-
توقيف بعثة مؤقتا
السلام عليكم
ياجماعة انا لي تقريبا 4 شهور منضم للبعثة .. ولكن حصلت ظروف بضطر اني اوقف البعثة لفترة ..
للي عندهم خبرة او انهم جربو .. هل اقدر اوقف البعثة في اي وقت ابغاه ؟ وهل لها شروط او احكام او شي من هالقبيل .. انا ابي اوقف للسمستر الجاي .. وبرجع اكمل ان شالله في سمستر السبرنق .. نصايحكم قبل ما اقدم طلب وتجاربكم
-
رد: توقيف بعثة مؤقتا
وعليكم السلآمـ والرحمـه
نصيحـه لك يآخوي لآتقدمـ ولآتفكر مهمـآ كآنت الظروف
شوفيني قدمت ع تأجيل وللحين أنتظر جوآبهمـ
رجعت عند أهلي وأنآ قلقآنـه للحين بس عشآن يرودن علي
نصيحـه لك كأخت : لا تأجل مهمـآ كآنت الظروف لو مشتآق لآهلك وإلآ ظرف ينحل خلال يومين طق لك تذكرهـ لآهلك 5 أيآمـ روح وأرجع بدون محد يدري وأرجع لمعهدك
وربي يوفقك وييسر لك أمرك ..
-
رد: توقيف بعثة مؤقتا
لا السالفة مب مشتاق ولا شي .. بالعكس انا في السعودية الان ..انا مشكلتي معقدة شوي مع القبولات .. وسمستر " الفول" مقدر ادرسه ولا لقيت القبول اللي ابيه وبضطر اني بلغيه واعيد الكرّة في سمستر السبرنق .. انا المشكلة محسوب لي اني طالب اكاديمي مب طالب لغة .. لو طالب لغة كان انحلت المشكلة .. لكن الموضوع معقد شوي يبي له شرح طويل ... والحل الامثل اني اوقفها فترة ثلاث شهور ..
طيب انتي كم لك مقدمة ؟ وكم هي المدة المعروفة للرد
شاكر لك والله يوفق الجميع
-
رد: توقيف بعثة مؤقتا
إممممـ .. طيب أول شي أنت قدمـ طلب ع الحكومة الالكترونيـة وكلمـ مشرفك ..
وأشرح لهمـ الاسبآب وأرفع اورآق تثبت أنوهـ مآنقبلت وكذآ
والله يوفقك وييسر لك أمرك
أنآ مقدمـه لي أسبوعين للحين
ومآعندي علمـ عن المدهـ والله
ربي يوفقك ..
-
رد: توقيف بعثة مؤقتا
انا طلبت تاجيل بعثة لسبب صحي
ووافقت المشرفة
لكن بقولك شي
موضوعك كلة بين يدين المشرفة
انا عشان مشرفتي تعاونت معي وحسيتها مرة اهتمت بموضوعي
قالت بوقف بعثتك بالسستم عن طريق الملحقية بدون علم الوزارة
وصدق سوتها من راسها بعدموافقة الدكتور المشرف على ولايتنا
لاني يوم نزلت رحت للوزارة اطلب ضمان مالي قالوا ان بالسستم مو موجود انك طالبة تاجيل بعثة
ويوم سالت الوزارة ان هالشي عادي
قالت الموظفة في حالات تكون الملحقية هي المسؤولة ومخولتها الوزارة انها ماترجع لهم لبعض الحالات
-
رد: توقيف بعثة مؤقتا
اموش
ان شالله بس خايف يدقرون بالاسباب وكذا .. لأني ماعندي شي يثبت انهم ماقبلوني والامور هذي لكن بـ تدبّر ان شالله وبشرح لهم الوضع بالتفصيل وان شالله يتفهمون والمشرفة تتعاون معي
والله يكتب لك اللي فيه الخير
اف بي اي دولارات :P
والله شف بالنسبة للمشرفة .. انا مشرفتي تمارا ومتعاونة بشكل ماتتصور الحمدلله .. وانا متفائل فيها خير بس خوفي تصير مرة تمشي على القانون وذا وتنشب لي هي بعد .. لكن الله يكتب اللي فيه الخير وماتشوف شر يابعدي
شاكر لكم ردودكم
-
رد: توقيف بعثة مؤقتا
اقدر اروح واجي اذا صار لي ظرف طارئ خلال ٥ ايام بدون علم المعهد والملحقيه وعادي ادخل امريكا ؟؟؟؟ ارجواا الرد
-
رد: توقيف بعثة مؤقتا
يمكن يدقرون لك في المطار اذا رحت وجيت في نص الدراسة .. خاصة " الفول والسبرنق " لكن في الصيف اتوقع امورك سهالات .. والملحقية انا لي ثلاث اسابيع بالسعودية مب دارين ولا قلت لهم ولانيب قايل لهم