الأعضاء الإشتراك و التسجيل

الملتقيات
ADs

استفسار يارب تسعد من يرد علي دنيا واخره (مساعدتكم )

استفسار يارب تسعد من يرد علي دنيا واخره (مساعدتكم )


NOTICE

تنبيه: هذا الموضوع قديم. تم طرحه قبل 2396 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية توفيقكـ ياربي
    توفيقكـ ياربي

    مبتعث مستجد Freshman Member

    توفيقكـ ياربي الولايات المتحدة الأمريكية

    توفيقكـ ياربي , أنثى. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى ....... , بجامعة .........
    • .........
    • .......
    • أنثى
    • ........., ........
    • السعودية
    • May 2011
    المزيدl

    May 28th, 2011, 03:36 AM

    صباح الورد ع الجميع

    اخباااركم ؟؟


    بدخل ع موضووعي بدوون مقدمااات

    انا طالبه ادرس حاليا في جامعه الدمام سنه اولى وامنيتي في البعثه وبالتحديد لامريكا قدمت السنه اللي فاتت بس ماقبلوني لانه كان ناقصني بس درجه وحده في التحصيلي عن المعدل المطلوب وبعدها درست بجامعه الدمام من غير رغبه فيها واللحين انا قدمت السنه هاذي ع اختبار القدرات والتحصيلي وجبت درجه حلووه بالقدرات الحمد لله وباقي اختبار التحصيلي ان شاء الله اجيب الدرجه المطلوبه بس سوالي اللحين قصدي اسئلتي


    لوو تحققت الشروط فيني هالسنه اقدر اقدم بعثه ؟؟

    ولو قدمت بعثه لازم قبل ماقدم اطلع من الجامعه وبعدها اقدم لانه سمعت مايصير تقدمين وانتي محتله مكان ثاني غير البعثه ؟؟

    وإلا اقدم واذا طلع قبولي اطلع من جامعتي ؟؟

    واذا خلااص انقبلت لازم يكوون عندي لغه انقلش تووب علشان ابتعث لامريكا لان بصراحه مو ذاك الزود باللغه ؟؟


    وربي محتاااره حدي لان تعبانه نفسيا من الجامعه اللي انا فيها (ادرس بمكان ماني متقبلته ابد)

    وياليت الكل يجاووووب ع اسلتي ورربي راح ادعي لكم من قلب

    ولا تنسووني من دعاءااكم ياارب انقبل هالسنه وكل وااااحد بيررد يارب يسعده دنيا واخره

    وبالتووفيق للجميع
  2. لوو تحققت الشروط فيني هالسنه اقدر اقدم بعثه ؟؟


    اكيد لك الحق ..لان شهادتك الثانويه لم تتعدى 5 سنين..

    ولو قدمت بعثه لازم قبل ماقدم اطلع من الجامعه وبعدها اقدم لانه سمعت مايصير تقدمين وانتي محتله مكان ثاني غير البعثه ؟؟

    هذا اللي هم يقولونه ...بس انا المتحدث لك (سلمان محمد ) ادرس بامريكا وملفي للحين بجامعه بالسعوديه (مسوي حذف ترمين _للاحطياط ) ما ادري وش الظروف تصير

    ولا قالوا لي اي شيء...(انا جلست شهر على حسابي ..يمكن هذا يختلف بس ما ظنتي)






    واذا خلااص انقبلت لازم يكوون عندي لغه انقلش تووب علشان ابتعث لامريكا لان بصراحه مو ذاك الزود باللغه ؟؟

    لالالالالالالالالالالالالالالالالالالالالالالالالا لالالالالالالالالالالالالالا مايحتاج ان شاء الله ماتعرفين a من b

    اصلا هم يعطونك سنه كامله تدرسين لغه ..واذا ماخلصتي من حقك تطلبين تمديد 6 شهور ثانيه تدرسين لغه
    7 "
  3. الله يووفقك ويسعدك يارربي وين ماترووح ويرررجعك لبلدك بالسلااامه ويووفقك بدرااستك

    وررربي اشررحت صدري الله يجزززيك الف خيررر

    كانوو سؤااالين مرآآ خايفه منهم اللغه وقبولي وانا بالجامعه والحمد لله زال هم اللغه بس بااقي اتاكد من سحب الملف

    طيب لوو انا مستووفيه جميع الشرووط تتوقع بيقبولني ع طووول والا لازم واسطه والا بالقررعه والا وش سالفتتهم بالضبط واذا انقبلت كم يبي لي شهرعلشاان اسافر بعد القبول

    واخررر شيء كيف جوو الدرااسه بامريكاا تحسه حلوو ويحمس للمذاكره

    والسمووحه طوولت باااسئلتي الوااجد عليك والله يووفقك ويسعدك
    7 "
  4. طيب لوو انا مستووفيه جميع الشرووط تتوقع بيقبولني ع طووول والا لازم واسطه والا بالقررعه والا وش سالفتتهم بالضبط واذا انقبلت كم يبي لي شهرعلشاان اسافر بعد القبول

    <<<
    اللي اذكره انا اول ماتخرجت فتحوا التسجيل قبل ماتطلع نتائج التحصيلي وحطيت اقل درجه مسموحه فيها ..وبعدها باسبوع طلعت نتائج التحصيلي وللاسف كانت اقل (ولا قدرت اعدلها)
    فطلعت النتائج البعثه بقبولي ورحت ليوم التدقيق الوثائق وعطيتهم خبر الخطا هذا فعبيت ورقه وقالوا اوكي نعدلها احنا والرد النهائي بيجيك <وللاسف كانت بالرفض

    الشاهد بالموضوع انها راح يقبلونك باذن الله <بعدين البنات اتوقع اسهل من العيال بشوي




    واخررر شيء كيف جوو الدرااسه بامريكاا تحسه حلوو ويحمس للمذاكره

    والسمووحه طوولت باااسئلتي الوااجد عليك والله يووفقك ويسعدك

    ...............

    امريكا جو الدراسه والله موجود ولا تحسين بتعب لمى تدرسين ولا تحسين زي بالسعوديه لمى تذاكرين (تقولين تقل مصريه لحالك تذاكرين) هنا بامريكا
    تشوفين الناس بكل مكان يذاكرون (بالمكتبه-بالجلسات بالجامعه-بستاربوكس...بالباص...بكل مكان )

    امريكا من الاثنين الى الجمعه <<خشتهم للكتاب والشغل كرف في كرف

    وهذا اللي لازم تسوينه اذا جيتي امريكا

    اما السبت <<زي مايقولونه خربونها ..بكل شيء يطلعون ويسوون اللي براسهم


    اذا انتي فيك شوي بس من همه الدراسه راح تقدرين تدرسين وبقووووه ...بس نصيحه لك (اذا درستي لغه اضغطي على نفسك لان راح تاثر عليك بالجامعه

    بالواجبات ولا البحوث ولا اي شيء...واذا انتي خلصتي اول سنه بالجامعه بالسعوديه ونجحتي ..عموما جامعه بامريكا نفسها ويمكن اسهل شوي ....كل الناس يقولون السعوديه اصعب

    بس صعوبه امريكا باللغه ..علشان كذا اقولك شدي حيييلك باللغه...)




    واذا كم يبيلك علشان تسافرين بعد القبول الابتعاث ...اتوقع بشهر واحد هجري اتوقع( بيكون بدايه دراستك بالترم الثاني بامريكا) مو الترم الثاني بالسعوديه

    لان امريكا يبدون ترم الثاني لهم والسعوديه توهم يخلصون الترم الاول


    يعني بالعربي بالترم (spring ( بامريكا <<اتوقع
    ويمكن على حسب معهدك اللي بتدرسين فيه



    ولمى تجي سالفه المعهد لها سالفه طويله عريضه علشان تختارين افضل المعاهد تدرسين فيها




    الله يوفقك ويسهل امرك ..ويكتب لك اللي فيه الخير <<والله يقويك ع الغربه
    7 "
  5. يسعد صبااح اللي مع هالصبح صاحي

    لو سمحتم ابي الاجابه الكافيه لسؤالي هذا :.

    انا اللحين بالجامعه وبقدم السنه هاذي ع البعثه وش اسوي اسحب ملفي من الجامعه واسجل بالبعثه او اخليه عادي واذا طلع قبوولي بالبعثه اسحب ملفي ؟؟


    لاني خايفه اذا قدمت وانا ماطلعت من الجامعه مايقبلوني ع قولتهم محتله مكانين

    بلييييز الله يسعدكم ردوو وريحووني
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.