؟؟..موعد السفارة قرب..القبول ما وصل..عندي قبول ثاني..؟؟

مرحبا.. كيفكم شباب وصبايا..


باختصار.. موعدي في السفارة يوم الاربعاء 22/6 يعني بعد يومين..

ووجالس انتظر قبول المعهد في ولاية وسكونسن.. لسه ما وصل..

بس عندي قبول معهد في تكساس.. اقدر اقدم على الفيزا بهذا القبول؟؟ مع العلم اني ما راح اروح لهذي الولاية.. راح ادرس في وسكونسن ملواكي..

وش الحل؟؟ سمعت ان فيه شي اسمه تحويل.. عاد ما ادري وشو.. افيدوووني مشكورين..

تقدر تقدم على القبول الي عندك لاكن الدعوة احتمال يكون فيها نكبة شوف اخوي انت تقدر تقدم على الي عندك وبعدين لاوصل قبولك ترسله لهم عن طريق الايميل اوشي زي كيذا انت لاكلمتهم راح يشرحون لك طريقة الارسال وترسله لهم وتشرحلهم الاسباب الف اسباب اذا ماعندك المهم انه راح يغيرونه لك لاكن زي ماقلتلك قبل احتمال تنكب بأن فيزتك تطلع بدري والقبول الثاني ماوصل لأن الفيزا حضوظ ناس اسبوع وناس شهر وناس اكثر يعني الطريقة فيها مخاطرة وفيه حل انك تقدم عليه لاكن لازم تروح للمعهد وتدرس عنده مستوى كامل متى ماخلص الفل تقدر اتحول وكل معهد له نظام بالمستويات معاهد تخلص مستوى كل شهر ومعاهد شهرين وفيه ثلاثة يعني انت وحظك بمدة الفل متى ماخلصت تقدر تحول من المعهد الى اخر لأن الفيزا راح يكون مسجل فيها رقم السيفس والمعهد الي قدمت عليه وحاول تكلم السفارة يمكن يأجلون موعدك وتفتك من عوار الراس اتمنى اني افدتك والله يوفقك ويسهل عليك.

نصيحه انتظر القبول الي انت رايح تدرس فيها انا تبهدلت اربع شهور انتظر الفيزا والحمد لله طلعت انتظر قبولك احسن ماتتبهدل والله يوفق الجميع

يعني اقدر اأجل موعد السفارة مثلا. ولا وش الحل؟؟

تكفون علموني؟؟

اقتباس:

---

المشاركة الأصلية كتبت بواسطة بدر444

يعني اقدر اأجل موعد السفارة مثلا. ولا وش الحل؟؟

تكفون علموني؟؟

---

اخوي لاتستنى احد يقولك كلم ولا لاتكلم انت كلمهم بنفسك وستفسر ترى راس ماله مكالمة وهم ادرى لاتعتمد على تجارب الغير ولا مالك الا احد الحلول الي طرحتها فوق وانت وهواك الله يسهل عليك.