عرض للطباعة
صبحكم الله بالخير والعافيه اخواني واخواتي
سؤالي بسيط وسريع
و هو عن البلاك لست
هل اذا تم رفضي عن الفيزا من سفارة كندا بسبب اكتشاف عدم مصداقيه في واحد من الاسئله مثلاً...هل يوضع اسمي بالبلاك لست....؟
طيب فرضاً حطوني بالبلاك لست....و بغيت اقدم على سفارة امريكا مثلا ..هل يكون مبين عندهم اني قد قدمت على سفارة كندا وتم رفضي بهالسبب و اسمي بالبلاك لست بسفارة كندا....؟
وكيف التعامل مع قضية البلاك لست
وجزاكم الله خير الجزاء
البلاك ليست ..؟ ليه يعني وش مسوي عشان يحطون اسمك فيها ..؟
واذا كان اسمك لاقدر الله في البلاك ليست اكيد امريكا رح يكون عندها خبررر تعرف الامريكان اي احد يدخل عليهم بحث كامل مجرد يدخل رقم الجواز يبان عنده ..
الله يسهــل امرك
واتمنى لك التوفيــق
,,
,,,
تعقيب على كـلام اختي
كلامها صحيح انا قابلت واحد في مكتب قبولات وسواليف انا وياه طلع مسوي مشكله في امريكا رجع لسعودية وقدم على كندا ورفضوهـ على كذا شوف استراليا بس مشكلة استراليا الدراسة فيها عصبه على ما اسمع من اخواني او شفلك نيوزلندا
اسال الله لك التوفيق يااارب
جزاكم الله خير اختي الغاليه غاده
واخي اسد الاسلام لاعدمناكم
انا مو في البلاك لست ولله الحمد وعشان اكون صريح وواضح اتكلم عن لووو تم رفضي من الفيزا بسبب اكتشاف عدم مصداقيه في جواب إحدى الاسئله ماذا يحصل؟؟ ولاتقولون ليش ..مالي الا اسوي كذا
سمعت انهم يحرمونك من الفيزا من 5 الى 10 سنوات
فسؤالي اذا صار هالشي لا قدر الله هل يوضع اسمي بلاك لست بجميع السفارات او بس هالسفاره يعني اقدر اقدم على دوله ثانيه ولا لا
الله يعطيكم العافيه حبايبي ويجزاكم الجنه يارب
والله بالنسبه للسفارات الثـانيه ما ادري بس ان شاء الله لا
اخوي اسد الاسلام انا اسمع ان نيوزلندا هي الصعبه ..؟
واستراليـا اسهل منها بكثير وارخص ايضـا ..
؟؟
الله يعطيك الف عافيه يالغاليه لاهتمامك
سألت مكتب وقالي بس تمنع من نفس السفاره
وانا اول شي راح اقدم على امريكا واذا قدر الله وماحصلت بعدها كندا ثم بريطانيا ثم استراليا ثم بنطق بالرياض ههههههههه
الا يااختي بسألك عن ولاية اوريقون كيفها معاك وكيف القبولات لنسبة 73 لبكالوريس هندسة هل فيه امكانيات قبول او لا
وآخرا اقول جزاك الله كل الخير وبارك لك
والله ماادري بالضبط
انا في البلاك ليست في استراليا وممنوع من دخول استراليا ثلاث سنوات
طلعت من استراليا وبعد ست شهور رحت امريكا
والحمدلله انا موجود حاليا في امريكا ولاسألوني ولا قالوا لي شي عن استراليا ابدا لا في السفارة ولا المقريشن ولا اي أحد ..
تحياتي لك