الرجاء من اهل الخبرة في امريكا ساعدوني الله يساعدكم
السلام عليكم . ماهي افضل مدينه يكون جوها معتدل والاسعار فيها معقوله اريد مدينه في امريكا مناسبة ارجوا المساعدة وربي اني محتار كثير وما ادري ايش اسوي تكفون ساعدوني ولكم جزيل الشكر. ما ابي مدينه حاره او مدينه بارده او مدينه ممله ابي جوها معتدل وكمان اسعارها معقوله مو مثل كاليفورنيا غاليه مره ولا مثل فلوريدا جوها حار مره .ارجوا من اهل الخبرة مساعدتي . خير الناس انفعهم للناس . ولكم جزيل الشكر. مع تمنياتي لاخواني الطلاب والطالبات التوفيق والنجاح .
رد: الرجاء من اهل الخبرة في امريكا ساعدوني الله يساعدكم
اخوي انآ اجآوب ع سؤالك .. بس بسؤآل ثاني ... !
وين هالمدينه بمواصفاتك في السعوديه ؟؟؟
اللي اقصده ما تلقى شيء رخيص وفي نفس الوقت جوه حلو وبعد شاطئ وشو بعد تبي .. اي مو ممل ....
لازم تقدم موآصفآتك كآولويات .. انآ انصحك تروح فلوريدآ .. او فرجينيآ .. كآليفورنيآ .. وانت ابحث فيهم وقرر ..
رد: الرجاء من اهل الخبرة في امريكا ساعدوني الله يساعدكم
عزيزي كيمو اشكرك اولاً على الاجابة
انا لم اقل رخيصة انا قلت اسعارها معقوله فيه فرق بين رخيصه ومعقوله
انا جيت فلوريدا حاره مره بالنهار كانك بجده ياخي انا ماني ملزم ادرس بمدينه جوها حار. دامني اقدر اختار وعلى حسابي ابي ادفع على شيء
يستاهل ...ياليت اللي عنده معلومات مفيده يجاوب وشكرا جزيلا لكم .
رد: الرجاء من اهل الخبرة في امريكا ساعدوني الله يساعدكم
العفو حبيبي .. اللحين صار ادفع على حسابي .. الموهم
تعآل النسيم حي الربوه وانششالله الجو يكون كويس وترى التميس عندهم بريآل
لا جد جد
اذا ما تبي حر ولا برد لا تروح شمال ولا جنوب خلك بالنص
رد: الرجاء من اهل الخبرة في امريكا ساعدوني الله يساعدكم
ياليت اللي عنده اجابة مفيدة يجاوب وشكرا جزيلاً
رد: الرجاء من اهل الخبرة في امريكا ساعدوني الله يساعدكم
كاليفورنيا جوها معتدل نوعاً مآ .. فأختار المدن الصغيرة فيها مو السياحية عشان ماتكون غآلية في السكن ..
يعني ابحث عن .. مدينة صغيرة وفيها سعوديين وفيها جامعة .. وماهي سيآحية ..
وإن شالله راح يكون جوها حلو واسعارها حلوة .. وإذا جا الويكند تقدر تروح المدن السيآحية اللي حولهآ ..
مثآل عن هآلمدن / سان برناردينو ..
وبآالتوفيق
رد: الرجاء من اهل الخبرة في امريكا ساعدوني الله يساعدكم
السلام عليكم
عندك ولاية كولورادو مدينة دنفر
في ولاية بنسلفانيا فيلادلفيا او بيتسبيرغ
في ولاية واشنطن مدينة سياتل
شوف دا الموضوع يمكن يفيدك
ماتعرف وين رايح بأمريكا !! تعال ادخل◆قائمة الولايات والمدن الرد #1-3-4-80 تحديث16/5* - منتديات شبكة الاقلاع ®
بالتوفيق..