مساعدة ارجو منكم مشكورين المساعده

اختي ... بالنسبة لو ما احد استقبله....؟؟ قبل ما يروح يطلع العنوان حق المعهد واذا وصل هناك ... بيحصل تكاسي.. بس يعطيه العنوان وهو راح يوصله...
وفيه بعض المعاهد يقولون بلغونا بالرحلة علشان يستقبلونكم... وفي الاغلب راح يجون..
بالنسبة للتعارف مع السعوديين اللي هنالك... يقدر يروح للمعهد ويسال عن السعوديين الموجودين هناك
وبالنسبة للسكن... الله يعينه يستاجر يومين 3 الين يحصل سكن مع عائلة.. سواءا عن طريق المعهد او بنفسه
والله يوفق الجميع ان شاء الله

والله يا اختي نصيحتي راسلو المعهد يوفرله عائلة والعائلة تستقبله في المطار وتزبطه وبعد كيذا اذا ما ارتاح مع العائلة يكلم المعهد ينقلونه للسكن تبعهم اذا فرغت غرفة وبعدين بنصحكي نصيحة لوجه الله عن طريق المعهد العائلة تكون غالية لان المعهد ياخذ عمولة زيادة على قيمة ايجار العائلة فايصير المبلغ مرتفع انا الحين بعطيك موقع ممتاز جدا جدا يوفر مبلغ كيبر عليكم بدل هالمعاهد الحرامية تدخلين عالرابط بعدها تحطين اسم الدولة اولا واسم الولاية ثانيا ويطلعلك صفحة فيها اسامي العائلات بالترتيب والاسعار بجنبها واسم المدينة الموجودة فيها تدخلين على الاسم تظهرلك التفاصيل اذا عندهم حيوانات وعدد افراد العائلة وهل السكن يشمل الوجبات اولا ويعطيك وصف البيت والغرفة وهل يوصلون من المطار تفاصيل واجد وانتي تختارين الي يناسبك ويناسب ولدك وبعدها تحطين ايميلك ويراسلونك وتتفقين معاهم وتعطينهم اليوم والساعة الي بيوصل فيها ويستقبلونه بالمطار ويدلونه عالمعهد وكل شي وطبعا الموقع مجاني وبكيذا ضربتي عصفورين بحجر عائلة ارخص لانها عن طريقك وبنفس الوقت على حسب اختيارك وذوقك بلا معهد بلا عمولة زايدة وهذا الرابط
Find a Homestay Family - HomestayFinder.com
وبالنسبة للطلاب السعوديين فهناك الكثير في كل مكان فيهم الصالح وفيهم الطالح وانشالله كلهم صالحين وفيهم الخير والبركة
اتمنى افدتك ما ابي غير الدعاء فقط وبالتوفيق انشالله.

الله يوفقكم ويحفظكم ومن تحبون

معلومات ونصائحه غاليه سناخذ بها ان شاء الله

وراح اعرف من ولدي اسم المدينه بكره ان شاء الله

ولوكان لكم فيها اصدقاء ثقات نتواصل معهم

أسال الله ان يرزقكم من خير الدنيا والاخره ويريح قلوب امهاتكم بالعافيه كما ارحتو قلبي

دمتم في حفظ الرحمن

والدتي خليه المعهد يضبط له كل شي سكن مع عائلة واستقبال في المطار وخلال فترة بسيطة يتعلم على الديرة

لا تشيلي هم ابداً

صح لاتنسينه من دعواتك تراه أهم شي له وتكون دافع له ....والله يوفقه وان شاء الله يرجع لكم رافع راسكم بالشهادة العليا

والله لو اني موجود هناك كان استقبلته بنفسي وسنعت اموره او اعرف احد هناك كان دزيتكم عليه بس الحال من بعضه انا حاليا بالسعودية استنى بس متى يجي قبولي وتوكل على الله الامور كلها سهلات انشاء الله والاوضاع طيبة تطمنو وانشالله السعوديين هناك واجد وبيقومون بالواجب ماراح يقصرون معه وربي يستر عليه ويخليه لك ويروح سالم ويرجعلك سالم بأذن الله.

فيك الخير والبركة اخوي ...الله يحفظك

الله يسعدك ياولدي Bandar ويوفقك دنيا واخره ويقر

عين اهلك بك

هو عن طريق المكتب في جده وفهمنا انه كل شئ تمام

بس امس تردد الله يهديه مره يقول مافي مكان شاغر في المعهد ومره

بحاول فقلقني لانه ابغاه يروح كل الامور تكون مرتبه

الله يسر امره وامركم جميعا

ووالله ياولدي اني ادعي له واخوانه واولاد اخواني المسلمين جميعا

أسال الله القبول وان يسددكم ويوفقكم جميعا

ماقصرت ياولدي دائما متفائل وكافي ردك عليه واهتمامك

أسال الله انه ييسر امرك ويختار لك الخير

ويفرح قلب امك بشهادتك وسلامتك

دمتم جميعا في حفظ الرحمن