....... الأسئلة ........
1- كيف اطلع شريحة للجوال (( رقم لي )) ومن وين ؟؟
اذا وصلت ان شاء الله رح تلقى مية واحد يتكلم عربي يعني اغلب التكاسي يتكلمون عربي واذا مايتكلم عربي عادي يعني مو صعبه اطلب منهم اقرب محل اتصالات وخذ لك شريحه تي موبايل فيه انترنت عشان تتفعل خدمة البلاك
2- انا متعلق بالبلاااك مرررررررررررررررررررررره كيف افعلها هناك وكم سعرها ؟؟! :p
وهل جهات الاتصال الي عندي اقدر أتواصل معهم او بعيد ومقدررر
اول ماتفعل الخدمه تقدر تكمل مع نفس جهات اتصالك لانك انت ماغيرت جهازك مجرد الشريحه انت اذا رحت لهم قولهم ان معاك بلاك بيري وتبي خدمة البيبي رح يقولك لازم نشغل النت طبعا وحسب في باقات كثير ولك حرية الاختيار والاسعار مناسبه ان شاء الله تناسبك
3- الإبليكيشن. الي نعبيها بالطياره سهل ولا صعب ؟
سهل ان شاء الله بس خذ الترجمة موجوده فوق بالمواضيع المثبته
يبغون الاسم ورقم الجواز ووين مولود وين تبي تسكن في امريكا يعني بيانات سهله ان شاء الله تراهم ورقتين وحده زرقاء ووحده بيضاء خليهم معاك لم تنزل في المطار عند التختيم يطلبها منك
4- انا ساكن مع عائله ما ادري هل هم يوفرون لي التلفاز ، والتلفون ، الانترنت < وهذا الأهم ، والوجبات
ماعندي فكره والله بالنسبه للسكن مع العوايل
5- التنقلات ببوسطن - كامبردج كيف هل فيه اشتراك بالباصات او القطارات
ماعندي ايضاً فكره بس ان شاء الله اهل بوسطن يفيدونك
واذا فيه كيف اشترك فيها ومن وين ؟؟
_____
6- من موجود في ELS - كامبردج يدرس هناك
_____
7- انا بروح انزل اغير الطائره بألمانيا واكمل في احد يقول لي كيف نظام مطار فرانك فورد
ماعرف والله مطار فرانك فورد بس اذا نزلت بالمطار اكيد فيه ناس معاك وانت ممكن تسأل ..
8- كيف الافياش عندهم عاديه ولا لازم أخذ معي محول
لازم محول مادري طلعت الصورة او لا .؟
9- كم الوزن المسموح فيه أني اخذه معي
لك شنطتين اذا انت واحد كل شنطه 23 كيلو
10- انا ابي أخذ معي أطعمه مثل قهوه وشاهي وتمر اااااااممممممممم وحاجات ثانيه تنصحوحوني فيها وتفيدني برمضان
انا عن نفسي اخذت معي قهوه وهيل وتمر ولا احد قال شي
11- هل يسمحون أني ادخل اكل وشرب لأمريكا ولا ممنوع.
يعني انا مالقيت مشاكل لانهم سألوني معاك اكل او شرب قلت لهم لأأ وتم الامر بسلام
12- وش الي يمنعونه أني ادخله لأمريكا ...،،
والله قائمه الممنوعات كبيره اذا عندك كتاب مبتعث افتح واقرأ
-------------------------------------------------------------------------------------------------------------------------
اتمنى إفادتي بمعلومات صحيحه ومؤكده 100٪
لان انا اول مره أسافر لدووله غير عربيه وما ابي اتخبط بالسفره وتتنكد علي كلها
لاان شاء الله ماتتنكد عادي روق وان شاء الله تلقى كل خير وتتسهل امورك
كل هذا الاجابات انا مريت فيها بنفسي واتمنى اني افدك والله يوفقك يارب
,,
,,,
