استفسار استفسار؟؟؟؟؟؟

اخوي المرحلة السابعة شروطهم مانزلت لسه بس كانت شروطهم في المرحلة السادسة كمايلي
مرحلة البكالوريوس ( يقتصر التقديم على التخصصات الطبية فقط )

1. ألا تقل نسبة الثانوية العامة عن 90% في قسم ( العلوم الطبيعية أو ما يعادلها ).
2. أداء اختبار القدرات العامة, على ألا تقل الدرجة عن 70%.
3. أداء الاختبار التحصيلي، على ألا تقل درجة الاختبار عن 75%.
4. ألا يكون قد مضى على حصوله على شهادة الثانوية العامة أكثر من 3 سنوات بدءاً من العام الدراسي 1427هـ ـــ 1428هــ.

وبعدين انت توك في ثاني ثانوي وشروط المرحلة السابعة تو ما اعلنو عنها والله يستر من شروطهم ربيعنا كل سنة يعقدون الشروط اكثر واكثر واصلا ماراح تلحق على المرحلة السابعة بما انك في ثاني ثانوي يعني انتظر المرحلة الثامنة هذا اذا كان فيه ثامنة بعد ما تدري وش المستخبي والله يعينك على شروطهم ذيك الساعة وبعدين ليش التحطيم مو شرط يابعثة ولا عسكرية عندك خيارات واجد غير العسكرية ياتكمل جامعة في احدى الجامعات القوية كالبترول والمعادن اوعندك ارامكو اي تي سي وعندك سابك وشركات واجد كبيرة وقوية لو اعدهن ماراح اخلص واذا طموحك اكبر من كيذا الوقت قدامك طويل والكرة مازالت في ملعبك اجتهد وشد حيلك ولاتخلي عليك اي ثغرة لهم وان شاء الله راح تحقق مرادك ويبتعثونك بأذن الله ولكل مجتهد نصيب ومن جد وجد ومن زرع حصد.

شد حيلك والله يوفقك وحاول تكلم ابوك وتكلم الناس اللي يسمع لهم ابوك عمك او خالك حتى امك خلهم يقنعونه وقل هذا مستقبلي وانا اذا دخلت في شيء ماابيه ما اقدر ابدع فيه