الأعضاء الإشتراك و التسجيل

الملتقيات
ADs

مساعدة المساعده ياجماعه والي يرحم والديكم

مساعدة المساعده ياجماعه والي يرحم والديكم


NOTICE

تنبيه: هذا الموضوع قديم. تم طرحه قبل 2439 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Mo0Mo0
    Mo0Mo0

    مبتعث مستجد Freshman Member

    Mo0Mo0 السعودية

    Mo0Mo0 , ذكر. مبتعث مستجد Freshman Member. من السعودية , مبتعث فى السعودية , تخصصى هندسه , بجامعة سان جوزيف
    • سان جوزيف
    • هندسه
    • ذكر
    • بن سلفينيا, فلاديفيا
    • السعودية
    • Oct 2009
    المزيدl

    May 19th, 2011, 03:12 AM

    السلام عليكم ورحمه الله وبركاته..

    كيف الحاّل ياغالين ... عندي سؤال وابي أجابته لا هنتم

    أنا الحين ع وشك انتهى مدة اللغه الي هي سنه و6 شهور وانا لسى ما جبت قبول جامعه تقريبا باقي لي 4 شهور هل بعد هالمده راح يعطوني مده معينه لي الحصول ع قبول جامعه وكم هي المده من بعد السنه و6 شهور لاهنتم ياغالين
    لانه سمعت من ناس يقولو 6 شهور يحطوك هولد بعد السنه و6 شهورلين تجيب قبول جامعي يرجعوك في البعثه بعد هالمده وماجبت قبول راح يفصلوك نهائيا من البعثه؟؟ وابي الاجابه الاكيده منكم ياغالين والي عنده خلفيه لا يبخل علينا
  2. شوف انا اللي سمعته اني فيه احتمال يعطونك سته شهور ثانيه للغه <<بس يبيلك لسان حلو عسل علشان يوافقون ولا هي سهله للحصول عليها

    اللي اعرفه انك ترجع للسعوديه الين تجيب قبول جامعه وترجع بس ما اتوقع لها وقت معين ...وبعدين القبووول مو صعب فيه مكاتب تجيب لك القبوول

    الله يوفقك يارب ويسهل امرك
    7 "
  3. يالغالي اطمنك لا فصل ولاهم يحزنون اصلا زين عطوك 6شهور زيادة على السنة انا ماعطوني على طول علقوني ووقفو الصرف علي مباشرة لين اجيب قبول جامعة او احقق شرط اللغة الي هو الايلتس او التوفل بعدها يمددولي رجعت السعودية واختبرت الزبدة قعدت 7 شهور وبعدها جبت درجة التوفل وقلت لهم يالله مددولي باقيلي 6 شهور توقع شنو ردو!!!
    قالولي توكل على الله ادخل الجامعة والجامعة باقي عليها اكثر من 6 شهور قلت ابي الفترة الي من حقي بدرس لين تبدأ الجامعة قالو انت خلاص حققت الدرجة ماتحتاج تمديد طيب ليه مامدتولي اول يوم ابي امدد ليه شرطتوا اني اجيب درجة الايلتس او التوفل قامو يماطلون فيني وراح الوقت وحوستي حوسة قلت مالي الا احول امريكا وفتك وانشالله بس يجيني القبول من امريكا راح ابدأ اجراءات التحويل يعني انا الان لي فترة سنة و شهرين بالظبط معلق طبعا انا مبتعث بريطانيا يارجال احمد ربك عطوك فترة 6 شهور بس من ناحية فصل انسى ماراح يفصلونك راح يعلقونك لين تجيب قبول جامعة بس نصيحة قدم من الحين على الجامعات عشان ماتعطيهم فرصة يعورون راسك تالي والي قالك لك فترة 6 شهور فرصة بعدين يفصلونك يكذب عليك اسأل مجرب لي اكثر من سنة الحين معلق وانت حاول تجيب قبول بالفترة الي باقيلك وفك عمرك من وجع الراس وبالتوفيق انشالله.
    7 "
  4. يعطيك العافيه يا سلمان محمد بس انا عندي سوال واحد وانشاء الله القى جوابه عندك انا خلصت سنه وست شهور ورجعت السعوديه اختبر ايلتس واجيب قبول جامعه هل مموح بها بعد السنه والست شهور من الملحيقه كيب في مده معينه ولا لا ويعطيك الف عافيه ياغالي
    7 "
  5. حبيبي دائم متفائل عسى الله يفرج همك مثل ما ريحتني يااارب بس ياغالي يوم انك تقوول ابحث من الحين ع قبول جامعه انا لسى ما اختبرت ايلتس فاقلت انزل السعوديه اختبر واجيب قبول جامعه وما راح يقولو شي الملحقيه صح
    7 "
  6. مدامك للحين ماجبت الدرجه المطلوبه او ما اختبرت ...اطلب منهم تمديد 6 شهور <<الله يعينك عليهم بينشفون ريقك

    اللي اعرفه ..انهم بعد سنه وسته شهور يحطون لك هوولد ويقولون لنا جب لنا قبول جامعه وجدولك الدراسي للترم هذا ويشلوون عنك الهووولد (بس حاول مايحطون لك هووولد)

    اذا كنت ماشي بالمعهد ولا عندك رسوووب بس الله ماوفقك للحين

    انزل لهم وكلمهم وقل هذا جدول الدراسي حقي من اول مابديت الى الحين ولا عندي رسوب بس ابي وقت زياده ..بالاول هو بيرفض ولا يفلسف عليك

    انت الله الله باللسان العسل واذا مانفع بالمشرف ...رح الى مشرف الولايه وكلمه وحاول فيه


    بس اذا رفض المعروف يوقف بعثتك ويقول رح للسعوديه وجب قبول جامعه ونشيل عنك الهوولد بس ماظنتي فيها فتره


    وبعدين اذا انت بكالوريوس ولك سنه ونص اختبر ايلس هنا وان شاء الله تجيب 5 ونص او 5 فيها جامعات بالهبل تقبل من 5

    بس انت لا تستصعب الامور وكلها سهالات وبعدين قبلك 20 الف او اكثر جوا امريكا مايعرفون a من b , وشفهم ما شاء الله عليهم تخرجوا

    هي بس اضغط على روحك شوي يالغالي

    الله يوفقك يارب ويسهل امورك
    7 "
  7. يالغالي انا رجعتي مو بمزاجي ..بس راح انزل رمضان السعوديه لازم رمضان يكون بالسعوديه ...من بعد رمضان يبقى لي شهرين ع انتهى البعثه قلت اقعد في السعوديه لين ما اجيب درجه في الايلتس وقبول جامعه ما راح يقولو شي بس هولد صح
    7 "
  8. اخوي انا نظامهم ماعندي خبره كثيره ..بس مدامك يعني تبي ترجع للسعوديه ليه ماتسجل ايلس للشهر الجاي والشهر اللي بعده وتسجل بالسعوديه بالرمضان (كلها تبي تدفعها الملحقيه يعني مراح تخسر شيء)

    وتجيب الدرجه قبل لا تخلص المده حقتك وبعدين اقولها لك اذا جربت الايلس الحين مريتين قبل لا ترجع للسعوديه اعرف بالسعوديه بتجيب درجه اعلى بس انت لازم تعرف طريقه الاختبار

    بالسعوديه الاختبار اسهل ...بس لازم تاخذ هنا ماتدري يمكن تجيبها وترتاح نفسيا..تحاول اكثر من مره احسن من انك تقول عندي بس هالمره هذي


    واسف اني ماعطيتك المعلومات اللي تبيها

    الله يوفقك يارب
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.