استفسار هل عدم التكلم بالانجليزية اثناء المقابلة يكون سببا للرفض

اخي ليس هناك فرق ولكن يفضل ان تتكلم اللغة الانجليزية اذا كنت تجيدها وان لم تجدها فلا بأس هم يعرفون انك ذاهب لتعلم اللغة الانجليزية وذلك السبب الرئيسي لسفرك اساسا فلا بأس عليك ان لم تتكلم اللغة الانجليزية ام بخصوص انتهاء السيفس فأعتقد انه مرتبط بنتهاء قبول الi20 فبعد فوات موعد دراستك ينتهي السيفس هذا والله اعلم ولاتستعجل قد يفيدك احد الاخوان اكثر مني وبالتوفيق لك.

شكرا اخى على ردك الكريم ولكن اريد معلومات اكثر حول امر التكلم بالانجليزية او بالعربية لانه البعض يقول ليا انه الحديث بالعربية
يعطى رفض دائما

اخي الفاضل بخصوص التكلم باللغة العربية او الانجليزية فليس هناك فرق فأنا متأكد من هذا الشئ واعرف اشخاص كثيرين معرفة شخصية منمن لايجيد اللغة الانجليزية بتاتا ولا يعرف سوى الحروف الانجليزية فقط وتسلمو جوازاتهم وبها الفيزا فمن غير المعقول ان تكون اللغة الانجليزية عائقا لأخذ الفيزا لأنهم اصلا سايسافرون لتعلم اللغة الانجليزية فمن البديهي انهم لايجيدونها فلا تقلق بهذا الشأن.

ياطويل العمر اسمع اسمع .. أنت أصلا اول ماتجي عند القنصل بيقول لك .. تبي تتكلم عربي والا إنقليزي؟ <يعني الوضع سهل
والا على بالك بيقولك تبي تتكلم عربي والا انقليزي واذا قلت عربي قال خلاص ماتروح !!
لالا
اصلا الرفض بالمقابلة ماله دخل بالكلام ولا غيره .. الرفض يجي على الاوراق والا عدم إستيفاء الشروط ..
مستحيل القنصل يرفضك من الباب للطاقة بدون سبب بالأوراق والا الشروط اللي عندهم .. أما يرفضك عشان لغتك والا عشانك مركب تقويم والا عشانك قصير .. مستحيل ابدا .. ترا هذولا أمريكان موب ربعنا اللي يطلع لك بأي شي تافه عشان يعرقلك ..
ماعندهم بيروقراطية والا جحشية الغرب ..

أنا داري إنك مرتبك وخايف وشايل هموم الدنيا عشان المقابلة بس إسترخي إسترخي إسترخي وحط في بطنك جميع فواكه الصيف .. رتب أوراقك وتعال حط اصبعك بعين القنصل والله انه مايردك ولا يقدر يفك فمه اصلا ..


وأي شي بخصوص السفارة والمقابلة انا تحت أمرك .. ولا تشيل هم ولا تخاف أو ترتبك وانا اخوك ترا الموضوع أسهل من شرب المويا ..
كنك رايح لأي دائرة حكومية (تبي تطلع رخصة / أو تجدد بطاقة / أو أي شي ثاني)
جدا المسألة بسيطة موب مستاهلة كل هالتعب الذهني والنفسي ..

إرتاح والله يوفقك يارب وييسر لك أمورك ..

أهم شي رتب أوراقك وجيب كل اللي يبونه وماعليك أمورك بتمشي زي الحلاوة ..


بالتوفيق يالغالي ..

انا اخوي اقدر اتكلم انجليزي ولكن طلبت انه يتحدث معي بالعربيه والحمد لله 9 ايام واستلمت الفيزه وانا الان في امريكا من 5 اشهر
وربي يوفقك ان شالله ونصيحه من اخوك المجرب لالالالالالالالالالا تستمع الى لكلام من تثق فيه فقط والامور ابسط مما تتخيل

ماشاء الله .. ألف ألف مبروك .. والله يوفقك يارب وييسر أمورك وتفرح وتحقق كل أحلامك ..

بس لو سمحت يدك على 50 ريال حق التعب وكتابة الرد

< لازم حركات إستغلال ههههه


الله يوفقك يارب .. وعقبالي يارب على ما استلم الفيزة ..

دعواتك ..

أوه ماعليش .. توي قريت الإسم ودريت إنك غير الرجال اللي سأل وكتبت له الرد ..
ياليييييل ,, طارحت الـ 50 .. سوف أبكي

انا كنت بسأل سوال بعد اذن صاحب الموضوع

اذا جبت قبول مشروط من احد الجامعات وطلعت عليه فيزا وبعد فترة جبت قبول من جامعة ثانية هل لازم اقدم على فيزا من جديد
واضيع وقت مثل الاول وللا اجراءتها ميسرة

الأخ ياسر .. لا خلاص لاتقدم على الفيزة مرة ثانية ..
الفيزة تسمح لك بالدخول لأرض أمريكا .. اما الجامعات بكيفك تغير زي ماتبي مالهم دخل السفارة بالموضوع ..


الله يوفقك ويكتب لك اللي فيه الخير ..