الأعضاء الإشتراك و التسجيل

الملتقيات
ADs

استفسار طموووووح لاتعرف طريق

استفسار طموووووح لاتعرف طريق


NOTICE

تنبيه: هذا الموضوع قديم. تم طرحه قبل 2376 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية تذكاااار
    تذكاااار

    مبتعث جديد New Member

    تذكاااار السعودية

    تذكاااار , أنثى. مبتعث جديد New Member. من السعودية , مبتعث فى السعودية , تخصصى ثانوي , بجامعة الكليه الجامعيه
    • الكليه الجامعيه
    • ثانوي
    • أنثى
    • ينبع, المدينه المنوره
    • السعودية
    • Jun 2011
    المزيدl

    June 17th, 2011, 09:57 PM

    اخواني ارجووكم افيدوووني والله العظيم عندي طموووح لكن ماااحد عندي يفهمني ويعلمني ويوجهني ولااحد قبلي درس خارج السعووديه لااهلي ولاجيرااني ولاحتى صحبااااتي انا ابي اكمل دراستي متخرجه من الثانويه نسبتي 77 متخرجه من 8 سنواات نفسي اكمل في امريكاا واجيب شهااده بس في اشياااء كثيره اخااف تكووون عااائق قدااامي اولهاا انا عندي بنت وولد الولد يدرس والبنت باااقي لهاا سنه واقدملهااا ولااقدر اسيبهم في السعوديه
    ونفسي يرووحون معي كماان هل تقبلني البعثه لو احجز اول شهرين على حساابي كمان اخووي بيقدم معي بس هو مثلي موعاارف تقبله وتقبلني ولالا علما ان اخووي نسبته 93الشهااده حقته لها 5 سنووات تخصصه علمي وفي حااجه نفسي اساال عنهاا الضماان الاجتمااعي لو اقدم على البعثه هل ينقطع عني ولا مستمر هاااذي هي اسالتي في اشيااء ثاانيه بس والله نااسيه ايش هي الان الله يسعدكم ويحفظكم ويحقق احلااامكم جااوبووني الاجااابه الشاافيه الكاافيه اللي ياااقنع عن البعثه او اكمل طمووحي
    وشكراا جزيلااا لكم
  2. حبيبتي ولله من خبرتي يالغاليه ان البعثات لاحاملين الثانويه علمي والنسبه المطلوبه فووق 90 % ولازم تكون اقل شي ماكملتي من تخرجك 5 سنوات وبنسبه اول شهرين علي حسابك ماعندي خبرة بصراحه واخوك يقدر يكمل لانه علم ونسبته كويسه هاذ والله اعلم وانشالله المنتدي مايقصرون معك اقراءي شروط بموقع الوزارة وانشالله تستفدين....
    7 "
  3. والله ياعزيزتي ماودك والله احبــطك

    بس نسبتك متدنيه وتاريخ التخرج مرره بعيد

    انت تقدرين تروحين ع حسابك اكيد بس يضمونك للبعثــه ما اتوقع ..؟

    لانك لازم تجيبين قبول جامعه والجامعه تبي نسب عاليــة ..

    هذا والله أعلم اذا احد عنده علم ثاني ان شاء الله يفيــدونك

    والعذر والسموحــه يمكن كلامي يحبطك بس عشان تكونين بالصــورة

    ,,

    ,,
    7 "
  4. اقول ماعليك لا تشيلين هم اي شي .. تقدرين تطلعين على حسابك ويضمونك للبعثة من هناك خلال فترة ماتتعدا الـ 3 شهور بإذن الله ..
    وأخوك بيطلع معك ..(يعني إنحلت سالفة المرافق) .. وعيالك تقدرين تاخذينهم معك وتدرّسينهم هناك .. عادي جدا ..
    أنتي بس اذا الفكرة براسك لا تشيلين هم كل الأمور سهلة ماعليك من كلام اللي فوق (لا تعلمينهم اني قايل كذا )


    الخطوات كالتالي :
    1/ تروحين لمكتب يجيب قبولات جامعية (عندك مكتب مستقبلي بالرياض .. مكتب انا تعاملت معاه وكم واحد من اصحابنا والأوضاع مشت زي الحلاوة).
    2/ تخلينه يجيب لك قبول معهد وجامعة بأمريكا بمبلغ اتوقع من 2000 إلى 2500.
    3/ بعد ماتوصلك القبولات وقبول المعهد بالتحديد .. تعطينهم مبلغ وقدره 1700 ريال عشان يضبط لك موعد بالسفارة.
    4/ تروحين للمقابلة بالسفارة الأمريكية وبيوافقون على فيزتك بإذن الله وبعدين خلاص تحجزين وتطيرين على أمريكا وتدرسين وتحققين حلمك.


    بالنسبة للمكتب والقبولات الموضوع بسيط جدا .. وبالنسبة للسفارة موضوعها بسيط بعد بس فيه شروط عندهم من ضمنها الأوراق اللي بيقولك عليها المكتب ويجهزها لك ..وتجيبين شهادة بنكية بمبلغ لا يقل عن 70 ألف ريال+كشف حساب لنفس الحساب اللي فيه المبلغ (تقدرين تدبرين المبلغ يمين يسار لين تطلعين كشف الحساب والشهادة البنكية وبعدين ترجعينه للي أخذتيه منه)< ترى اكثرنا يسوي كذا


    وبالنسبة للي يقولون لك الجامعات الأمريكية ماتقبل الا نسب مدري كم والملحقية مايضمون الا نسب مدري كم ماعليك لا تشيلين هم .. أنا أعرف واحد نسبته 61 ومع ذلك مشت أموره ابشرك وجاب قبول جامعة ومعهد وطلع فيزة والحين الرجال بأمريكا وأموره زينة .. الضم على انك تشدين حيلك بالمعهد هناك (نسبتك إنسيها دامك بتطلعين على حسابك بالبداية) ..

    < ينفض يده من الكتابة تعب

    وأي إستفسار وأي خدمة أنا حاضر .. خلي أخوك يكلمني على الإيميل ذا Mr.Mgh@live.com
    وتبشرون بعزكم وبساعدكم بكل الخطوات حبة حبة .. وعسى ربي يوفقنا وإياكم وجميع الطلبة.


    ملاحظة مهمة: أهم شي تكون الفكرة موجودة والنية صافية وبإذن الله بإذن الله يتحقق حلمكم .. وكل الأمور سهالات ترى ومووووويا أكثر مما تتخيلين..


    بالتوفيق يارب.,
    7 "
  5. الاخ الفاضل ماجد الحربي

    انا اشهد بالله انك ما قصرت كفيت ووفيت ورديت رد مفصل ما يحتاج بعده أي كلام
    ودليت اختنا الفاضلة على الطريق السليم
    الله يجعلها بموازين حسناتك ، ويوفق اختنا للي فيه الخير




    اما الردود اللي فوق
    الله يسامحهم
    ردودهم تكسر المجاديف



    الله يوفقك الجميع لما فيه الخير
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.