الفزعة يا أخوان .. البعثة بتروح علي وانا ماني عارف وش السواة :(

أنا رفعت خطاب للديوان الملكي بضمي للبعثات في تخصصي اللي أنا فيه لأن الحمدلله عندي امتياز مع مرتبة الشرف وابي أكمل في نفس التخصص ( إعلام - إذاعة وتلفاز ) والحمدلله جاتني الموافقة .. بس شرطهم الوحيد أني أجيب لهم القبول من الجامعة الأمريكية اللي أنا أبيها ( جامعة موصى بها وتخصص موصى به الحمدلله) .. بس والله حايس في سالفة القبول الآن .. سمعت أنه لازم يكون فيه ضمان مالي عشان انقبل .. طيب أنا لسا ما انقبلت في البعثات يعني مافي ضمان مالي .. والجامعة اللي أبيها هي UCLA تخصص Theater, Film and Television في مجال الماستر .. وش السواة يالربع ؟ أبي لو بس قبول مشروط ... أي ورقة تثبت أنهم قبلوني عشان لا أخسر البعثة لأانها حلم حياتي من يوم ما تخرجت من الثانوي .. 7 سنين وانا أنتظر الين الحمدلله انتهيت من البكالوريوس بإمتياز .. تكفون أحتاجكم :((

أخوي اعلامي عندي بس السوال ممكن تردد عليه فيها ولالا
السوال المبتعث مايقدر يدرس هذا التخصص يعني اعلاام في امريكا
يعني نهايه إن حلمي إني اكمل مجال الاعلام البكالوريوس
عشان اقيرب قبل ماورح
عليك الاتجاه إلى المكاتب عشان اجبلك قبول هي افضل وسيله الحصولعلى قبول بدري
والله يوفقك يارب ونشوفك في اعلي المناصب يارب

طبعا تقدر تدرس إعلام في أمريكا أخوي .. فيه جامعات موصى بها وتخصصات إعلامية على قد شعر راسك موصى بها .. لا تيأس من رحمة الله .. كل شي ممكن :)

طيب انت جرب وراسل الجامعة لان الضمان المالي ما يحتاجوه الا وقت تدقيق بياناتك عشان القبول النهائي
وطالما مؤهلاتك مرتفعة و اخترت نفس تخصصك ما عندهم سبب يرفضوك مبدئيا
وانت قلت كل الي تحتاجه قبول مبدئي عشان تنضم للبعثة

الله يوفقك

شكراً Miss emy .. بس أنا راسلت الجامعة وللأسف لي أسبوعين ما جاني رد .. وبصراحة في النهاية قلت لازم استشيركم

جاتني رسايل خاصة كثيرة .. الكل وده يساعد . وجهوني على كذا شخص يقولون أنهم يجيبون قبولات .. بس الواحد لازم يكون حريص .. من كثر ما سمعت عن عمليات النصب اللي صارت وبعض العمليات تآخذ شهر وشهرين وفي النهاية يقولك ما قدروا يجيبون لي القبول .. موالات وسيناريوهات يا مكثرها ... عشان كذا ودي بشخص يوجهني لشخص آخر هو تعامل معاه قبل .. وجاب له القبول . لاهنتوا حبايبي.

كآن ودي افيييدك آخوي ,,
بس اللي اعرفهم واخذو قبول .. كان في احد يجيب لهم قبول ويراسل الجامعآت من هنآك , فهمت علي ,,

وموفق آن شآء الله ^^

اخوي الكريم شوف اي مكتب يضبط لك موضوع الضمان المالي الى مايجي القبول بالاساس من المكتب يضبطها انا اظبطت معي
بالتوفيق اخوي

يا جماعة الخير... من يقدر يجيب لي القبول في أسبوع؟ والا بالكثير في أسبوعين؟! ويبشررررر باللي يبي حق اتعابه .. بس تكفوون ترا الوضع جداً مزري ولازم لازم ألحق أجيبه خلال هالموعد .. الحقونا تكفون والا دلونا على أحد يقدر.

هلا اخوي ،،
شوف حبيبي ،، فيه مكاتب معترف فيها وجيده وأمينه ابحث عنها ،، انت المشكله في مكه انا اعرف واحد بالرياض ممتاز ، صحيح يطول يجيب قبولك لكن امين وصادق للامانه ،، بس اذا تبي يجيب لك قبول بسرعه زود له المبلغ وانشب له ،،
انت ابحث عن مكتب اذكر في موضوع بملتقى امريكا العام عن افضل المكاتب ابحث عنه وان شاء الله تجد ضالتك ، اسألك التوفيق ،،