنده خلفية بالجامعات الحالية اللي تقبل القدامى يقولنا وش هالجامعات ؟؟

مرحبا
نصيحه وحده لك اكثر من الاستغفار وقول ( لا إله إلا أنت سبحانك إني كنت من الظالمين ). فضل هذا الدعاء جاني التعين الرسمي واوارق الابتعاث مشيت معي وموافقه اهلي بعد 4 سنوات من الرفض جازم كلهم بنفس الوقت . ان شاء الله يحلها الله لك من اوسع ابوابه ومافي شئ عسير علي الله .
الله يوافقك

كندا يقبلونك لو عمرك 70 مايهمهم وش كنت تسوي بعد الثانويه او كم عمرك


انت بس توكل على الله ثم ارضي والديك وان شاء الله كل شي يتيسر

بعدين اسال وخذ المعلومات اكثر ولا تتحطم واللي كاتبه ربك بيصير

وتر للمعلوميه الجامعات تشوف انك سعودي تستانس ...لانك تدفع اللي غيرك مايدفعه
وبعدين اذا كانت المشكله جامعه معتمده ادخل اول شيء اي جامعه مو لازم معتمده وبعدها بترم صلح تحويل للجامعه المعتمده وينتهي موضوعك بس اسال عن الحركه هذي هل تمشي ولا لا
انا اعطيك فكره بس بدون خبره بالموضوع

والله يوفقك يارب دنيا واخره

اخوي خل ايمانك بالله قوي لاتقطع الرجاء ابدا
بالنسبة لموضوعك انا شخصيا فيه ناس اعرفهم بس موذيك المعرفة مبتعثين ويدرسون حاليا في امريكا بعدة جامعات متخرجين الي له اكثر من عشر سنين والي تسع سنين الدعوة مالها علاقة بسنة التخرج انت متى ماجبت درجة حلوة بالتوفل او الايلتس بأذن الله راح يجيك القبول ومع احترامي لك صراحة رفعت ضغطي ماقدمت الاعلى جامعة وحدة بس وبعدين ليش التشاؤم كأنك جازم انه مافي امل وليش؟ عشان واحد قاعد بكتمبه قالك بضع كلمات كسرت مجاديفك لاتخلي كم كلمة تحبطك حاول وقدم على كذا جامعة انت بنفسك وهم الي يقررون مو صاحب المكتب الي يحدد مستقبلك انت صاحب الشان انت ارسم مستقبلك بيدينك لاتخلي كم كلمة تهدم مستقبلك وحاول لاتيأس (ولاتقنطو من رحمة الله) وخلك متفائل وصدقني راح تفرج انشالله وحتى لاسمح الله مافرجت مع اني استبعد ذلك الا على اقل تقدير انك حاولت وراح تكون راضي عن نفسك لأنك حاولت بس ربي ماكتب اكثر من انك معلق نفسك الان مع كم كلمة طلعت جزافا من واحد مو متأكد.
عالعموم تفضل هالرابط يمكن يمكن يفيدك شروط القبول في جامعات امريكا - مـنـتـدى الـعـرب الـمـسافـرون
وبالتوفيق.

ياااارجـــل :bop: ..^^

دامك طالع على حسابك كللل شي ايييزي
ومسموووح
وين اكثر من 9 ماريظو ؟
ابو صاحبتي ابتعث وهوا بالاربعين يعني شهادته اكلها الدوود
طبعآ هالكلام قبل تقريبآ 4 سنوات:mail2:

انتا بس شوف لك جامعه تقبلك وكاان الله غفورآ رحيمآ ..=)

موفــــــــق :hippi: ..^^

هذا مكتب ما عنده ما عند جدتي

مثلي رحت لمستقبلي قلت ابي قبول مختبرات قالي مختبرات صعب جدا نوفره ومستحيل ادخل طب احسن قلت له بتدرسني على كيفك انت ..

المهم رحت مكتب لا يحضرني اسمه في سوق الاندلس المكتب هذا عندهم انفصام في الشخصيه في المكتب في موظفين سالت الاول تجبون قبول مختبرات طبية قالي لا سالت اللي جمبه قالي نجيب ويطلع لك ذيك الجامعه كلهم عبيد واثنين بيض قلت له وين بتوديني انت المهم قالي الجامعه تتعزر من قبول ..

وحسيت ان قبول المختبرات الطبية كانها من سابع المستحيلات

لين ربي رزقني بمكتب ونعم المكتب جاب قبولي في 9 ايام فقط وخذا من 1375 ريال فقط والجامعه اللي انا اخترتها وخدمتهم جدا راقيه سويت عندهم قبول لود خالتي وفيزا سياحيه لكل اهلي تفضل موقعهم >> www.iAdmission.us

مع العلم ان في واحد بروح يدرس لغه و اداره اكترونيه عمره 31 ومتخرج له 10 سنوات قالي ومعاه قبول من نفس جامعتي , المكتب اللي انت رحت له ما عندهم سالفه

الله يوفقك يارب

اقتباس:

---

المشاركة الأصلية كتبت بواسطة بسه صغنونه

مرحبا
نصيحه وحده لك اكثر من الاستغفار وقول ( لا إله إلا أنت سبحانك إني كنت من الظالمين ). فضل هذا الدعاء جاني التعين الرسمي واوارق الابتعاث مشيت معي وموافقه اهلي بعد 4 سنوات من الرفض جازم كلهم بنفس الوقت . ان شاء الله يحلها الله لك من اوسع ابوابه ومافي شئ عسير علي الله .
الله يوافقك

---

بسه صغنونه شكرا على مرورك اختي وربي كلامك يثلج الصدر وربي يسمع منك والله يوفقك ويوفقني الى محبته ورضاه

اقتباس:

---

المشاركة الأصلية كتبت بواسطة ابو دالين

كندا يقبلونك لو عمرك 70 مايهمهم وش كنت تسوي بعد الثانويه او كم عمرك


انت بس توكل على الله ثم ارضي والديك وان شاء الله كل شي يتيسر

---

ابو دالين شكرا اخي على مرورك الجميل وكلام وربي يرفع من معنوايتي وبشوف لكندا وربي يسهلها علي وعليك وعلى المسلمين اجمع

وانا والله ابي اوكل امري الى الله ورضا والدتي اهم شي عندي بالدنيا قبل الابتعاث وبعده وربي يرحم والدي ويسكنه فسيح جناته.

اقتباس:

---

المشاركة الأصلية كتبت بواسطة سلمان محمد

بعدين اسال وخذ المعلومات اكثر ولا تتحطم واللي كاتبه ربك بيصير

وتر للمعلوميه الجامعات تشوف انك سعودي تستانس ...لانك تدفع اللي غيرك مايدفعه
وبعدين اذا كانت المشكله جامعه معتمده ادخل اول شيء اي جامعه مو لازم معتمده وبعدها بترم صلح تحويل للجامعه المعتمده وينتهي موضوعك بس اسال عن الحركه هذي هل تمشي ولا لا
انا اعطيك فكره بس بدون خبره بالموضوع

والله يوفقك يارب دنيا واخره

---

سلمان شكرا اخي على التعقيب ولكن هالدهاليز بصراحة أخاف منها ولا ابغى اتهور واطلع وبالاخير اطلع صفر اليدين

ولكن بسأل عن هالشي اذا الامور تمشي تمام اوكي.

اقتباس:

---

المشاركة الأصلية كتبت بواسطة دائما متفائل

اخوي خل ايمانك بالله قوي لاتقطع الرجاء ابدا
بالنسبة لموضوعك انا شخصيا فيه ناس اعرفهم بس موذيك المعرفة مبتعثين ويدرسون حاليا في امريكا بعدة جامعات متخرجين الي له اكثر من عشر سنين والي تسع سنين الدعوة مالها علاقة بسنة التخرج انت متى ماجبت درجة حلوة بالتوفل او الايلتس بأذن الله راح يجيك القبول ومع احترامي لك صراحة رفعت ضغطي ماقدمت الاعلى جامعة وحدة بس وبعدين ليش التشاؤم كأنك جازم انه مافي امل وليش؟ عشان واحد قاعد بكتمبه قالك بضع كلمات كسرت مجاديفك لاتخلي كم كلمة تحبطك حاول وقدم على كذا جامعة انت بنفسك وهم الي يقررون مو صاحب المكتب الي يحدد مستقبلك انت صاحب الشان انت ارسم مستقبلك بيدينك لاتخلي كم كلمة تهدم مستقبلك وحاول لاتيأس (ولاتقنطو من رحمة الله) وخلك متفائل وصدقني راح تفرج انشالله وحتى لاسمح الله مافرجت مع اني استبعد ذلك الا على اقل تقدير انك حاولت وراح تكون راضي عن نفسك لأنك حاولت بس ربي ماكتب اكثر من انك معلق نفسك الان مع كم كلمة طلعت جزافا من واحد مو متأكد.
عالعموم تفضل هالرابط يمكن يمكن يفيدك شروط القبول في جامعات امريكا - مـنـتـدى الـعـرب الـمـسافـرون
وبالتوفيق.

---

دائما متفائل شكرا لمرورك اخي والله يبعث التفائل عليك وعلي دائما ولكن انا متخرج من الثانوي قبل 9 سنين ودرست 2 ونص

بالجامعة وتركتها لضروف قاسية وتوظفت والحين افكر اني ادرس بكاليورس ولكن المشكلة اني ابي قبول ابي اطلع على حسابي

اقل شي سنه انجليزي علشان اقدر اضم نفسي للبعثة وبيني وبينك واحد قال لي جب قبول من جامعة وانا بدبر لك امر اركاب والله

يسهل علي اهم شي ابي قبول جامعة اما التوفل كيف اختبر التوفل واانا مااعرف شي بالانجليزي لازم اطلع ادرس اعداد هناك

وماعندي مشكلة اختبر توفل ، بس ماادري هل اقدر آخذ قبول مشروط من هناك او لا ؟؟ هنا مااعرف شي وربك يعين.

اقتباس:

---

المشاركة الأصلية كتبت بواسطة Ra7o0omy

ياااارجـــل :bop: ..^^

دامك طالع على حسابك كللل شي ايييزي
ومسموووح
وين اكثر من 9 ماريظو ؟
ابو صاحبتي ابتعث وهوا بالاربعين يعني شهادته اكلها الدوود
طبعآ هالكلام قبل تقريبآ 4 سنوات:mail2:

انتا بس شوف لك جامعه تقبلك وكاان الله غفورآ رحيمآ ..=)

موفــــــــق :hippi: ..^^

---

رحومي كل الشكر على المرور انا بالعكس ماعندي عائق مالي ابدا انا جبت لها ضمان بمبلغ ضخم ابي اغري الجامعة

بس المشكلة انو انا صار لي على التخرج من الثانوي 9 سنوات وهذي قالوا يمكن مايجيك قبول وربي يسهل علي وعلى

الجميع ،، انا اليوم طالع لمكتب ثاني ابي اشوف يمكن احصل عندهم حلول ثانيه مثل مااقال متفائل بعضهم بس يعطيك

كلمتين ويلعب براسك وتتحطم ،،،


دعواتكم اخواني لي بالتوفيق وربي يسهلها علي ان شاء الله وعلى الجميع