ابي مساعده الله لا يهينكم
السلام عليكم ورحمه الله وبركااته
اعلومكم واخباركم اخواني واخواتي المبتعثين
وكيف اموركم في امريكا انشا الله مبسوطين الله يعينكم على رمضاان في امريكا ويوفقكم في دروسكم.
المهم يا اخواني قد طرحت الموضوع هذا اكثر من مره بس زيادت الخير خيرين
انا واحد ابي انقل من الديره الي انا فيها ومن المعهد حقها الي يخبر لي معهد زين في ديره زينه واهلها فرندلي ما عندهم عنصريه
سواء المعهد els او معهد يكون فيه السمستر شهرين ما يكون طويل بس تكون الدراسه فيه زينه يخبرني الله لا يهينه ويوفقه
ترى لي شهرين ادور واحوس ولا حصلت شي ولا عاد معي الا الله ثم انتم
ولكم خالص الشكر
رد: ابي مساعده الله لا يهينكم
هلابك اخوي ...
انا المعهد اللي فيه ممتاز ورووعه بالنسبه لي(قلت لك بالنسبه لي) وطريقه التدريس عاجبتني والشعب اللي فيها فرندلي ع كيفك
دوام المعهد من 9 الى 4ونص
9-10 قرمر
10-12 قراءه وكتابه
2ونص-4ونص سماع وكلام
بس تراه كرف فيه شغل والسمستر حقه 3 شهور 3 اسابيع
والترم الصيف مايحسبونه مستوى ....والمدينه مو صغيره بس مافيها اماكن تمشيه واجد ....والمعهد تبع جامعه
هذي المعلومات اللي عندي
واسمع المعهد minnesote English Language program
وفيه نقطه مهمه نسبه الحضور لازم تكون 90 بالميه
يعني الحد الاقصى للغياب 10 بالميه
تغيب اكثر ماتعدي المستوى الا براي المدرسين
واتمنى اني قدرت اساعدك
وسامحنا على القصور
رد: ابي مساعده الله لا يهينكم
بيض الله وجهك وفيت وكيفت يا الغالي بس كم لفل في المعهد
رد: ابي مساعده الله لا يهينكم
4 لفلات ..بس بالسنه تخلص 2
السبرنق _الصيف مو محسوب_الفول
وفيه اختبار التوفل حق الجامعه بعد نهايه كل ترم تقدر تسوي قفز للمستوى لللي بعد القادم
يعني من 1 الى 3 بس فيه درجات معينه لازم تجيبها علشان تقمز
واذا انت بكالوريوس تجيب 550 من 670
تدخل الجامعه وتاخذ كلاس واحد انجليزي
ويمكن يستاهلون لو تجيب 520 تقدر تاخذ ماده وحده بالجامعه مثل الرياضيات
رد: ابي مساعده الله لا يهينكم
امممممممممم :hippi: ,,^^ بالنسبه للمعهد اللي بروحه احسه مره كووول:plane: هوا تبع جامعة Southern Methodist University - SMU فيه 9 مستويات لكل مستوى شهرين الدراسه فيه شهرين دراسه شهر اجازه ,,^^ ووومايحتاج توفل ادا بتروح الجامعه اللي تبعه ,, .. ماقدر افيدك اكثر من كده لاني لسى مارحت =( بس انتا بتكساس اسأل عنه وشوف:mail2: ,,!! ومن رأيي تروح معهد تبع جامعه احسن :bop: علشان القبول يكون فيه اسررع ..^^ موفــــــــــــق..^^
رد: ابي مساعده الله لا يهينكم
يعطيكم العافيه وربي ما قصرتوا الله يوفقكم في الدنيا والاخره انا بشوف هذي المعاهد الي عطيتوني لبى قلوبكم
رد: ابي مساعده الله لا يهينكم
مدامك للحين ماسويت شيء
شف المعاهد هذي واضف الى ذلك شف لك جامعه تقول لك ادخل المعهد حقي وخلصه وتدخل الجامعه بدون توفل ولا بطيخ ...ولا وجع راس..وتركز على المعهد وترتاح نفسيا
رد: ابي مساعده الله لا يهينكم
طيب اخ سلمان فيه جامعات بولايتك تعطي قبول مشروط لان الملحقيه ما راح تنقلني الا اذا معاي قبول معهد وقبول جامعه مشروط
رد: ابي مساعده الله لا يهينكم
شوف يالغالي انا مالي خبره بالجامعات اللي تعطي قبول مشروط واجد بس فيه جامعه اسمها st thomas تعطيك قبول بس ترا المعهد اللي عندها els وكله سعودين ومقفل حاليا
بس خذ منهم قبول يعطونك مو معقدين
رد: ابي مساعده الله لا يهينكم
اخ سلمان الله يوفقك قول امين وربي انك ما قصرت وبيض الله وجهك اشهد انك كفيت ووفيت