يرحم امهاتكم ((سجلت عشان هالسؤال)) تكفووون
الله يرضى عليكم يا اخواني واخواتي بخش على طول ف الموضوع
انا عندي اختي مبتعثة ماستر وهي على نهاية دراستها تقريباً باقي سيمستر واحد ومعاها زوجها مبتعث وهو ايضاً ما شاء الله ضموه للبعثه
المطلوب الان انا ابغى اطلع مرافق معاها بدل زوجها بما ان زوجها خلاص انظم للبعثة مع العلم اني معلم لكن باذن الله اذا تم راح اخذ اجازة دراسية او استثنائية ماني عارف
تكفووون كيف الطريقة
يا شباب مو شرط يكون جوابك صح ميه ف الميه لكن رد باللي عندك رحم الله وجيهكم من النار وحقق امانيكم
رد: يرحم امهاتكم ((سجلت عشان هالسؤال)) تكفووون
هلا بك أخوي ومرحبا .. صراحتن ماأدري كيف تبي تطلع مرافق لأختك وأختك مرافقها معاها ممكن هالشي صعب لأن مو مسموح لمرافقين أثنين لمبتعثه وحده ..
طيب إنت أطلع على حسابك وكلها كم شهر تنقبل في البعثه إن شالله .. بس هد أعصابك ولاتوتر حالك وإن شالله الأخوان بيفيدونك باللي يفرحك يارب ..
عالعموم بالتوفيق لك وربي يرزقك بالبعثه ..
رد: يرحم امهاتكم ((سجلت عشان هالسؤال)) تكفووون
مااعرف ماعندي خبر بس أتوقع صعب انك تصير مرافقها علشان تصير مبتعث
بما انها على اخر سمستر وزوجها مرافق حتى لو عنده بعثة في الأساس هو مرافقها مدري فهمتني ولا لأ *-*
زي ماقال الأخ تقدر تدرس على حسابك وتحول تفرررج بأذن الله
تمنياتي لك بالتوفيق
رد: يرحم امهاتكم ((سجلت عشان هالسؤال)) تكفووون
مرررررره شكراً يا اختي شاعره
بس انا اقصد انها تطلب تغيير مرافق وتذكر لهم اي سبب خصوصاً ان هذا الشيء ما راح يضر زوجها لانو خلاص ضموه للبعثه
رد: يرحم امهاتكم ((سجلت عشان هالسؤال)) تكفووون
والشكر موصول لكي اختي أبارق
رد: يرحم امهاتكم ((سجلت عشان هالسؤال)) تكفووون
اخوي
الله اعرفه ان المرافق حتى لو انضم للبعثة يظل تابع للمبتعث الاساسي يعني اذا غيرت مرافقها من زجها لاخوها راح يتضرر زوجها وتنقطع بعثته الا اذا كان مكمل 70% من دراسته ,, بس الاشكالية ان هي ماباقي لها الا سمستر واحد بس ,, يعني اذا تيسرت امورك ووافقوا عليك انت اللي بتتورط بعد هي ماتتخرج ياانك تكمل دراستك على حسابك او انك تترك البعثة لان الوقت مو كافي لك انك تكمل الـ70% اللازمة لاستقلالك بالبعثة
يارب يكون شرحي واضح ,, وترى معلوماتي مو اكيده 100% بس حبيت افيدك وانشالله تتوفق بدراستك
رد: يرحم امهاتكم ((سجلت عشان هالسؤال)) تكفووون
اقتباس:
المشاركة الأصلية كتبت بواسطة p.t.
اخوي
الله اعرفه ان المرافق حتى لو انضم للبعثة يظل تابع للمبتعث الاساسي يعني اذا غيرت مرافقها من زجها لاخوها راح يتضرر زوجها وتنقطع بعثته الا اذا كان مكمل 70% من دراسته ,, بس الاشكالية ان هي ماباقي لها الا سمستر واحد بس ,, يعني اذا تيسرت امورك ووافقوا عليك انت اللي بتتورط بعد هي ماتتخرج ياانك تكمل دراستك على حسابك او انك تترك البعثة لان الوقت مو كافي لك انك تكمل الـ70% اللازمة لاستقلالك بالبعثة
يارب يكون شرحي واضح ,, وترى معلوماتي مو اكيده 100% بس حبيت افيدك وانشالله تتوفق بدراستك
كلامك صحيح اختي
لو زوجها مافصل بعثته راح يلغي ابتعاثه لو غيرت المرافق
والوقت الي باقيله قليل جدا عشان تظمك
بس في شي ممكن تسويه غير انك تطلع على حسابك كم شهر
ان اختك تطلب ترقية بعثتها يعني تطلب تدرس الدكتورها
واذا وافقو ورقو بعثتها ساعتها بيكون في وقت وتقدر تظمك
الله يكتبلك الخير يارب ويفرجلي من عنده
رد: يرحم امهاتكم ((سجلت عشان هالسؤال)) تكفووون
هلا فيك اخوي
اول شي زوجها دامه انضم يطلب فصل بعثه يعني يصير هو مبتعث بدون مرافقين
وهي تصير مبتعثه بدون مرافقين
وبعدين هي تطلب ان انت تصير مرافقها
وانتهينا
الدعوة سهله لاتشيل هم
واللي يقولون ان لازم يكمل 70 % هذا كان اول
الحين القرار تغير المرافق اذا انضم خلاص يصير مبتعث رسمي وماله دخل بالمبتعث الاول ..
بالتوفيق ..
رد: يرحم امهاتكم ((سجلت عشان هالسؤال)) تكفووون
شوف ياخوك ربي يسعدك زوج أختك خلاااااااص أنضم للبعثه ومو منطقي يلغونها إذا أختك غيرت المرافق يعني بالعقل شخص درس وتعب يروح تعبه عشان تغييره كمرافق ..
لأن أختك مبتعثه وزوجها يعتبر برضو مبتعث رسمي ..
وبعدين وأنا أختك خل أختك تطلبك كمرافق لها وإن شالله تمر أمورك بسهاله وصح جرب كل الطرق عشان تحصل على اللي تبيه وربي معك ..
يلله إن شالله تتيسر الأمور وتصير مراااافق وتكمل دراستك يارب ..
بالتوفيق لك ولي وللجميع يارب العالمين .
رد: يرحم امهاتكم ((سجلت عشان هالسؤال)) تكفووون
عن جد شكراً لكل واحد فيكم والله انكم احرجتوني بذوقكم وعلى قولت المثل؛كل مين يعمل بأصله
واللي عندو اضافة لا يبخل علينا الله يسعدكم ''ويحقق امانيكم''