استفسار كيف احصل خدامه بامريكا

أسأل حميدان التركي

















الله يهديك بس ناقصك مشاكل يعني ولا وشلون

يا مـــــــــنـــــــــســــــــــــــــم

ياخي محتاج خدامه وش فيها عندي طفل صغير ومحتاج شغاله

مين هذا حميدان التركي

وش مسوي عشان تقولي الله يهديك تبي مشاكل يا منسم ؟؟؟؟؟

يا منسم وش فيها لو جبت خدامه ؟؟؟؟؟؟

ليش يعني بالسعودية عادي مسموح وهنا ماهو مسموح ؟؟؟؟؟؟؟؟


جاوب انتظر ردك يا منسم

جاوب تراني مدري توني واصل وما اعرف هل مسموح مثل عندنا بالسعودية او يختلف يعني ماهو مسموح ..؟؟

مآإتبي سسوآإق بعد ... !!

الحمدالله والشكر الرجال داخل يبي احد يوجهه محتاج مساعدة وانتم تنكتون عليه ياخي مافيها شي قال يبي خدامة شالمشكلة اذا تعرف جاوب على قد السؤال ماتعرف كان وفرت خفة دمك لموضوع يتماشى مع دمك الخفيف
اخوي صاحب الموضوع هناك في مكاتب متخصصة في هالأمور ابحث على النت وراح تلاقيهم بكثرة او ابحث مباشرة عن الخدامة عن الطريق النت بس اكتب
(I'm looking for a housekeeper)
واكتب اسم المدينة الي انت فيها وراح تحصل بأذن الله اتمنى لك التوفيق.

اشكرك يا المتفائل ما قصرت على ردك على سؤالي . تصدق انا طبعا توني جديد في امريكا وانتظر احد يفيد واذا سئلت قليل اللي يجاوب وبعض

الناس اذا جاوب يجي اما يستهبل او يستخف دمه او ما يدري وين ربه حاطه .مره سئلت عن انسب مدينه من ناحية الجو والاسعار معقولة ويرد

واحد يقول تعال النسيم او حي الربوه ترى التميس بريال بالله ذي اجابة لسؤال عن امريكا عموما ماعلينا الدنيا يعيش ويشوف فيها الواحد ناس

اشكال وواصناف بس ما علينا طنش تعش تنتعش .اهم شيء الواحد يستمتع وينبسط بحياته وما يفكر حتى تفكير في ناس ما تحب تساعد غيرها

المشكلة بعض السعوديين صارت عندهم عقده نفسيه وما يثقون من انفسهم وصاروا يخافون من اي شيء اسمه خدامه بعد موقف طالب

سعودي اظن اسمه حميدان التركي صارت له قضيه مع شغالته .يا حبايبي كثير من القضايا تصير لناس في كل مكان بالعالم شيء عادي ذا حال الدنيا ..

يعني مالها داعي تحسون بالعقد النفسيه بسرعه دام الواحد ماشي صح .

احب اقول لمنسم وكل واحد مثله صارت عنده عقده ويخاف من طاري شغاله وماعنده ثقه بنفسه اقوله المفروض الواحد يكون واثق من

نفسه تمام اذا كان ماشي بالسليم وما سوا شيء خطا مالها داعي تصير عندكم عقده نفسيه ونقص في الثقه بالنفس .واثق الخطوة يمشي

ملكاً .

أخوي تلاقي أعلانات في الأماكن العامة.. فيه بالساعة وفيه بالاسبوع او الشهر، وبالنسبة إذا فيه معك طفل صغير انا انصحك بـ Day Care Centers أكيد فيه قريب من مكان سكنكم أو جامعتك.

الله يسهل لك وتلاقي طلبك.