الأعضاء الإشتراك و التسجيل

الملتقيات
ADs

استفسار ..:: 3 سنين دراسة بالبترول وبطلع.. نصايحكم؟! ::..

استفسار ..:: 3 سنين دراسة بالبترول وبطلع.. نصايحكم؟! ::..


NOTICE

تنبيه: هذا الموضوع قديم. تم طرحه قبل 2391 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Strike-SA
    Strike-SA

    مبتعث جديد New Member

    Strike-SA السعودية

    Strike-SA , ذكر. مبتعث جديد New Member. من السعودية , مبتعث فى السعودية , تخصصى EE , بجامعة جامعة الملك فهد للبترول والمعادن
    • جامعة الملك فهد للبترول والمعادن
    • EE
    • ذكر
    • الظهران, المنطقة الشرقية
    • السعودية
    • May 2011
    المزيدl

    May 29th, 2011, 12:37 AM

    السلام عليكم ورحمة الله وبركاته..
    كيف حالكم عساكم بخير ان شاء الله؟
    انا طالب في جامعة الملك فهد للبترول والمعادن.. وتقريباً خلصت بحدود الـ 50 الى 54 ساعة..
    تخصصي Electrical Engineering

    بصراحة ودي اطلع من الجامعة اليوم قبل بكرا، عشان اكمل دراستي برا، واعادل المواد اللي درستها..

    السبب في طلعتي ان معدلي سيء، ولأني نفسياً ما ارتحت نهائياً..
    وانا الحمد لله لغتي اعتبرها ممتازة.. وما اتوقع اني بطول كثير على ما اجيب التوفل..
    وش رايكم.. وش نصايحكم؟
    وش افضل الجامعات اللي تدرس تخصص الهندسة ومعايير قبولها معقولة؟
    هل ممكن اذا سافرت على حسابي اني انضم للبعثة؟
    هل مطلوب مني شي اسويه الآن؟ لأني انتظر ينتهي هالسمستر على خير عشان اشوف وضعي بشكل جدّي..
  2. عصفور باليد خير من عشر على الشجره
    اخوي معك واحد متخرج من الكليه التقنيه تخصص إلكترونيات
    عمري ٢٤ سنه متخرج قبل سنه تقريبا وتخصصي مقارب لتخصصك بس أنت أكيد افضل
    لكن من واقع خبره التخصصات الفيزيائيه اذا وقفت شهر بتنسى كل شي لانها مرتبطه
    أنا اقول كمل وخذ البكلريوس صح يعادلون بس خلك كلها شوي وتخلص واذا خلصت ٥٤ ساعه فان باقيلك اكثر من سنه كمل وخذ البكلريوس حتى لو معدلك نازل اسمهى بكلريوس هندسه وبعدين كمل ماستر
    والله يوفقك أنا موجود بأمريكا وماعادلت ولا ساعه ومعي واحد من الملك سعود ماعادل ولا ساعه وهو مخلص ٥٠ مثلك لانك بتنصدم وتحس انك غبي اذا شفت مستوياتهم
    وعقلك براسك لو اقنع فيك لين بكره اللي براسك بتسويه ههههه لانك مشتهيه
    7 "
  3. اخوي انا تراني سويت مثلك خلصت سنتين بالجامعه وكان باقي لي سنتين (حقت الكرف) والسنه الاخيره تطبيق +مواد اضافيه بس

    فسافرت امريكا وخليتها <<هالكلام باول السنه اللي فات

    الحين اخوياي بقى لهم سنتين ويتخرجون وانا توني باللغه وببدا من جديد....وبقولها لك بصراحه تدري ان الجامعه اللي انت فيها اقوى من نص جامعه امريكا للمعلوميه

    اقوى من جامعه امريكيه اللي بدبي <<اذا كنت تعرفها

    وبعدين لو تتخرج ومعدلك جيد ...ترا انت مهندس كهرباء ..حط تحتها الف خط

    وامريكا ماعندهم شيء اسمه تطبيق (والتطبيق تحسب لك ) اذا ماعندك هالمعلوميه

    واقولها لك من شخص يدرس معي بنفس تخصص وتوظف بارامكوا ..يقول حقيت التوظيف يدرون ان المتخرج من السعوديه انكرف اكثر من متخرج امريكا

    بس تدري وش يخلي الكفه تميل لخريجي امريكا ..اللغه بس غيرها مافي...


    اذا تبي رايي كمل وخل الدراسه ماستر <<علشان ترتاح نفسيا وانت تدرس

    علشان لو تقول ماجبت الشهاده تقول معي بكالوريوس


    بالاول والاخير الراي رايك


    <<واسال احد بارامكوا ولا سابك ..وهم يقولون لك الكلام الاصح
    7 "
  4. الله يعطيك العافية على ردك عزيزي
    اخوي المشكلة ان حالتي ماهي ذيك الممتازة، ومعدلي تحت مرة، وهالسمستر ما اتوقع اعدله..
    بالنسبة للغة زي ما قلت لك الحمد لله لغتي حليوة وما راح آخذ كثير بإذن الله،
    التأخير اكيد بتأخر بس سمستر أو بالكثير سنة، وهالشي لأني بعادل موادي اللي درستها..
    والحمد لله كلها C وفوق الا مادة رسبت فيها وعدتها وجبت فيها قريد..
    انا لسا ما اتخذت القرار.. لكن الحيرة بتذبحني..
    7 "
  5. اخوي انت ماتتصور النعمة اللي انت فيها
    جامعة البترول اقوي من اي جامعة في امريكا اذا جيت تتوظف في السعودية
    وانت تخصصك هندسه كهربائيه
    صديقي متخرج من كلية الجبيل هندسة كهربائية وراتبه ماشاء الله 11 الف فما بالك لو كان بكالريوس مثلك ومن جامعة البترول كم رح يصير؟ الله يحميكم
    خطيت خطوة كبيره واغلب الطلبة تجيهم هذي الحاله حتى اللي في امريكا مايرتاحون نفسيا لاسباب مختلفه غربه ماتأقلم مع المجتمع
    واذا لك رغبة كبيره بالدراسة في الخارج خلص البكالريوس من البترول وخذ الماجستير من أمريكا
    لاتغلط اخوي ترى لك افضلية كبيره على كل خريجين أمريكا في التوظيف في أي أكبر الشركات

    الله يوفقك ويحفظك
    7 "
  6. اخوي انت ماتعرف وش قوه جامعه السعوديه ترا للمعلوميه اغلب اللي اسولف معهم بالجامعه تدري وش يقولون لي

    يقولون اذا انت درست بالسعوديه سنتين بالجامعه ومشيت فاعرف انك بتمشي بامريكا ...بس اللغه تعرقلك شوي بس

    وللمعلوميه علشان تصدق اكثر ..انا مراح اجاوبك اخلي غيري يجاوب علشان تصدقني


    اسال اي طالب يدرس بامريكا وتخصصه هندسه او اي شيء قسم علمي صعب شوي واساله وقل له


    بالكلاس معك ايهم اكثر عدد طلاب الامريكان ولا انترناشونال ...؟؟

    كلهم انترناشونال الامريكان ماعندك احد ...مايدخلون اقسام زي كذا

    فكيف تبي يصير فيه تعلم قوي ...عندهم طرق تدرس جباره بس كمنهج ولا شيء ثاني لا

    الرياضيات لو تجي انت ..يقولون انك عالم ..ينهبلوون ..الامريكان بالعربي اغبياء واسال اي احد برا ..بس هم ناس حقين كرف

    .......

    علشان اكون معك اكثر صراحه

    انا تكلمت مع واحد خريج جامعه امريكيه بدبي ..تخصص هندسه كيميائيه وسولفت معه

    قالي ياخي عندكم الجامعه اللي بالظهران جامعه الملك فهد ..هذي يقول قويه قويه بشكل ماتتوقعون ..يقول انا حاولت ادرس ماقدرت صعبه

    واقوى من امريكا

    <<على لسان واحد خريج جامعه امريكيه بدبي

    وبعدين زي ماقلت انت كلها c وفووق يعني معدلك فوق 3 <<حب يدك وهي مقلوووبه

    انت تدرس تخصص من اصعب التخصصات موجوده لا والله مو من اصعب الا هو الاصعب بالسعوديه

    فوووق هذا باصعب جامعه واقوى جامعه ..بالله يعني تبي يصير معدلك 4.9 من 5


    انا اكثر واحد ممكن احس بشعورك لاني مريت مثل حالتك بالضبط واخترت الاختيار بعض الايام اقول خطا (لان اتذكر اخوياي وهم بقى لهم سنتين بس وستخرجون )وانا توني باللغه

    وبعض الايام اقول مدامني بديت بحلمي وهي الدراسه بامريكا مالي ومال التخرج متى ماتخرجت يحلها الف حلال الدنيا مراح تطير ...


    وزي ماقلت لك بالرد قبل شوي اسال ناس بالشركات وتعرف الجواب الصحيح
    7 "
  7. الله يجزاكم خير على المعاونة والنصيحة.. بس خلوني اقول لكم حالتي بالظبط.. وبصير صريح حبتين..
    انا حملت مادتين السنة اللي راحت ، ولما عدتها جبت في وحدة C وفي الثانية B..
    ومثل ما انتم عارفين جامعتنا شديدة بزيادة، وما يمسحون الـ F اللي اخذتها في مادتين.. يحسبونها وبـ 0 من 4..
    حالياً معدلي 2.087 من 4.. معدل ما يوكل عيش أبداً، ومثل ما قلت قبل ما اتوقع أبداً اني ارفعه هالسمستر..
    ممكن انتم تتكلمون عن الناس اللي معدلاتها حلوة.. أو على الاقل اكثر من 2.5، لكن انا حالتي غير.. ووالله لو معدلي 2.4 او اكثر كان ما فكرت بالطلعة..
    بالنسبة للدراسة برا، بإذن الله ان طلعت، ما راح اطلع الا لجامعة أفضل من جامعتي الحالية من ناحية الهندسة، ومن ناحية الترتيب العالمي وكفاءة دكاترتها..
    7 "
  8. باقيلك تقريبا 70 ساعه لسه
    تقدر ترفع معدلك صدقني وشد حيلك وحتى لو هالسمستر ماارتفع
    ابدا بداية جديدة السمستر وافتح صفحة جديدة مع نفسك وحاول ترفع معدلك على الاقل لين 2.5
    واولا واخيرا استخير ربك كل يوم لين تشوف قلبك وش يرتاح عليه
    واذا قررت تطلع من الجامعة لاتطلع لين تتاكد انك حصلت الجامعة اللي تبغى واخذت قبول منها ووافقوا يعادلون لك موادك كلها او بعض منها عشان ماتخسر البترول وامريكا

    موفق يارب
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.